ຕອນບ່າຍ ຂອງວັນທີ 16 ກໍລະກົດ 2024, ທີ່ຫ້ອງປະຊຸມສະພາປະຊາຊົນແຂວງຜົ້ງສາລີ, ໜ່ວຍຮາກຖານຊາວໜຸ່ມສະພາປະຊາຊົນ ແຂວງຜົ້ງສາລີ ໄດ້ຈັດກອງປະຊຸມໃຫຍ່ ຄັ້ງທີ III ຂອງຕົນຂຶ້ນ ຢ່າງເປັນທາງການ ໂດຍການເປັນປະທານຂອງ ສະຫາຍ ນາງ ພິມພາ ມະຫາວົງທັດ ຄະນະບໍລິຫານງານຊາວໜຸ່ມແຂວງ, ເລຂາໜ່ວຍຮາກຖານຊາວໜຸ່ມ ສພຂ ແຂວງຜົ້ງສາລີ, ເປັນກຽດເຂົ້າຮ່ວມຂອງ ສະຫາຍ ທວນ ມະນີວົງ ຮອງຄະນະບໍລິຫານງານຊາວໜຸ່ມແຂວງ ແລະ ສະຫາຍ ພັທ ຄໍາດາ ໂສລະພົມ ຄະນະປະຈໍາ ສພຂ, ຮອງເລຂາໜ່ວຍພັກ ສພຂ, ຜູ້ຊີ້ນໍາວຽກງານອົງການຈັດຕັ້ງມະຫະຊົນ ສພຂ; ເຂົ້າຮ່ວມມີເລຂາ, ຮອງເລຂາໜ່ວຍຮາກຖານຊາວໜຸ່ມອ້ອມຂ້າງແຂວງຄື ກໍາມະບານແຂວງ, ພະແນກຍຸຕິທໍາແຂວງ, ຫ້ອງວ່າການແຂວງ, ໄອຍະການປະຊາຊົນແຂວງ ແລະ ສານປະຊາຊົນແຂວງ ພ້ອມດ້ວຍຕົວແທນຈາກ 3 ອົງການຈັດຕັ້ງມະຫະຊົນພາຍໃນ ແລະ ສະມາຊິກຊາວໜຸ່ມ ສພຂ ແຂວງຜົ້ງສາລີເຂົ້າຮ່ວມຢ່າງພ້ອມພຽງ.
ໃນກອງປະຊຸມ, ຄະນະຈັດຕັ້ງພິທີ ຜ່ານມະຕິຕົກລົງ ຂອງເລຂາຄະນະບໍລິຫານງານຊາວໜຸ່ມແຂວງ ວ່າດ້ວຍການອະນຸມັດໃຫ້ໜ່ວຍຮາກຖານຊາວໜຸ່ມ ສພຂ ດໍາເນີນກອງປະຊຸມໃຫຍ່ ຄັ້ງທີ III. ສະຫາຍ ນາງພິມພາ ມະຫາວົງທັດ ເລຂາໜ່ວນຮາກຖານຊາວໜຸ່ມ ສພຂ ກ່າວເປິດຢ່າງເປັນທາງການ; ຕໍ່ຈາກນັ້ນ; ສະຫາຍ ສຸຫວັນ ແສງຈັນສຸກ ຮອງເລຂາໜ່ວຍຮາກຖານຊາວໜຸ່ມ ສພຂ ຂຶ້ນຜ່ານບົດລາຍງານການເມືອງທັງສອງພາກ ແລະ ຜ່ານບົດສໍາຫຼວດການນໍາພາ-ຊີ້ນໍາ ຂອງຄະນະໜ່ວຍ ເຊິ່ງໄດ້ຍົກໃຫ້ເຫັນດ້ານຜົນງານ ແລະ ຜົນສຳເລັດ ທີ່ໄດ້ນໍາພາຈັດຕັ້ງເຄື່ອນໄຫວຽກງານຊ່ວໜຸ່ມ ໃນຕະຫຼອດໄລຍະ 5 ປີ ຜ່ານມາ. ໜ່ວຍຮາກຖານຊາວໜຸ່ມສະພາປະຊາຊົນແຂວງ ປະກອບມີ ຄະນະໜ່ວຍ ຈຳນວນ 3 ສະຫຍາຍ, ຍິງ 2 ສະຫາຍ, ປະກອບມີສະມາຊິກຊາວໜຸ່ມພາຍໃນໜ່ວຍ ຈໍານວນ 30 ສະຫາຍ, ຍິງ 16 ສະຫາຍ, ໄດ້ຈັດຕັ້ງການສຶກສາອົບຮົມການເມືອງແນວຄິດໃຫ້ແກ່ສະມາຊິກຊາວໜຸ່ມພາຍໃນໜ່ວຍຢ່າງເປັນປົກກະຕິ, ແນໃສ່ເຮັດໃຫ້ສະມາຊິກ ມີຄຸນທາດການເມືອງ, ຄຸນສົມບັດສິດທຳປະຕິວັດ, ສາມາດເຄື່ອນໄຫວຈັດຕັ້ງປະຕິບັດໜ້າທີ່ການເມືອງ ໃນການເຕົ່າໂຮມຄວາມສາມັກຄີພາຍໃນ ແລະ ພາຍນອກ ໄດ້ເປັນຢ່າງດີ, ເຮັດສຳເລັດໜ້າທີການຕາມການມອບໝາຍຂອງຄະນະພັກ, ຄະນະປະຈຳສະພາປະຊາຊົນແຂວງ,ເຮັດໃຫ້ສະມາຊິກມີຄວາມຈູບຈ້າວຫ້າວຫັນ ການເປັນມະຫາຊົນຜູ້ກ້າວໜ້າ ສະເໜີໃຫ້ຄະນະພັກສົງຮຽນກົດລະບຽບພັດເຂົ້າເປັນສະມາຊິກພັກໄດ້ 21 ສະຫາຍ, ຍິງ 11 ສະຫາຍ, ບັນຈຸ,ຊັບຊອນ ເຂົ້່າໃນການໜ້າທີ່ຕໍາແໜ່ງບໍລິຫານຕ່າງໆ ພາຍໃນສະພາປະຊາຊົນແຂວງ ໃນປະເພດຕ່າງໆ ຈຳນວນ 16 ສະຫາຍ. ໃນນີ້. ຕໍາແໜ່ງບໍລິຫານປະເພດ III ຈໍານວນ 1 ສະຫາຍ, ປະເພດ V ຈໍານວນ 4 ສະຫາຍ ແລະ ປະເພດ VI ຈຳນວນ 11 ສະຫາຍ. ນອກຈາກນັ້ນ ຍັງໄດ້ເປັນເຈົ້າການໃນການປະກອບສ່ວນເຂົ້່າໃນຂະບວນການຕ່າງໆດ້ວຍຄວາມຮັບຜິດຊອບ ແລະ ເປັນຂະບວນການ ສາມາດໄດ້ຜົນງານ,ຍ້ອງຍໍ ຂັ້ນຕ່າງໆ ເຊັ່ນຍ້ອງຍໍ ສະມາຊິກຊາວໜຸ່ມ 4 ບຸກ ຈຳນວນ 155 ເທື່ອ ສະຫາຍ, ໃບຍ້ອງຍໍ ແຂ່ງຂັນຮັກຊາດ ແລະ ພັດທະນາ ຂັ້ນສູນກາງ ແລະ ແຂວງ ຈຳນວນ 22 ສະຫາຍ,ໄດ້ຮັບຫຼຽນຊາວໜຸ່ມຕະລຸ່ມບອນ ຈຳນວນ 2 ສະຫາຍ ແລະ ຫຼຽນກາລະນຶກ 65 ປີ ວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຈຳນວນ 10 ສະຫາຍ ສາມາດເຮັດໃຫ້ໜ່ວຍຮາກຖານຊາວໜຸ່ມສະພາປະຊາຊົນກາຍເປັນໜ່ວນວຍ 4 ບຸກຕະຫຼອດ 5 ປີ. ພ້ອມນັ້ນ ບັນດາຜູ້ແທນກອງປະຊຸມ ໄດ້ພັດປ່ຽນກັນຂຶ້ນປະກອບຄໍາເຫັນແລກປ່ຽນບົດຮຽນເຮັດໃຫ້ແຜນການເຄຶ່ອນໄຫວວຽກງານໃນຕໍ່ໜ້າ ດ້ວຍຂະບວນຟົດຟື້ນ, ສ້າງສັນ ເພື່ອເຮັດບັນດາຄາດໝາຍ ແລະ ວຽກງານຈຸດສຸມກຳນົດໃນແຜນ ໄດ້ຮັບການຈັດຕັ້ງປະຕິບັດໃຫ້ມີຜົນສຳເລັດຕາມລະດັບຄາດໝາຍທີ່ວາງໄວ້ ແລະ ຍັງໄດ້ຮັບຟັງຄະນະໜ່ວຍຊາວໜຸ່ມ ສພຂ ຊຸດເກົ່າຂຶ້ນກ່າວລາໜ້າທີ່ ແລະ ຕາງໜ້າຄະນະບໍລິຫານງານຊາວໜຸ່ມແຂວງ ຜ່ານຂໍ້ຕົກລົງ ຂອງສູນກາງຊາວໜຸ່ມປະຊາຊົນປະຕິວັດລາວ ສະບັບເລກທີ 286/ສຊປລ, ລົງວັນທີ 10 ເມສາ 2024 ວ່າດ້ວຍການມອບຫຼຽນກາລະນຶກ 65 ປີ ໃຫ້ແກ່ສະມາຊິກຊາວໜຸ່ມ ທີ່ມີຜົນງານດີເດັ່ນ ເຊິ່ງໃຫ້ກຽດຂື້ນມອບໂດຍສະຫາຍ ທວນ ມະນີວົງ ຮອງເລຂາຄະນະບໍລິຫານງານຊາວໜຸ່ມແຂວງ.
