ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນລະຫວ່າງວັນທີ 29-30 ສິງຫາ 2022 ຢູ່ທີ່ບໍ່ນໍ້າຮ້ອນ ບ້ານນໍ້າຮົ່ມ ເມືອງຄໍາ ແຂວງຊຽງຂວາງ ສະພາ​ປະຊາຊົນ​ແຂວງໄດ້ເປີດກອງ​ປະຊຸ​ມ ຝຶກ​ອົບຮົມ​ວຽກ​ງານ​ ຕິດຕາມກວດກາການຈັດຕັ້ງປະຕິບັດແຜນງົບປະມານ, ແຜນພັດທະນາເສດຖະກິດ-ສັງຄົມ, ການພິຈາລະນາບັນຫາສຳຄັນພື້ນຖານຂອງຖິ່ນ, ທັກສະໃນການສ້າງນິຕິກຳລຸ່ມກົດໝາຍ, ທັກສະໃນການປະກອບຄຳເຫັນ-ຊັກຖາມໃນກອງປະຊຸມ ໃຫ້ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 9, ສະມາຊິກສະພາປະຊາຊົນແຂວງ ແລະ ພະນັກງານສະພາປະຊາຊົນແຂວງ ໂດຍການເປັນປະທານຂອງທ່ານ ວຽງໄຊ ສີວິໄລ ກໍາມະການພັກແຂວງ ຮອງປະທານສະພາປະຊາຊົນແຂວງ, ມີບັນດາທ່ານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 9, ສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງທັງ 7 ເມືອງ, ວິທະຍາກອນທີ່ມາຈາກສະພາແຫ່ງຊາດ, ວິທະຍາກອນທີ່​ມາ​ຈາກ​ກະຊວງ​ຍຸຕິ​ທໍາ, ພະນັກງານສະພາປະຊາຊົນແຂວງ ແລະ ພະນັກງານຊ່ວຍວຽກບັນດາເມືອງເຂົ້າຮ່ວມ.

ເພື່ອ​ສ້າງ​ຂີດ​ຄວາມ​ສາມາດ​ໃຫ້​ສະມາຊິກ​ສະພາ​ແຫ່ງ​ຊາດປະ​ຈໍາ​ເຂດ​​ເລືອກ​ຕັ້ງທີ 9 ​ແລະສະມາຊິກ​ສະພາ​ປະຊາຊົນ​ແຂວງ ​ແລະພະນັກງານ​ສະພາ​ປະຊາຊົນ​ແຂວງ ​ໃນ​ວຽກງານກວດກາການຈັດຕັ້ງປະຕິບັດແຜນງົບປະມານ, ແຜນພັດທະນາເສດຖະກິດ-ສັງຄົມ, ການ​ພິຈາລະນາ​ບັນຫາ​ສໍາຄັນ​ພຶ້ນຖານ​ຂອງ​ຊາດ ​ແລະ ຂອງ​ທ້ອງ​ຖິ່ນ, ຮູ້ຈັກວິ​ເຄາະ, ວິ​ໄຈ​ບັນຫາ​ຕ່າງໆ​ໃນ​ການ​ສ້າງ​ນິຕິ​ກໍາ​ລຸ່ມ​ກົດໝາຍ ແລະ ​ເພື່ອ​ເປັນ​ການ​ເພີ່ມທັກສະ​ໃນ​ການ​ລົງ​ພົບ​ປະ​ຜູ້​ມີ​ສິດ​ເລືອກ​ຕັ້ງ ​ແລະ ທັກ​ສະ​ໃນ​ການ​ປະກອບ​ຄໍາ​ເຫັນ-​ຊັກ​ຖາມ​ໃນ​ກອງ​ປະຊຸມ ​ເນື້ອໃນ​ເອກະສານທີ່ນໍາມາຝຶກອົບຮົມໃນຄັ້ງນີ້ມີການຕິດຕາມກວດກາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ, ທັກສະໃນການລົງພົບປະຜູ້ມີສິດເລືອກຕັ້ງ, ທັກສະໃນການປະກອບຄຳເຫັນ ແລະ ຊັກຖາມໃນກອງປະຊຸມ, ການ​ຄົ້ນຄວ້າ, ສະໜອງຂໍ້​ມູນ​, ການ​ພິຈາລະນາ​ບັນຫາ​ສໍາຄັນ​ພຶ້ນຖານ​ຂອງ​ຊາດ ແລະ ຂອງທ້ອງຖິ່ນ, ຄວາມຮູ້ພື້ນຖານ ແລະ ຫຼັກການໃນການສ້າງນິຕິກໍາໃຕ້ກົດໝາຍ ໃນທີ່ປະຊຸມບັນດາຜູ້ແທນກອງປະຊຸມໄດ້ຜັດປ່ຽນກັນແລກປ່ຽນສົນທະນາເຊິ່ງກັນ ແລະ ກັນ ໃນການຈັດຕັ້ງປະຕິບັດວຽກງານຕົວຈິງ ເປັນຕົ້ນແມ່ນ ການພິຈາລະນາບັນຫາສໍາຄັນພື້ນຖານຂອງທ້ອງຖິ່ນ, ການຈັດຕັ້ງປະຕິບັດແຜນງົບປະມານ, ແຜນພັດທະນາເສດຖະກິດ-ສັງຄົມ, ການສ້າງນິກໍາໃຕ້ກົດໝາຍ ແລະ ອື່ນໆ. ກອງປະຊຸມຝຶກອົບຮົມໃນຄັ້ງນີ້ ແມ່ນໄດ້ຮັບການສະໜັບສະໜູນໂດຍແຜນງານມີສ່ວນຮ່ວມຂອງປະຊາຊົນ ຕໍ່ວຽກງານການປົກຄອງທີ່ດີ ແລະ ການສ້າງລັດທີ່ປົກຄອງດ້ວຍກົດໝາຍ (ແຜນງານເຊກາ).

ໃນຕອນທ້າຍຂອງກອງປະຊຸມ ທ່ານ ວຽງໄຊ ສີວິໄລ ໄດ້ ຮຽກຮ້ອງ​ໃຫ້ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 9, ສະມາຊິກສະພາປະຊາຊົນແຂວງ, ພະນັກງານ-​ລັດຖະກອນ ສະພາປະຊາຊົນແຂວງ ແລະ ພະນັກງານຊ່ວຍວຽກຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງ​​ຈົ່ງ​ພ້ອມ​ກັນ​ນໍາ​ເອົາ​ບົດຮຽນ​ທີ່​ໄດ້​ຮຽນ​ມາ​ນີ້ໄປ​ຈັດ​ຕັ້ງ​ປະຕິບັດ​ໃນ​ໜ້າ​ທີ່​ວຽກ​ງານ​ໃຫ້​ມີ​ຜົນ​ສໍາ​ເລັດ​ເປັນ​ຢ່າງ​ດີ.

ສະພາ​ປະຊາຊົນ​ແຂວງ​ຊຽງຂວາງ

ຂາວ​​ໂດຍ: ນາງ ສຸກ​ສະຫວັນ ອິນ​ທະ​ແສງ