ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຕອນບ່າຍ ວັນທີ 27 ກໍລະກົດ 2022 ທີ່ຫ້ອງປະຊຸມສະພາປະຊາຊົນແຂວງ (ສພຂ) ໄດ້ຈັດກອງປະຊຸມສະຫຼຸບຕີລາຄາການຈັດຕັງປະຕິບັດວຽກງານ ປະຈໍາ 6 ເດືອນຕົ້ນ ແລະ ທິດທາງແຜນການ 6 ເດືອນທ້າຍປີ 2022 ຂອງຄະນະເລຂາທິການສະພາປະຊາຊົນແຂວງ ໂດຍການເປັນປະທານ ທ່ານ ນາງ ພອນສະຫວັນ ສັກຕິຄຸນ ເລຂາທິການສະພາປະຊາຊົນແຂວງ; ເປັນກຽດເຂົ້າຮ່ວມໂດຍທ່ານ ຫຸມເພັງ ຈອມວິສານ ຮອງປະທານຄະນະປະຈໍາສະພາປະຊາຊົນແຂວງ (ຜູ້ຊີ້ນໍາວຽກງານຄະນະເລຂາທິການ ສພຂ); ມີປະທານ, ຮອງປະທານຄະນະກໍາ ສພຂ, ຮອງເລຂາທິການ ສພຂ, ຫົວໜ້າ, ຮອງຫົວໜ້າຂະແໜງ ແລະ ພະນັກງານ-ລັດຖະກອນພາຍໃນ ຄະນະເລຂາທິການສະພາປະຊາຊົນແຂວງເຂົ້າຮ່ວມ.

ທີ່ກອງປະຊຸມໄດ້ຮັບຟັງ ທ່ານ ນາງ ຈັນສະຫວັນ ແກ້ວກອງຕັນ ຮອງເລຂາທິການ ສພຂ ຂຶ້ນຜ່ານບົດສະຫຼຸບຕີລາຄາການຈັດຕັງປະຕິບັດວຽກງານ ປະຈໍາ 6 ເດືອນຕົ້ນປີ 2022 ແລະ ທິດທາງແຜນການ 6 ເດືອນທ້າຍປີ 2022  ຂອງຄະນະເລຂາທິການສະພາປະຊາຊົນແຂວງ; ຈາກນັ້ນ, ຜູ້ແທນກອງປະຊຸມກໍໄດ້ຜັດປ່ຽນກັນປະກອບຄໍາເຫັນຕໍ່ເນື້ອໃນບົດສະຫຼຸບດັ່ງກ່າວ.

ໃນໂອກາດດຽດກັນນີ້ ທ່ານ ຫຸມເພັງ ຈອມວິສານ ໃຫ້ກຽດໂອລົມຕໍ່ກອງປະຊຸມ ເຊິ່ງກ່ອນທ່ານ ກໍໄດ້ກ່າວຍ້ອງຍໍຊົມເຊີຍຕໍ່ຜົນງານທີ່ຄະນະເລຂາທິການ ສພຂ ຍາດມາໄດ້ໃນໄລຍະຜ່ານມາ ແລະ ທ່ານ ຍັງໄດ້ເໜັ້ນໜັກບາງຫາເປັນຕົ້ນ: ສືບຕໍ່ເປັນໃຈກາງໃນການສຶກສາອົບຮົມການເມືອງ-ເເນວຄິດ ຂອງພະນັການ-ລັດຖະກອນ ໃຫ້ເປັນປົກກະຕິ, ຕໍ່ເນື່ອງ; ປັບປຸງລະບອບແບບແຜນວິທີເຮັດວຽກ, ແບບແຜນນໍາພາໃຫ້ມີຄວາມເຂັ້ມແຂງ ແລະ ປັບປຸງຂອດການປະສານງານລະຫວ່າງ ຄະນະເລຂາທິການສະພາປະຊາຊົນແຂວງ ກັບ ບັນດາຄະນະກໍາມະການ, ພາກສ່ວນທີ່ກ່ຽວຂ້ອງພາຍນອກ ເພື່ອເຮັດໃຫ້ການປະຕິບັດພາລະບົດບາດຂອງຕົນ ໃຫ້ມີຄວາມກົມກຽວ; ເອົາໃຈໃສ່ຊີ້ນໍາຄົ້ນຄວ້າ, ກໍາແໜ້ນບັນດາກົດໝາຍ ແລະ ນິຕິກໍາຕ່າໆ ກ່ຽວຂ້ອງທີ່ວາງອອກໃນແຕ່ລະໄລຍະໃຫ້ເລິກເຊິ່ງ ແລະ ຍົກສູງຄວາມຮັບຜິດຊອບຕໍ່ໜ້າທີ່ວຽກງານຕາມພາລະບົດບາດ ໃຫ້ເລິກເຊິ່ງເຖິງຖອງ; ເອົາໃຈໃສ່ເປັນເສນາທິການໃຫ້ແກ່ຄະນະປະຈໍາສະພາປະຊາຊົນແຂວງ, ຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງ ແລະ ສະພາປະຊາຊົນແຂວງ ໃນການສ້າງເງື່ອນໄຂອໍານວຍຄວາມສະດວກຮອບດ້ານໃຫ້ແກ່ການເຄື່ອນໄຫວວຽກງານ ບົນພື້ນຖານລະບຽບກົດໝາຍທີ່ກໍານົດໄວ້.

ພາບ-ຂ່າວ: ນາງ ສຸກສົມພອນ ແກ້ວແສງພະຈັນ