ຈາກນັ້ນ, ຄະນະຮັບຜິດຊອບ ເຊິ່ງຕາງໜ້າຄະນະບໍລິຫານງານຊາວໜຸ່ມແຂວງ ຂຶ້ນຜ່ານມາດຖານເງື່ອນໄຂຂອງຄະນະໜ່ວຍຊຸດໃໝ່ ແລະ ດໍາເນີນການປ່ອນບັດຄັດເລືອກເອົາຄະນະໜ່ວຍຊາວໜຸ່ມສະພາປະຊາຊົນແຂວງ ຊຸດໃໝ່, ໂດຍມີຜູ້ສະໝັກ 5 ທ່ານ ເລືອກເອົາ 3 ທ່ານ; ຜ່ານການປ່ອນບັດ ແລະ ດຳເນີນກອງປະຊຸມຄັ້ງປະຖົມມະລຶກ ເຫັນດີເລືອກເອົາ ສະຫາຍ ສຸຫວັນ ແສງຈັນສຸກ ເປັນເລຂາໜ່ວຍຊາວໜຸ່ມ ສພຂ, ສະຫາຍ ສົມໃຈ ສຸກສະຫວັນ ເປັນຮອງເລຂາໜ່ວຍຊາວໜຸ່ມ ແລະ ສະຫາຍ ພອນແກ້ວປະເສີດ ສຸລິວົງ ເປັນຄະນະ
ໃນຕອນທ້າຍຂອງກອງປະຊຸມໄດ້ຮັບຟັງການໂອ້ລົມເພື່ອທິດຈາກ ສະຫາຍ ທວນ ມະນີວົງ ຮອງເລຂາຄະນະບໍລິຫານງານຊາວໜຸ່ມແຂວງ ເຊິ່ງກ່ອນອື່ນ ສະຫາຍ ໄດ້ຍ້ອງຍໍຊົມເຊີຍ ຕໍ່ຜົນງານທີ່ທາງໜ່ວຍຊາວໜຸມ ສພຂ ຍາດມາໄດ້ໃນໄລຍະຜ່ານມາ ພ້ອມທັງ ຮຽກຮ້ອງ ແລະ ເນັ້ນໃຫ້ຄະນະໜ່ວຍຊຸດໃໝ່ ແລະ ສະມາຊີກຊາວໜຸ່ມ ສພຂ ແຂວງຜົ້ງສາລີ ມີບາງຕອນທ່ານໄດ້ກ່າວວ່າ: ຄະນະໜ່ວຍຮາກຖານຊາວໜຸ່ມ ສພຂ ສືບຕໍ່ເອົາໃຈໃສ່ສືກສາອົບຮົມການເມືອງແນວຄິດ, ຄຸນສົມບັດສີນທໍາປະຕິວັດ ແລະ ເສີມຂະຫຍາຍມຸນເຊື້ອຂອງຊາວໜຸ່ມ; ເອົາໃຈໃສ່ປັບປຸງແນວຄິດຈິດໃຈຕໍ່ການຈັດຕັ້ງໃນການປະຕິບັດໜ້າທີ່ວຽກງານ ແລະ ຮຽງຮອງໃຫ້ຄະນະພັກ ສພຂ ເອົາໃສ່ຊີ້ນໍາໆພາ, ສືກສາອົບຮົມແນວຄິດການເມືອງ ແລະ ໃກ້ສິດຕິດແທດ ຕໍ່ຄະນະໜ່ວຍຊາວໜຸ່ມ ຊຸດໃໝ່; ຄະນະໜ່ວຍຊາວໜຸ່ມທຸກຂັ້ນ ຕ້ອງປັບປຸງການຈັດຕັ້ງຂອງຕົນໃຫ້ມີຄວາມໜັກແໜ້ນ, ເຂັ້ມແຂງ ທັງປະລິມານ ແລະ ຄຸນນະພາບ, ພ້ອມທັງສຶບຕໍ່ແຮ້ງສ່ຽວກັບຄະນະໜ່ວຍຊາວໜຸ່ມພະແນການການຕ່າງໆ; ເອົາໃຈໃສ່ຊີ້ນໍາໆພາສ້າງຂະບວນການ 4 ບຸກ ແລະ ຂະບວນການອື່ນໆ ຂອງແຂວງ ໃຫ້ເປັນຂະບວນຟົດຟື່ນ.
ພາບ-ຂ່າວ: ໂດຍ ສູນທອງ