ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ກອງປະຊຸມໃຫຍ່ຄັ້ງທີV ຂອງກໍາມະບານຮາກຖານ ສະພາປະຊາຊົນແຂວງ ຫລວງນໍ້າທາ ໄດ້ໄຂຂຶ້ນຢ່າງເປັນທາງການໃນຕອນແລງວັນທີ 20 ຕຸລາ 2022 ທີ່ຫ້ອງປະຊຸມສະພາປະຊາຊົນແຂວງ ພາຍໃຕ້ການເປັນປະທານຂອງສະຫາຍ ຈັນທະສຸລິນ ໝັ້ນປະດິດ ສະມາຊິກສະພາແຫ່ງຊາດປະຈຳເຂດເລືອກຕັ້ງ ປະທານກຳມະບານຮາກຖານສະພາປະຊາຊົນແຂວງ, ໃຫ້ກຽດເຂົ້າຮ່ວມຂອງສະຫາຍ ຄຳຟອງ ອີນມານີ ຮອງເລຂາພັກແຂວງ ປະທານສະພາປະຊາຊົນແຂວງ, ມີເລຂາໜ່ວຍພັກຊີ້ນຳອົງການຈັດຕັ້ງມະຫາຊົນ, ບັນດາທ່ານຕາງໜ້າອົງການກຳມະບານແຂວງ, ໜ່ວຍກຳມະບານອ້ອມຂ້າງ, ພ້ອມດ້ວຍສະມາຊິກກຳມະບານພາຍໃນສະພາປະຊາຊົນແຂວງເຂົ້າຮ່ວມ 42 ສະຫາຍ, ຍິງ 22 ສະຫາຍ.

ກອງປະຊຸມໄດ້ຮັບຟັງ ຮ່າງບົດລາຍງານການເມືອງກຳມະບານຮາກຖານ ຕໍ່ກອງປະຊຸມໃຫຍ່ຄັ້ງທີີV ແລະ ທິດທາງແຜນການເຄື່ອນໄຫວວຽກງານ 5 ປີຕໍ່ໜ້າ ຂອງກໍາມະບານຮາກຖານ ສະພາປະຊາຊົນແຂວງ ຊຶ່ງກຳມະບານຮາກຖານ ສະພາປະຊາຊົນແຂວງ ແມ່ນອົງການຈັດຕັ້ງໜຶ່ງ ຊຶ່ງຢູ່ພາຍໃຕ້ການຊີ້ນຳ-ນຳພາໂດຍກົງຂອງຄະນະໜ່ວຍພັກສະພາປະຊາຊົນແຂວງ ແລະ ຄະນະບໍລິຫານງານສະຫະພັນກຳມະບານແຂວງ ແລະ ມີສະມາຊິກກຳມະບານທັງໝົດ 4ໍ5 ສະຫາຍ, ຍິງ 23 ສະຫາຍ; ໃນໄລຍະ 5 ປີຜ່ານມາໄດ້ສຸ່ມໃສ່ຈັດຕັ້ງຜັນຂະຫຍາຍມະຕິຄັ້ງທີXI ຂອງພັກປະຊາຊົນປະຕິວັດລາວ, ມະຕິກອງປະຊຸມໃຫຍ່ຄັ້ງທີVIII ຂອງອົງຄະນະພັກແຂວງ, ມະຕິກອງປະຊຸມໃຫຍ່ຄັ້ງທີVIII ຂອງສູນກາງສະຫະພັນກໍາມະບານລາວ ແລະ ສະຫະພັນກໍາມະບານແຂວງ ກໍ່ຄືມະຕິກອງປະຊຸມໃຫຍ່ຄັ້ງມີIV ຂອງຕົນ, ຄະນະກໍາມະບານຮາກຖານ, ​ສະມາຊິກກຳມະບານທຸກສະຫາຍໄດ້ຕັ້ງໜ້າເຄື່ອນໄຫວວຽກງານກຳມະບານ ຕາມພາລະບົດບາດ, ສິດ ແລະ ໜ້າທີ່ຂອງຕົນຢ່າງມີຄວາມຮັບຜິດຊອບສູງ ແລະ ໄດ້ຮັບຜົນສຳເລັດຫລາຍດ້ານ, ພ້ອມທັງ ສຶກສາອົບຮົມການເມືອງ-ແນວຄິດ ໃຫ້ສະມາຊິກກຳມະບານ ເປັນປົກກະຕິ ໃຫ້ມີແນວຄິດອຸ່ນອຽນທຸນທ່ຽງ, ມີຄວາມເຊື້ອໝັ້ນຕໍ່ແນວທາງນະໂຍບາຍຂອງພັກ, ກົດໝາຍ, ລະບຽບການຕ່າງໆຂອງລັດ ແລະ ໄດ້ນຳເອົາມູນເຊື້ອອັນດີງາມຂອງຊາດ, ຂອງພັກ ມາເຜີຍແຜ່ ໃຫ້ສະມາຊິກກຳມະບານຮັບຮູ້, ເຊື່ອມຊຶມເຂົ້າໃຈຢ່າງກວ້າງຂວາງ  ແລະ ຈະສືບຕໍ່ຈັດຕັ້ງເຄື່ອນໄຫວວຽກງານກຳມະບານແຕ່ລະດ້ານ ຕາມພາລະບົດບາດ, ສິດ ແລະ ໜ້າທີ່ ຂອງກຳມະບານຮາກຖານ ໃຫ້ສຳເລັດຕາມຄາດໝາຍ; ໃນນັ້ນ ຜູ້ແທນກອງປະຊຸມໄດ້ປະກອບຄຳຄິດເຫັນຕໍ່ຮ່າງບົດລາຍງານການເມືອງກຳມະບານຮາກຖານ ຢ່າງມີຈຸດສຸມ ເພື່ອເຮັດໃຫ້ບົດລາຍງານ ມີເນື້ອໃນຖຶກຕ້ອງສົມບຸນກວ່າເກົ່າ, ສາມາດຈັດຕັ້ງປະຕິບັດໃນຕໍ່ໜ້າໃຫ້ມີຄຸນນະພາບສູງສຸດ; ພ້ອມດຽວກັນ ຄະນະກຳມະບານຮາກຖານຊຸດເກົ່າໄດ້ຂຶ້ນອຳລາໜ້າທີ່ຢ່າງເປັນທາງການ ແລະ ສະມາຊິກສະຫະພັນກຳມະບານຮາກຖານ ສະພາປະຊາຊົນແຂວງ ໄດ້ປ່ອນບັດເລືອກຕັ້ງເອົາຄະນະກຳມະບານຮາກຖານ ຊຸດໃໝ່ຈຳນວນ 5 ສະຫາຍ, ເລືອກເອົາ 3 ສະຫາຍ ເພື່ອສືບຕໍ່ປະຕິບັດໜ້າທີ່ວຽກງານກຳມະບານໃຫ້ສຳເລັດ.   

