ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

 

 

ກອງປະຊຸມສະໄໝສາມັນເທື່ອ ທີ 3 ຂອງສະພາປະຊາຊົນແຂວງວຽງ ຈັນ ຊຸດທີ II ໄດ້ສໍາເລັດລົງຢ່າງເປັນທາງການ ໃນຕອນບ່າຍຂອງວັນທີ 12 ສິງຫາ 2022 ພາຍຫຼັງທີ່ດໍາເນີນມາເປັນເວລາ 3 ວັນເຕັມ ພາຍໃຕ້ການເປັນປະ ທານຂອງທ່ານ ບຸນສອນ ເພັດລາວັນ ຮອງເລຂາພັກແຂວງ, ປະທານຄະ ນະສະມາຊິກສະພາປະຊາຊົນແຂວງວຽງຈັນ, ເປັນກຽດເຂົ້າຮ່ວມມີບັນດາ ທ່ານ ການນໍາຂອງແຂວງ, ສະມາຊິກສະພາແຫ່ງຊາດ ຊຸດທີ IX ປະຈໍາເຂດ ເລືອກຕັ້ງທີ 10 ແຂວງວຽງຈັນ, ສະມາຊິກສະພາປະຊາຊົນແຂວງຊຸດທີ II, ເຈົ້າເມືອງ, ຮອງເຈົ້າເມືອງ 11 ເມືອງ, ຫົວໜ້າ-ຮອງຫົວໜ້າພະແນກການ, ອົງການ, ກົມກອງ, ຕະຫຼອດຮອດແຂກຖືກເຊີນເຂົ້າຮ່ວມຢ່າງພ້ອມພຽງ
ເຊິ່ງບັນດາທ່ານ ສະມາຊິກສະພາແຫ່ງຊາດ, ສະມາຊິກສະພາປະຊາຊົນ ແຂວງ ຊຸດທີ II ໄດ້ເສີມຂະຫຍາຍສິດ ປະຊາທິປະໄຕຂອງຕົນ ເຂົ້າໃນການ ຄົ້ນຄວ້າ, ພິຈາລະນາ ແລະ ຮັບຮອງເອົາບັນຫາສໍາຄັນຕ່າງໆ ທີ່ເປັນພື້ນ ຖານຂອງແຂວງ ເປັນຕົ້ນແມ່ນ:
1. ໄດ້ພິຈາລະນາ ແລະ ຮັບຮອງເອົາບົດລາຍງານ ຂອງທ່ານເຈົ້າແຂວງ ກ່ຽວກັບ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນ ງົບປະມານແຫ່ງລັດ ຂອງແຂວງ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022
2. ຮັບຟັງການລາຍງານຂອງພະແນກແຜນການ ແລະ ການລົງທຶນ ແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ແລະ ແຜນພັດທະນາ ເສດຖະກິດ-ສັງຄົມ 6 ເດືອນ ທ້າຍປີ 2022.
3. ຮັບຟັງການລານງານຂອງພະແນກການເງິນແຂວງ ກ່ຽວກັບ ການ ຈັດຕັ້ງປະຕິບັດແຜນງົບປະມານແຫ່ງລັດຂອງແຂວງ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ2022
4. ຮັບຟັງການລາຍງານກ່ຽວກັບ ຄວາມຄືບໜ້າໃນການຈັດຕັ້ງປະຕິບັດ 2 ວາລະແຫ່ງຊາດ
– ການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ
– ການແກ້ໄຂບັນຫາຢາເສບຕິດ
5. ກອງປະຊຸມໄດ້ຮັບຟັງການລາຍງານ ການຄຸ້ມຄອງສິນຄ້າຄວບຄຸ້ມ ຂອງລັດ(ນໍ້າມັນເຊື້ອໄຟ ແລະ ເຄື່ອງບໍລິໂພກ)
6. ກອງປະຊຸມໄດ້ຮັບຟັງການລາຍງານການເຄື່ອນໄຫວບັນຫາພົ້ນເດັ່ນ ຂອງຫົວໜ້າອົງການໄອຍະການປະຊາຊົນ ແລະ ສານປະຊາຊົນ ໃນການຈັດ ຕັ້ງປະຕິບັດມະຕິກອງປະຊຸມສະພາປະຊາຊົນແຂວງ ສະບັບເລກທີ 03/ສພຂ.ວຈ, ລົງວັນທີ 21 ມັງກອນ 2022 ໃນການຕີລາຄາການເຄື່ອນໄຫວ ວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2022
