ວັນທີ 28 ກໍລະກົດ 2022 ນີ້.ເວລາ 8:30 ໂມງ ຢູ່ທີ່ຫ້ອງປະຊຸມຂອງສະພາປະຊາຊົນແຂວງບໍ່ແກ້ວ ໄດ້ດໍາເນີນຂຶ້ນ ໂດຍພາຍໃຕ້ການເປັນປະທານຮ່ວມຂອງທ່ານ ປອ ບົວຄົງ ນາມມະວົງ ກໍາມະການສູນກາງພັກ,ເລຂາພັກແຂວງ, ເຈົ້າແຂວງໆບໍ່ແກ້ວ ແລະ ທ່ານ ຈອມສີ ລັດຕະນະປັນ ຮອງເລຂາພັກແຂວງ ປະທານສະພາປະຊາຊົນແຂວງ

ມີບັນດາຄະນະປະຈໍາສະພາປະຊາຊົນແຂວງ,ຄະນະປະຈໍາພັກແຂວງ, ຫົວໜ້າພະແນກການ, ອົງການແນວລາວສ້າງຊາດ, ອົງການຈັດຕັ້ງມະຫາຊົນ ແລະ ພະນັກງານຂອງ ສພຂ ເຂົ້າຮ່ວມ. ໂດຍປະຕິບັດຕາມກົດໝາຍວ່າດ້ວຍການປັບປຸງບາງມາດຕາຂອງກົດໝາຍວ່າດ້ວຍສະພາແຫ່ງຊາດ ແລະ ກົດໝາຍວ່າດ້ວຍສະພາປະຊາຊົນຂັ້ນແຂວງເລກທີ 82/ຄປຈຂ, ລົງວັນທີ 30 ມິຖຸນາ 2020 ໃນມາດຕາ 60 ກອງປະຊຸມສະໄໝສາມັນປະຈໍາ 6 ເດືອນຕົ້ນປີຂອງສະພາປະຊາຊົນຊັ້ນແຂວງ, ປະຕິບັດຕາມແຜນການກະກຽມ ແລະ ດໍາເນີນກອງປະຊຸມສະໄໝສາມັນເທື່ອທີ 3 ຂອງສະພາປະຊາຊົນແຂວງບໍ່ແກ້ວຊຸດທີ II ສະບັບເລກທີ 54/ຄປຈຂ, ລົງວັນທີ 18 ກໍລະກົດ 2022

ເຊິ່ງກອງປະຊຸມຄັ້ງນີ້ຈະໄດ້ຮັບຟັງການລາຍງານກ່ຽວກັບການກະກຽມດ້ານຕ່າງໆ ໃຫ້ແກ່ການດໍາເນີນກອງປະຊຸມສະໄໝສາມັນເທື່ອທີ 3 ຂອງສະພາປະຊາຊົນແຂວງບໍ່ແກ້ວ ຊຸດທີ II ພ້ອມທັງປຶກສາຫາລື, ຄົ້ນຄວ້າປະກອບຄໍາຄິດຄໍາເຫັນ ແລະ ຕົກລົງເປັນເອກະພາບຕໍ່ກັບບັນດາຫົວຂໍ້ເນື້ອໃນທີ່ຈະນໍາເຂົ້າພິຈາລະນາ, ຮັບຮອງເອົາຢູ່ໃນກອງປະຊຸມສະໄໝສາມັນເທື່ອທີ 3 ຂອງສະພາປະຊາຊົນແຂວງພ້ອມທັງຮັບຟັງການມີຄໍາເຫັນຊີ້ນໍາ ຕໍ່ບັນດາເນື້ອໃນທີ່ຈະນໍາເຂົ້າລາຍງານ ແລະ ພິຈາລະນາຮັບຮອງໃນກອງປະຊຸມສະໄໝສາມັນເທື່ອທີ 3 ຂອງສະພາປະຊາຊົນແຂວງ ຈາກທ່ານເຈົ້າແຂວງໆບໍ່ແກ້ວ. ກອງປະຊຸມໄດ້ດໍາເນີນເປັນເວລາ 01 ຕອນ ແລະເອັດລົງດ້ວຍຜົນສໍາເລັດຕາມຈຸດປະສົງ