ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ກອງປະຊຸມສະຫຼຸບວຽກງານ ການຈັດຕັ້ງປະຕິບັດເນື້ອໃນຂໍ້ແຂງຂັນ 5 ເປັນເຈົ້າປະຈຳປີ 2022ຂອງໜ່ວຍສະຫະພັນກຳມະບານ ສະພາປະຊາຊົນແຂວງຊຽງຂວາງ

ກ.ຍ. 30, 2022 | ເຂດ 9 ຊຽງ​ຂວາງ

ໃນ​ວັນ​ທີ 30 ກັນ​ຍາ 2022 ຢູ່​ທີ​​່​ຫ້ອງ​ປະ​ຊຸມ​ຂອງ​ສະ​ພາ​ປະ​ຊາ​ຊົນ​ແຂວງ​ໄດ້​ເປີດກອງ​ປະຊຸມ​ສະຫຼຸບ​ວຽກ​ງານ​ປະ​ຈຳ​ປີ​ 2022 ແລະ ວາງ​ທິດ​ທາງ​ແຜນ​ການ ປີ 2023 ແລະ ປະ​ເມີນເນື້ອ​ໃນ​ຂໍ້​ແຂ່ງ​ຂັນ 5 ເຈົ້າ​ຂອງ​ສະ​ຫະ​ພ​ັນ​ກຳ​ມະ​ບານ ພາຍ​ໃຕ້​ການ​ເປັນ​ປະ​ທານຂອງ ສະ​ຫາຍ ວຽງ​ໄຊ ສີ​ວິ​ໄລ ກຳ​ມະ​ການ​ພັກ​ແຂວງ, ຮອງ​ປະ​ທານ​ສະ​ພາ​ປະ​ຊາ​ຊົນ​ແຂວງ, ມີ​ບັນ​ດາ​ທ່ານ ຄະ​ນະ​ປະ​ຈຳ​ສະ​ພາ​ປະ​ຊາ​ຊົນ​ແຂວງ, ສະ​ມາ​ຊິກ​ກຳ​ມະ​ບານ​ຂອງ​ໜ່ວຍ​ສະ​ຫະ​ພັນ​ກຳ​ມະ​ບານ​ສະ​ພາ​ປະ​ຊາ​ຊົນ​ແຂວງ​ເຂົ້າ​ຮ່ວມ​ຢ່າງ​ພ້ອມ​ພຽງ.

       ໃນ​ວາ​ລະ​ດຳ​ເນີ​ນ​ກອງ​ປະ​ຊຸມ​ໄດ້​ຮັບ​ຟັງ​ການ​ຜ່ານ​ບົດ​ສະຫຼຸບຂອງ​ໜ່ວຍ​ສະ​ຫະ​ພັນ​ກຳ​ມະ​ບານສະ​ພາ​ປະ​ຊາ​ຊົນ​ແຂວງ​ໃນ 1 ປີຜ່ານມາ ແລະ ທິດ​ທາງ​ແຜນ​ການ ປີ 2023. ເຫັນ​ໄດ້​ຄະ​ນະ​ນຳ​ຂອງ​ໜ່ວຍ​ກຳ​ມະ​ບານໄດ້​ເອົາ​ໃຈ​ໃສ່​ສຶກ​ສາ​ອົບ​ຮົມ​ການ​ເມືອງ​ແນວ​ຄິດ, ຊຸກ​ຍູ້​ໃຫ້​ສະ​ມາ​ຊິກ​ກຳ​ມະ​ບານ​ທຸກ​ສະ​ຫາຍ​ມີຫຼັກ​ໝັ້ນ​ຕໍ່​ແນວ​ທາງ​ຂອງ​ພັກ, ກົດ​ລະ​ບຽບ​ຂອງ​ລັດ, ​ມີ​ຄວາມ​ສາ​ມັກ​ຄີ​ຊ່ວຍ​ເຫຼືອ​ເຊິ່ງ​ກັນ ແລະ ກັນ​ໃນ​ໝູ່​ຄະ​ນະ, ມີ​ຄວາມ​ເປັນ​ເຈົ້າ​ການ​ໃນ​ການ​ຈັດ​ຕັ້ງ​ໜ້າ​ທີ່​ວຽກ​ງານ​ຂອງ​ຕົນ​ຕາມ​ພາ​ລະ​ບົດ​ບາດ, ສິດ ແລະ ໜ້າ​ທີ່ ທີ່​ການ​ຈັດ​ຕັ້ງ​ມອບ​ໝາຍ​ໃຫ້​ສຳ​ເລັດ​ໃນຫຼາຍ​ດ້ານ, ສະ​ມາ​ຊິກ​ທຸກ​ສະ​ຫາຍ​ໄດ້​ເອົາ​ໃຈ​ໃສ່​ໃນ​ການ​ສ້າງ​ຂະ​ບວນ​ການ​ກິ​ລາ​, ຂະ​ບວນ​ການ​ອອກ​ແຮງ​ງານ​ ​ເພື່ອ​ຕ້ອນ​ຮັບ​ວັນ​ສຳ​ຄັນ​ຕ່າງໆ ຢູ່​ພາຍ​ໃນ​ສະ​ພາ​ປະ​ຊາ​ຊົນ​ແຂວງ ກອງ​ປະ​ຊຸມ​ໄດ້​ພ້ອມ​ກັນ​ປະ​ກອບ​ຄຳ​ຄິດ​ຄຳ​ເຫັນ​ໃ​ສ່​ບົດ​ສະຫຼຸບ ປີ 2022 ແລະ ທິດ​ທາງ​ແຜນ​ການ ປີ 2023 ເພື່ອໃຫ້​ມີ​ເນື້ອ​ໃນ​ຄົບ​ຖ້ວນ​ ສາ​ມາດ​ນຳ​ໄປ​ຈັດ​ຕັ້ງ​ຜັນ​ຂະ​ຫ​ຍາຍ ແລະ ຄະ​ນະ​ຮັບ​ຜິດ​ຊອບ​ໄດ້ຜ່ານ​ເນື້ອ​ໃນ​ຂໍ້​ແຂງ​ຂັນ 5 ເປັນ​ຂອງ​ສະ​ພັນ​ກຳ​ມະ​ບານ ເພື່ອ​ໃຫ້​ສະ​ມາ​ຊິກ​ກຳ​ມະ​ບານ ໄດ້ປະ​ເມີນ​ໃຫ້​ຄະ​ແນນ​ຜົນ​ການ​ຈັດ​ຕັ້ງປະ​ຕິ​ບັດ​ຂໍ້​ແຂງ​ຂັນ​ຂອງ​ແຕ່​ລະ​ສະ​ຫາຍໃຫ້​ຖືກ​ຕ້ອງ, ສອດ​ຄ່ອງ​ຕາມ​ເນື້ອ​ໃນ​ຂໍ້​ແຂງ​ຂັນ ທີ່​ໄດ້​ວາງ​ໄວ້.

