​ໃນ​ວັນ​ທີ 24 ພຶດສະພາ 2022 ຢູ່​ທີ່​ຫ້ອງ​ປະຊຸມ​ຫ້ອງ​ວ່າການ​​ແຂວງ ​ໄດ້​ເປີດກອງ​ປະຊຸມ​ຮ່ວມລະຫວ່າງ​ຄະນະ​ເລຂາທິການ​ສະພາ​ປະຊາຊົນ​ແຂວງ​ຮ່ວມ​ກັບ​ຫ້ອງ​ວ່າການ​ແຂວງ ​ໂດຍ​ການ​ເປັນ​ປະ​ທ່ານ ຮ່ວມ​ຂອງ​ທ່ານ  ສົມ​ພອນ ສີ​ອາ​ໄພ ກໍາມະການ​ພັກ​ແຂວງ ຫົວໜ້າຫ້ອງ​ວ່າການ​ແຂວງ ​ແລະ ທ່ານ ນາງ ສາຍພູ​ເງິນ ອຸດົມ​ສຸກ ​ເລຂາທິການ​ສະພາ​ປະຊາຊົນ​ແຂວງ, ມີ​ບັນດາ​ທ່ານ​ຄະນະ​ຫ້ອງ​ວ່າການ, ຄະນະ​ເລຂາທິການ, ຫົວໜ້າ-ຮອງ​ຫົວໜ້າຂະ​ແໜງ ​ແລະ ພະນັກງານ​ຂອງ​ສະພາ​ປະຊາຊົນ ​ແລະ ຫ້ອງ​ວ່າການ​ແຂວງ​ເຂົ້າ​ຮ່ວມ.

ຈຸດປະສົງ​ໃນ​ການ​ດໍາ​ເນີ​ກອງ​ປະຊຸມ​ເພື່ອ​ປຶກສາ​ຫາລື​ ການພົວພັນປະສານ​ງານລະຫວ່າງຄະນະ​ເລຂາທິການ​ສະພາ​ປະຊາຊົນ​ແຂວງ​ ​ແລະ ຫ້ອງ​ວ່າການ​ແຂວງ, ການ​ກະກຽມ​ເນື້ອ​ໃນ​ໃຫ້​ແກ່​ສະມາຊິກ​ສະພາ​ແຫ່ງຊາດ ​ປະ​ຈໍາ​ເຂດ​ເລືອກ​ຕັ້ງທີ 9 ​ໄປ​​ເຂົ້າ​ຮ່ວມ​ກອງ​ປະຊຸມ​ສະ​ໄໝສາມັນ ​ເທື່ອ​ທີ 3 ຂອງ​ສະພາ​ແຫ່ງ​ຊາດ ຊຸດ​ທີ IX, ກະກຽມ​ເນື້ອ​​ໃນ​ກອງ​ປະຊຸມ​ສະ​ໄໝສາມັນ ​ເທື່ອ​ທີ 3 ຂອງສະພາ​ປະຊາຊົນ​ແຂວງ​ ຊຸດ​ທີ II, ກະກຽມ​ເນື້ອ​ໃນ​ກອງ​ປະຊຸມ​ຂອງ​ອົງການ​ປົກຄອງ​ແຂວງ ​ແລະ ​ເອກະ​ພາບ​ກັນ​ກ່ຽວກັບ​ການຈັດ​ຕັ້ງ​ປະຕິບັດໜ້າທີ່​ວຽກງານ, ການ​ພົວພັນ​ປະສານ​ງານ ​ແລະ ສືບ​ຕໍ່​ຈັດ​ຕັ້ງ​ປະຕິບັດ​ຕາມ​ຂໍ້​ຕົກລົງ​ຮ່ວມ​ລະຫວ່າງ ຄະນະ​ເລຂາທິການ​ສະພາ​ປະຊາຊົນ​ແຂວງ​ ​ແລະ ຫ້ອງ​ວ່າການ​ແຂວງ ​ເພື່ອ​ໃຫ້ການ​ຈັດ​ຕັ້ງ​ປະຕິບັດໜ້າທີ່​ວຽກງານ​ໃຫ້​ຄ່ອງ​ຕົວ​ຂຶ້ນ​ກວ່າ​ເກົ່າ.

 ສະພາ​ປະຊາຊົນ​ແຂວງ​ຊຽງຂວາງ

ຂ່າວ​​ໂດຍ: ນາງ ສຸກ​ສະຫວັນ ອິນທະ​ແສງ