ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຕອນເຊົ້າຂອງວັນທີ 17 ມີນາ 2022 ຢູ່ທີ່ຫ້ອງປະຊຸມພະແນກກະສິກໍາ ແລະ ປ່າໄມ້ແຂວງໄຊຍະບູລີ, ໄດ້ຈັດກອງປະຊຸມສະຫຼຸບການເຄື່ອນໄຫວວຽກງານ ປະຈໍາປີ 2021 ແລະ ທິດທາງແຜນການປີ 2022 ຂອງຄະນະເລຂາທິການ ສະພາປະຊາຊົນແຂວງ ໄຊຍະບູລີ ໂດຍການເປັນປະທານຮ່ວມຂອງທ່ານ ເພັງນິລັນ ຄໍາພັນເພັງ ຮອງເລຂາພັກແຂວງ, ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ7 ແລະທ່ານ ນາງ ວັນນາ ພົມວິສອນ ເລຂາທິການສະພາປະຊາຊົນແຂວງ ໃຫ້ກຽດເຂົ້າຮ່ວມມີບັນດາຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງ, ສະມາຊິກສະພາປະຊາຊົນແຂວງ, ບັນດາຫົວໜ້າ-ຮອງຫົວໜ້າພະແນກ, ກົມກອງ, ຫົວໜ້າ-ຮອງຫົວໜ້າຂະແໜງການ ແລະ ພະນັກງານຊ່ວຍວຽກສະມາຊິກສະພາປະຊາຊົນແຂວງ ປະຈໍາເມືອງ 11 ເມືອງ ເຂົ້າຮ່ວມຢ່າງພ້ອມພຽງ.
ໃນກອງປະຊຸມຄັ້ງນີ້ຈະໄດ້ສຸມໃສ່ຄົ້ນຄ້ວາເນື້ອໃນຕົ້ນຕໍ ດັ່ງນີ້:
ຮັບຟັງການຜ່ານຂໍ້ຕົກລົງຮ່ວມ ວ່າດ້ວຍການປະສານງານລະຫວ່າງ ຄະນະເລຂາ ທິການສະພາປະຊາຊົນແຂວງ ກັບ ຫ້ອງວ່າການແຂວງໄຊຍະບູລີ ສະບັບເລກທີ 02/ຄລຂ.ຫ ວຂ,ລົງວັນທີ 11/1/2022. ຮັບຟັງການຜ່ານບົດສະຫຼຸບ ການຈັດຕັ້ງປະຕິບັດວຽກງານ ປະຈໍາປີ 2021 ແລະ ທິດ ທາງແຜນການ ປີ 2022 ຂອງຄະນະເລຂາທິການ ສະພາປະຊາຊົນແຂວງ.
ພ້ອມດຽວກັນນີ້ ກອງປະຊຸມຈະໄດ້ຮັບຟັງການປະກອບຄໍາຄິດຄໍາເຫັນ ຈາກຜູ້ແທນກອງປະຊຸມ ແລະ ຮັບຟັງການໂອ້ລົມຈາກປະທານກອງປະຊຸມ ຜູ້ຊີ້ນໍາວຽກງານ ຄະນະເລຂາທິການ.
ໂດຍ:ອິນທີ ຂຽວສີຟ້າ