ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນວັນທີ 13 ພຶດສະພາ 2022 ເວລາ 8 : 30 ໂມງ ໄດ້ຈັດກອງປະຊຸມປະຈໍາປີ 2021 ຂອງຄະນະເລຂາ ທິການສະພາປະຊາຊົນ ແຂວງວຽງຈັນຂື້ນ ທີ່ຫ້ອງປະຊຸມສະພາປະຊາຊົນແຂວງວຽງຈັນ ໂດຍການເປັນປະທານຮ່ວມ ຂອງທ່ານ ນາງ ຈັນທະຄອນ ສີອໍາພອນ ຄະນະປະຈໍາ, ຮອງປະທານສະພາປະຊາຊົນແຂວງວຽງຈັນ, ທັງເປັນຜູ້ຊີ້ນໍາວຽກງານຄະນະເລຂາທິການ ແລະ ທ່ານ ຄໍາຫຼ້າ ສີສຸວົງ ຄະນະປະຈໍາ ເລຂາທິການສະພາປະຊາຊົນແຂວງ ເຂົ້້າຮ່ວມມີບັນດາທ່ານ ປະທານ-ຮອງປະທານຄະນະກໍາມະການ, ຄະນະເລຂາທິການ, ຫົວໜ້າ-ຮອງຫົວໜ້າຂະແໜງ ແລະ ພະນັກງານວິຊາການ 3 ຂະແໜງການທີ່ຂື້ນກັບຄະນະເລຂາທິການສະພາປະຊາຊົນແຂວງເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ຮັບຟັງການຜ່ານບົດລາຍງານການເຄື່ອນໄຫວວຽກງານປະຈໍາປີ 2021 ແລະ ແຜນການປະຈໍາປີ 2022 ຂອງຄະນະເລຂາທິການສະພາປະຊາຊົນແຂວງ ຈາກນັ້ນ ບັນດາຜູ້ເຂົ້າຮ່ວມກອງປະຊຸມໄດ້ມີການຄົ້ນຄ້ວາປຶກສາຫາລື ແລະ ປະກອບຄໍາເຫັນຢ່າງກົງໄປກົງມາ ເພື່ອເຮັດໃຫ້ບົດສະຫຼຸບມີຄວາມຄົບຖ້ວນ ແລະ ສົມບູນຂື້ນຕື່ມ ໂອກາດດຽວກ້ນນີ້ ກອງປະຊຸມຍັງໄດ້ຮັບຟັງການໂອ້ລົມຈາກ ທ່ານ ນາງ ຈັນທະຄອນ ສີອໍາພອນ  ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານ1 ປີ ທີ່ທາງຄະນະເລຂາທິການຍາດໄດ້ຜົນງານຜ່ານມາ ທີ່ເຫັນວ່າພົ້ນເດັ່ນຫຼາຍດ້ານ ເຊິ່ງຍົກໃຫ້ເຫັນດ້ານດີ, ດ້ານອ່ອນ-ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້, ພ້ອມທັງເນັ້ນໜັກ ເອົາໃຈໃສ່ປັບປຸງການເປັນເສນາທິການໃຫ້ມີຄວາມເຂັ້ມແຂງ ເປັນຕົ້ນແມ່ນການເພີ່ມທະວີການສຶກສາອົບຮົມແນວຄິດໃຫ້ພະນັກ ງານພາຍໃນສະພາປະຊາຊົນແຂວງ ໂດຍຕິດພັນກັບການກວດກາການຈັດຕັ້ງປະຕິບັດໜ້າທີ່ວຽກງານຂອງແຕ່ລະຄະນະກໍາມະການ, ຂະແໜງການ ການປະຕິບັດແບບແຜນວິທີເຮັດວຽກ ພ້ອມທັງຍົກສູງທາງດ້ານກົນໄກການປະ ສານງານລະຫວ່າງຄະນະເລຂາທິການກັບຄະນະກໍາມະການ ພາຍໃນສະພາປະຊາຊົນແຂວງ ໃຫ້ມີຄວາມສອດຄ່ອງ ສະດວກທັນກັບສະພາບການເຄື່ອນໄຫວວຽກງານຕົວຈິງ