ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ເພື່ອເປັນການພິຈາລະນາ ແລະ ຕົກລົງບັນຫາສໍາຄັນພື້ນຖານຂອງປະເທດຊາດ ຕາມພາລະບົດບາດ, ສິດ ແລະ ຫນ້າທີ່ຂອງຄະນະປະຈໍາສະພາແຫ່ງຊາດ ມີປະສິດທິພາບ ແລະ ປະສິດທິຜົນ; ຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່ຂອງຄະນະເລຂາທິການສະພາແຫ່ງຊາດຕາມທີ່ໄດ້ກໍານົດໄວ້ໃນກົດໝາຍວ່າດ້ວຍສະພາແຫ່ງຊາດ ໃນການເປັນເສນາທິການໃຫ້ແກ່ສະພາແຫ່ງຊາດ, ຄະນະປະຈໍາສະພາແຫ່ງຊາດ ໃຫ້ມີປະສິດທິພາບ ແລະ ເພື່ອເປັນການກໍານົດຫົວຂໍ້ເນື້ອໃນແບ່ງງານໃຫ້ພາກສ່ວນຕ່າງໆ ໃນການຮັບໃຊ້ ແລະ ສ້າງສິ່ງອໍານວຍຄວາມສະດວກໃຫ້ແກ່ການກະກຽມ ແລະ ດໍາເນີນກອງປະຊຸມຄະນະປະຈໍາສະພາແຫ່ງຊາດ ຮັບປະກັນຄຸນນະພາບ ແລະ ທັນເວລາ ຄະນະປະຈໍາສະພາແຫ່ງຊາດ ຈຶ່ງໄດ້ຈັດກອງປະຊຸມປະຈໍາເດືອນຂຶ້ນທີ່ສະພາແຫ່ງຊາດ ໃນລະຫວ່າງວັນທີ 26-27 ກໍລະກົດ 2022 ໂດຍການເປັນປະທານຂອງທ່ານ ປອ. ໄຊສົມພອນ ພົມວິຫານ ປະທານຄະນະປະຈໍາສະພາແຫ່ງຊາດ; ເຂົ້າຮ່ວມມີບັນດາທ່ານຮອງປະທານຄະນະປະຈໍາສະພາແຫ່ງຊາດ, ກຳມະການຄະນະປະຈໍາສະພາແຫ່ງຊາດ ແລະ ແຂກທີ່ຖືກເຊີນຈາກພາສ່ວນທີ່ກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ ໄດ້ຮັບຟັງການລາຍງານຜົນສໍາເລັດຂອງການພົບປະສອງຝ່າຍ ລະຫວ່າງກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ ແຫ່ງ ສປປລາວ ກັບກໍາມາທິການເສດຖະກິດ ແລະ ກໍາມາທິການວິທະຍາສາດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ ແຫ່ງ ສສ.ຫວຽດນາມ; ຮ່າງແຜນການເຂົ້າຮ່ວມກອງປະຊຸມ APPF ຄັ້ງທີ 30 ຢູ່ຣາຊະອານາຈັກໄທ, ໃນລະຫວ່າງວັນທີ 25-29 ຕຸລາ 2022 ແລະ ການຢ້ຽມຢາມສັນຖະວະໄມຕີ ຣາຊະອານາຈັກໄທຢ່າງເປັນທາງການຂອງຄະນະຜູ້ແທນສະພາແຫ່ງຊາດລາວ ນໍາໂດຍປະທານສະພາແຫ່ງຊາດ ໃນລະຫວ່າງວັນທີ 29-31 ຕຸລາ 2022 ທີ່ຣາຊະອານາຈັກໄທ; ຮ່າງແຜນກະກຽມເປັນເຈົ້າພາບກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາຊຽນ (AIPA) ຄັ້ງທີ 45 ຂອງສະພາແຫ່ງຊາດລາວ ໃນເດືອນກັນຍາ 2024 ຈາກກໍາມາທິການການຕ່າງປະເທດ; ລາຍງານຜົນການເຂົ້າຮ່ວມກອງປະຊຸມລັດຖະບານເປີດກວ້າງ ຄັ້ງທີ I ປີ 2022 ກ່ຽວກັບການຈັດຕັ້ງຜັນຂະຫຍາຍມະຕິຂອງສະພາແຫ່ງຊາດ ເທື່ອທີ 3 ຂອງສະພາແຫ່ງຊາດ ຊຸດທີ IX ຈາກກໍາມາທິການແຜນການ, ການເງິນ ແລະ ການກວດສອບ ລາຍງານຜົນແລກປ່ຽນບົດຮຽນກັບສະພາແຫ່ງຊາດ ສສ.ຫວຽດນາມ ຂອງຄະນະຜູ້ແທນສະພາແຫ່ງຊາດ ນໍາໂດຍທ່ານ ສົມມາດ ພົລເສນາ ຮອງປະທານສະພາແຫ່ງຊາດ; ລາຍງານການຕິດຕາມກວດກາ 6 ເດືອນທ້າຍປີ 2022 ຂອງກໍາມາທິການແຜນການ, ການເງິນ ແລະ ການກວດສອບ; ລາຍງານການປະເມີນມູນຄ່າການກໍ່ສ້າງຕຶກສະພາປະຊາຊົນນະຄອນຫລວງວຽງຈັນ ໄລຍະທີ II ກະກຽມສະເໜີເຂົ້າແຜນການລົງທຶນຂອງລັດຖະບານ ປະຈໍາປີ 2023; ລາຍງານຜົນການຮຽບຮຽງກົດໝາຍຈໍານວນ 5 ສະບັບທີ່ຜ່ານການພິຈາລະນາຮັບຮອງເອົາໃນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX; ຜ່ານຮ່າງມະຕິຄະນະປະຈໍາສະພາແຫ່ງຊາດ ວ່າດ້ວຍການຕິດຕາມກວດກາການປະເມີນການຈັດຕັ້ງປະຕິບັດກົດໝາຍ ຈາກກໍາມາທິການກົດໝາຍ ແລະ ການລາຍງານຂໍທິດຊີ້ນໍາກ່ຽວກັບການຄົ້ນຄວ້າການສະເໜີແຕ່ງຕັ້ງ, ຍົກຍ້າຍພະນັກງານສານປະຊາຊົນ ແລະ ອົງການໄອຍະການປະຊາຊົນທ້ອງຖິ່ນ; ການລາຍງານຜົນການຕົກລົງຂອງກອງປະຊຸມຮ່ວມກັບຫລາຍພາກສ່ວນ ຄັ້ງວັນທີ 14 ກໍລະກົດ 2022 ກ່ຽວກັບຄໍາຮ້ອງຂໍຄວາມເປັນທໍາ ຈໍານວນ 4 ສະບັບ ຈາກກໍາມາທິການຍຸຕິທໍາ ແລະ ການປະກອບຄໍາຄິດຄໍາເຫັນຂອງຜູ້ແທນກອງປະຊຸມໃສ່ບົດລາຍງານດັ່ງກ່າວ.
(ພາບ ແລະ ຂ່າວ: ສອນສັກ ວັນວິໄຊ)