ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຕອນບ່າຍ ຂອງວັນທີ 23 ກັນຍາ 2022, ທີ່ຫ້ອງປະຊຸມສະພາປະຊາຊົນແຂວງວຽງຈັນ ໄດ້ເປີດກອງປະຊຸມສະຫຼຸບຖອດຖອນບົດຮຽນ ການລົງເຄື່ອນໄຫວເຜີຍແຜ່ຜົນສຳເລັດກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງວຽງຈັນ ຊຸດທີ II, ໂດຍການເປັນປະທານ ຂອງທ່ານ ບຸນສອນ ເພັດລາວັນ ປະທານສະພາປະຊາຊົນແຂວງວຽງຈັນ ທັງເປັນສະມາຊິກສະພາແຫ່ງຊາດ ປະຈຳເຂດເລືອກຕັ້ງແຂວງວຽງຈັນ, ຮັບກຽດເຂົ້າຮ່ວມໂດຍ ທ່ານ ສຈ. ປອ ຈະເລີນ ເຍຍປາວເຮີ ຮອງປະທານສະພາແຫ່ງຊາດ ທັງເປັນສະມາຊິກສະພາແຫ່ງຊາດ ປະຈຳເຂດເລືອກຕັ້ງແຂວງວຽງຈັນ, ມີບັນດາສະມາຊິກສະພາແຫ່ງຊາດ ປະຈຳເຂດເລືອກຕັ້ງແຂວງວຽງຈັນ, ສະມາຊິກສະພາປະຊາຊົນແຂວງ(ທີ່ສັງກັດ ສພຂ), ຄະນະເລຂາທິການ, ພະນັກງານວິຊາການຕິດຕາມ ເຂົ້າຮ່ວມຢ່າງພ້ອມພຽງ.
ກອງປະຊຸມຍັງໄດ້ສະຫຼຸບຕີລາຄາ ດ້ານດີ-ດ້ານອ່ອນ, ເນັ້ນໜັກເອົາໃຈໃສ່ປັບປຸງຂໍ້ທີ່ຍັງຄົງຄ້າງ ແລະ ເພື່ອເປັນການປັບປຸງການລົງເຄື່ອນໄຫວເຜີຍແຜ່ຜົນສຳເລັດໃນຄັ້ງຕໍ່ໄປໃຫ້ດີຂຶ້ນກວ່າເກົ່າ.