ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຕອນເຊົ້າຂອງວັນທີ 3 ພຶດສະພາ 2022 ຢູ່ທີ່ຫ້ອງປະຊຸມຫ້ອງວ່າການແຂວງຫລວງນໍ້າທາ ໄດ້ເປີດກອງປະຊຸມປຶກສາຫາລືກະກຽມເນື້ອໃນກ່ຽວກັບການປະເມີນການຈັດຕັ້ງປະຕິບັດກົດໝາຍ 4 ສະບັບ

ໂດຍການເປັນປະທານຂອງ ທ່ານ ຄໍາຟອງ ອິນມານີ  ຮອງເລຂາພັກແຂວງ ປະທານສະພາປະຊາຊົນແຂວງ, ມີບັນດາ ທ່ານ ຄະນະປະຈຳສະພາປະຊາຊົນແຂວງ, ຫົວໜ້າ, ຮອງຫົວໜ້າພະແນກແຜນການ ແລະ ການລົງທຶນ, ພະແນກພະລັງງານບໍ່ແຮ່, ພະແນກການເງິນ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ, ຫ້ອງວ່າການປົກຄອງແຂວງ ມີຜູ້ເຂົ້າຮ່ວມທັງໝົດ 15 ທ່ານ.

ໃນກອງປະຊຸມແຕ່ລະພະແນກການໄດ້ຜັດປ່ຽນກັນຂຶ້ນລາຍງານການຈັດຕັ້ງປະຕິບັດກົດຫມາຍໃນຂົງເຂດທີຕົນເອງຮັບຜິດຊອບ ເປັນຕົ້ນແມ່ນ ກົດໝາຍວ່າດ້ວຍສົ່ງເສີມການລົງທືນ, ກົດຫມາຍວ່າດ້ວຍຊັບສີນຂອງລັດ, ກົດຫມາຍວ່າດ້ວຍແຮ່ທາດ ແລະ ກົດໝາຍວ່າດ້ວຍທີ່ດີນ, ເຊິ່ງກອງປະຊຸມໄດ້ດໍາເນີນເປັນເວລາ 1 ຕອນ.