(ສພຊ) ກອງປະຊຸມໃຫຍ່ຄັ້ງທີ II ຂອງໜ່ວຍຊາວໜຸ່ມຮາກຖານສະຖາບັນຄົ້ນຄວ້ານິຕິກຳສະພາແຫ່ງ ຊາດ (ສນສ) ໄດ້ຈັດຂຶ້ນໃນຕອນເຊົ້າຂອງວັນທີ 12 ມີນາ 2024 ທີ່ສະພາແຫ່ງຊາດ (ຕຶກຫຼັງໃໝ່) ໂດຍການເປັນ ປະທານຮ່ວມຂອງສະຫາຍ ນາງ ແສງທະວີ ໄຊຍະວຶດ ຄະນະພັກຮາກຖານສະຖາບັນຄົ້ນຄວ້ານິຕິກຳ, ສະຫາຍ ໄກ ມະນິນ ເທບບົວລີ ຮອງຄະນະບໍລິຫານງານຊາວໜຸ່ມສະພາແຫ່ງຊາດ (ສພຊ) ແລະ ສະຫາຍ ສິດຖະໜອມ ພົມ ມະຈັນ ເລຂາໜ່ວຍຊາວໜຸ່ມຮາກຖານ ສນສ; ມີບັນດາສະຫາຍເລຂາໜ່ວຍຊາວໜຸ່ມຮາກຖານພາຍໃນ ສພຊ ແລະ ສະມາຊິກຊາວໜຸ່ມຮາກຖານ ສນສ ລວມຜູ້ເຂົ້າຮ່ວມທັງໝົດ 38 ສະຫາຍ ຍິງ 10 ສະຫາຍ.
ກອງປະຊຸມໄດ້ຮັບຟັງການຜ່ານບົດລາຍງານການເມືອງ ແລະ ບົດສຳຫຼວດການນຳພາຂອງໜ່ວຍຊາວໜຸ່ມ ຮາກຖານສະຖາບັນຄົ້ນຄວ້ານິຕິກຳ; ຈາກນັ້ນ, ໄດ້ເປັນເອກະພາບ ພິຈາລະນາ, ຮັບຮອງເອົາບັນດາເນື້ອໃນສຳຄັນຄື: ຕີລາຄາສະພາບການເຄື່ອນໄຫວໄລຍະຜ່ານມາ ແຕ່ປີ 2020-2024 ໃນນັ້ນ, ໄດ້ຍົກໃຫ້ເຫັນດ້ານດີຜົນງານຕ່າງໆ ທີ່ໜ່ວຍຊາວໜຸ່ມຮາກຖານ ສນສ ຍາດມາໄດ້ ພ້ອມທັງຍົກໃຫ້ເຫັນດ້ານອ່ອນຂໍ້ຄົງຄ້າງ ແລະ ບັນດາສາເຫດທີ່ຕ້ອງ ໄດ້ປັບປຸງແກ້ໄຂເພື່ອຮັບປະກັນໃຫ້ການເຄື່ອນໄຫວວຽກງານຂອງໜ່ວຍຊາວໜຸ່ມຮາກຖານໃຫ້ດີຂຶ້ນກວ່າເກົ່າ; ກຳ ນົດທິດທາງການເຄື່ອນໄຫວວຽກງານຂອງຄະນະໜ່ວຍຊາວໜຸ່ມຮາກຖານ ສນສ ໄລຍະ 5 ປີ (2024-2028) ໃນນັ້ນ, ຕົ້ນຕໍແມ່ນເພີ່ມທະວີສຶກສາອົບຮົມການເມືອງ-ແນວຄິດ, ການພັດທະນາວຽກງານຊາວໜຸ່ມ ຕິດພັນກັບ ການເປັນເສນາທິການໃຫ້ແກ່ໜ່ວຍພັກຮາກຖານ ສນສ ໄປພ້ອມກັບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ແລະ ແຜນການທີ່ວາງໄວ້ໃຫ້ມີປະສິດທິພາບ ແລະ ປະສິດທິຜົນສູງຂຶ້ນກວ່າເກົ່າ; ບົດສຳຫຼວດການນຳພາຂອງຄະນະ ໜ່ວຍຊາວໜຸ່ມຮາກຖານກ່ຽວກັບການຊີ້ນຳ-ນຳພາຕໍ່ວຽກງານຊາວໜຸ່ມຕະຫຼອດໄລຍະ 5 ປີຜ່ານມາ ເຊິ່ງຍົກໃຫ້ ເຫັນດ້ານດີຜົນງານ, ດ້ານອ່ອນຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ຈຳນວນໜຶ່ງ ທີ່ຄະນະໜ່ວຍຊາວໜຸ່ມ ຮາກຖານຊຸດໃໝ່ ຈະຕ້ອງນຳໄປເປັນບົດຮຽນໃນການສືບຕໍ່ປັບປຸງແກ້ໄຂເພື່ອຮັບປະກັນໃຫ້ແກ່ການເຄື່ອນໄຫວ ວຽກງານຊາວໜຸ່ມ ກໍຄືການຜັນຂະຫຍາຍຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ II ຂອງໜ່ວຍຊາວໜຸ່ມຮາກ ຖານ ສນສ ບັນລຸຕາມຄາດໝາຍທີ່ວາງໄວ້.