 

ໂອກາດນີ້ ທ່ານ ບຸນເລີດ ດ້ວງເງິນ ຮອງປະທານກຳມະບານແຂວງ ໄດ້ມີຄຳເຫັນໂອ້ລົມ ກ່ອນອື່ນທ່ານໃຫ້ຮູ້ເຖີງຄວາມໝາຍສຳຄັນຂອງວຽກງານກຳມະບານ ຢ່າງເລິກເຊີ່ງ ແລະ ສະແດງຄວາມຍ້ອງຍໍຊົມເຊີຍຕໍ່ການນຳຂອງສະພາປະຊາຊົນແຂວງ ທີ່ໄດ້ຊີ້ນຳ-ນຳພາກຳມະບານຮາກຖານມາຕະຫລອດໄລຍະຜ່ານມາ, ຊົມເຊີຍຕໍ່ຜົນງານຂອງ ກຳມະບານຮາກຖານ ໃນໄລຍະຜ່ານມາເຫັນໄດ້ເຖີງຜົນສຳເລັດຫລາຍດ້ານ ແລະ ໃຫ້ສະມາຊິກກຳມະບານທຸກສະຫາຍຈົ່ງມີຄວາມຮັບຜິດຊອບສູງ, ມີຄວາມສາມັກຄີ, ເອົາໃຈໃສ່ຮ່ຳຮຽນເອົາປະສົບການໃໝ່ໆ ມາໝູນໃຊ້ພັດທະນາໃນວຽກງານວິຊາສະເພາະຂອງຕົນໃຫ້ມີຄຸນນະພາ ບ, ຮຽກຮ້ອງໃຫ້ຄະນະກຳມະບານຮາກຖານຊຸດໃໝ່ ຈົ່ງເອົາໃຈໃສ່ສືບຕໍ່ຈັດຕັ້ງປະຕິບັດວຽກງານກຳມະບານ, ຊີ້ນຳ-ນຳພາກຳມະບານຮາກຖານຂອງຕົນໃຫ້ເຂັ້ມແຂງ ແລະ ໄດ້ຮັບຜົນສຳເລັດຕາມລະດັບຄາດໝາຍທີ່ວາງໄວ້.