7. ຮັບຟັງການລາຍງານຂອງພະແນກຍຸຕິທໍາແຂວງ ກ່ຽວກັບການຈັດ ຕັ້ງປະຕິບັດຄໍາຕັດສິນຂອງສານທີ່ໃຊ້ໄດ້ຢ່າງງເດັດຂາດ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2022
8. ກອງປະຊຸມໄດ້ພິຈາລະນາ ແລະ ຮັບຮອງເອົາບົດລາຍງານການເຄື່ອນ ໄຫວວຽກງານຂອງສະພາປະຊາຊົນແຂວງ 6 ເດືອນຕົ້ນປີ ແລະ ທິດທາງ ແຜນການ 6 ເດືອນ ທ້າຍປີ 2022
ກອງປະຊຸມຍັງສະເໜີມາຍັງຄະນະປະຈໍາສະພາປະຊາຊົນແຂວງ ເອົາ ໃຈໃສ່ປະສານສົມທົບກັບອົງການປົກຄອງແຂວງ ແລະ ເພີ່ມທະວີການ ຊີ້ນໍາຕໍ່ບັນດາຄະນະກໍາມະການຂອງສະພາປະຊາຊົນແຂວງ ຊຸກຍູ້ພາກ ສ່ວນກ່ຽວຂ້ອງສ້າງຮ່າງນິຕິກໍາໃຕ້ກົດໝາຍທີ່ຈະນໍາເຂົ້າພິຈາລະນາ, ຮັບ ຮອງໃນກອງປະຊຸມສະໄໝສາມັນແຕ່ລະຄັ້ງໃຫ້ມີຄຸນນະພາບ ແລະ ສາມາດ ຕອບສະໜອງໄດ້ຄວາມຮຽນຮ້ອງຕ້ອງການໃນການຄຸ້ມຄອງລັດ ແລະ ພັດ ທະນາເສດຖະກິດ-ສັງຄົມ ໃນແຕ່ລະໄລຍະ, ປັບປຸງກົນໄກການ ຕິດຕາມ ກວດກາຂອງສະພາປະຊາຊົນແຂວງປະຈໍາເຂດເລືອກຕັ້ງແຕ່ລະເມືອງ ໃຫ້ ມີຄຸນນະພາບ ແລະ ມີປະສິດທິຜົນ, ຮັບປະກັນຖືກຕ້ອງຕາມກົດໝາຍ ແລະ ສາມາດສະເໜີນະໂຍບາຍ, ມາດຕະການທີ່ເໝາະສົມ ເພື່ອແກ້ໄຂບັນ ຫາຮີບດ່ວນທີ່ເກີດຂຶ້ນໃນສັງຄົມ ຕໍ່ອົງການປົກຄອງແຂວງໄດ້ພິຈາລະນາ ແກ້ໄຂຢ່າງເໝາະສົມ, ສືບຕໍ່ສ້າງເງື່ອນໄຂຍົກສູງຂີດຄວາມສາມາດ ໃນຂົງ ເຂດວຽກງານຕ່າງໆໃຫ້ສະມາຊິກສະພາປະຊາຊົນແຂວງ ເພື່ອຮັບປະກັນ ການຕົກລົງບັນຫາສໍາຄັນພື້ນຖານຂອງແຂວງຖືກຕ້ອງຕາມນະໂຍບາຍ ຂອງພັກ ແລະ ກົດໝາຍຂອງລັດວາງອອກໃນແຕ່ລະໄລຍະ.
ກອງປະຊຸມໄດ້ສະແດງຄວາມຂອບໃຈຢ່າງສູງມາຍັງທ່ານ ການນໍາ ຂອງພັກ-ລັດ ຂອງແຂວງ ທີ່ໄດ້ຊີ້ນໍາ, ຕິດຕາມຢ່າງໃກ້ຊິດ ແລະ ສະຫຼະ ເວລາເຂົ້າຮ່ວມກອງປະຊຸມຄັ້ງນີ້ ແຕ່ຕົ້ນຕະຫຼອດປາຍ, ສະແດງຄວາມ ຂອບໃຈມາຍັງອົງການປົກຄອງແຂວງ, ພະແນກການ, ອົງການຈັດຕັ້ງ ທີ່ກ່ຽວຂ້ອງທີ່ໄດ້ໃຫ້ການຮ່ວມມືເປັນຢ່າງດີ ກັບຄະນະປະຈໍາສະພາປະ ຊາຊົນແຂວງ ໃນການກະກຽມ ສະໜອງຂໍ້ມູນ ໃຫ້ແກ່ກອງປະຊຸມທັນ ຕາມເວລາ, ຂອບໃນມາຍັງບັນດາທ່ານແຂກທີ່ມີກຽດ ແລະ ຜູ້ມີສິດ ປ່ອນບັດເລືອກຕັ້ງ ທີ່ໄດ້ເອົາໃຈໃສ່ຕິດຕາມ ສົ່ງຄວາມຄິດເຫັນທີ່ເປັນ ປະໂຫຍດ ໂດຍຜ່ານໂທລະສັບສາຍດ່ວນມາຍັງກອງປະຊຸມຄັ້ງນີ້ ເຊິ່ງ ຄວາມຄິດເຫັນດັ່ງກ່າວ ຄະນະປະຈໍາສະພາປະຊາຊົນແຂວງຈະສືບຕໍ່ປະ ສານສົມທົບກັບອົງການປົກຄອງແຂວງກໍ່ຄືພາກ ສ່ວນທີ່ກ່ຽວຂ້ອງຄົ້ນ ຄວ້າພິຈາລະນາ, ແກ້ໄຂຕາມຄວາມເໝາະສົມ, ຂອບໃຈກໍາລັງປ້ອງກັນ ຄວາມສະຫງົບ, ສື່ມວນຊົນ ແລະ ພາກສ່ວນທີ່ກ່ຽວຂ້ອງທີ່ໄດ້ປະຕິບັດໜ້າ ທີ່ຂອງຕົນດ້ວນຄວາມຮັບຜິດຊອບສູງ ປະກອບ ສ່ວນເຮັດໃຫ້ກອງປະຊຸມ ຄັ້ງນີ້ມີຜົນສໍາເລັດຢ່າງຈົບງາມ