ກອງປະຊຸມໄດ້ເສີມຂະຫຍາຍປະຊາທິປະໄຕ ເລືອກຕັ້ງເອົາຄະນະໜ່ວຍຊາວໜຸ່ມຮາກຖານສະຖາບັນຄົ້ນ ຄວ້ານິຕິກຳ ຊຸດໃໝ່ ເຊິ່ງປະກອບມີ 5 ສະຫາຍ ຍິງ 2 ສະຫາຍ, ໃນນັ້ນ, ກອງປະຊຸມເຫັນດີເລືອກເອົາສະຫາຍ ນາງ ພອນວິມົນ ຄຳຈັນສີ ເປັນເລຂາ, ສະຫາຍ ອານີ ຄ້າທະວີ ເປັນຮອງເລຂາ ທັງເປັນປະທານກວດກາ, ສະຫາຍ ໂອດ່ຽນ ພົມມະສານ ເປັນຮອງເລຂາຜູ້ທີ 2, ສະຫາຍ ໄມອ່ອນ ເລືອງໄຊສີ ແລະ ສະຫາຍ ກາວິພອນ ແກ້ວດອນ ໃຜ່ ເປັນຄະນະ.
ໃນໂອກາດນີ້, ສະຫາຍ ນາງ ແສງທະວີ ໄຊຍະວຶດ ໄດ້ມີຄຳເຫັນໂອ້ລົມຕໍ່ກອງປະຊຸມ ເຊິ່ງໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຂອງຄະນະໜ່ວຍຊາວໜຸ່ມຊຸດຜ່ານມາ ແລະ ສະມາຊິກຊາວໜຸ່ມທັງໝົດ ທີ່ຍາດໄດ້ ຜົນງານໃນຫຼາຍໆດ້ານ, ຄຽງຄູ່ກັນນີ້ ກໍສະແດງຄວາມເປັນຫ່ວງເປັນໄຍຕໍ່ດ້ານອ່ອນ-ຂໍ້ຄົງຄ້າງ ເຊິ່ງຮຽກຮ້ອງໃຫ້ຄະ ນະໜ່ວຍຊາວໜຸ່ມຊຸດໃໝ່ ຈະຕ້ອງສຸມໃສ່ປັບປຸງແກ້ໄຂໃຫ້ມີທິດທາງທີ່ຕັ້ງໜ້າກວ່າເກົ່າ; ພ້ອມກັນນັ້ນ ຍັງເຊື່ອໝັ້ນວ່າ ຄະນະໜ່ວຍຊາວໜຸ່ມຊຸດໃໝ່ ຈະສືບຕໍ່ຊີ້ນຳ-ນຳພາສະມາຊິກພາຍໃນໜ່ວຍ ຈັດຕັ້ງປະຕິບັດໜ້າທີ່ການເມືອງຂອງຕົນຕາມມະຕິກອງປະຊຸມໃນຄັ້ງນີ້ ຍາດໄດ້ຜົນງານ ແລະ ຜົນສຳເລັດໃໝ່ທີ່ຍິ່ງໃຫຍ່ກວ່າເກົ່າ.
(ຂ່າວ ແລະ ພາບ: ນາງ ໄຊໂສພາພອນ ມິ່ງມຸງຄຸນ)