          ໃນ​ຕອນ​ທ້າຍ ສະ​ຫາຍ​ ວຽງໄຊ ສີ​ວິ​ໄຊ ໄດ້​ໂອ້​ລົມ​ຕໍ່​ກັບ​ສະ​ຫາຍ​ສະ​ມາ​ຊິກ​ກຳ​ມະ​ບານ, ໃນ 1 ປີ​ຜ່ານ ກໍ່ເຫັນ​ວ່າ​ມີ​ຜົນ​ສຳ​ເລັດ​ໃນຫຼາຍ​ດ້ານ, ໃຫ້ຮັກ​ສາ​ຜົນ​ງານ​ດັ່ງ​ກ່າວ ແລະ ​​ຕັ້ງ​ໜ້າເອົາ​ໃຈ​ໃສ່​ໃນ​ການ​ຈັດ​ຕັ້ງ​ປະ​ຕິ​ບັດ ໜ້າ​ທີ່​ວຽກ​ງານ​ຂອງ​ຕົນ​ ສູ້​ຊົນ​ບາງດ້ານ​ທີ່​ຍັງ​ຄ້າງ​ຄາໃຫ້​ປະ​ສົບ​ຜົນ​ສຳ​ເລັດ ແລະ ປະ​ຕິ​ບັດ​ຕາມ​ພາ​ລະ​ບົດ​ບາດ​, ສິດ ແລະ ໜ້າ​ທີ່​ໃຫ້​ເປັນ​ຂະ​ບວນ​ຟົດ​ຟື້ນ, ຖືກ​ຕ້ອງ​ສອດ​ຄອງ​ກັບ​ລະ​ບຽບ​ກົດ​ໝາຍ, ຮັກ​ສາ​ຄວາມ​ສາ​ມັກ​ຄີ​ໃນ​ໝູ່​ຄະ​ນະ​ໃຫ້​ໜັກ​ແໜ້ນ, ໃນ​ການ​ປະ​ເມີນ​ກໍ່​ໃຫ້​ມີ​ພາ​ວະ​ວິ​ໃສເລິກ​ເຊິ່ງ ແທດເໝາະ​ກັບ​ສະ​ພາບ​ຄວາມ​ຈິງ.

ສະ​ພາ​ປະ​ຊາ​ຊົນ​ແຂວງ​ຊຽງ​ຂວາງ

ຂ່າວ​ໂດຍ: ທ​. ບຸນ​ສີ ສິດ​ທິ​ເດດ