ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນວັນທີ 23 ພຶດສະພາ 2022 ສະພາປະຊາຊົນແຂວງຫຼວງພະບາງ ໄດ້ຈັດກອງປະຊຸມຄົ້ນຄວ້າປຶກສາຫາລື ການປັບປຸງກົງຈັກ ແລະ ກຳນົດຕຳແໜ່ງງານ ຂອງສະພາປະຊາຊົນແຂວງ ໂດຍການເປັນປະທານຮ່ວມຂອງ ທ່ານ ຄໍາຫຼ້າ ລຽນປະດິດ ຄະນະປະຈຳພັກແຂວງ, ປະທານກວດກາພັກ-ລັດແຂວງ ແລະ ທ່ານ ສິງຕັນ ໄຊລືຊົງ ຄະນະປະຈຳພັກແຂວງ, ຮອງປະທານ ສະພາປະຊາຊົນແຂວງ, ຄະນະປັບປຸງກົງຈັກຂັ້ນແຂວງ ແລະ ພະນັກງານ-ລັດຖະກອນສະພາປະຊາຊົນແຂວງ ເຂົ້າຮ່ວມທັງໝົດ 45 ທ່ານ, ຍິງ 19 ທ່ານ.

ໃນກອງປະຊຸມຄັ້ງນີ້ ໄດ້ຮັບຟັງການເຜີຍແຜ່ ມະຕິ ເລກທີ 07/ກມສພ,ຄໍາສັ່ງຂອງຄະນະເລຂາທິການສູນກາງພັກ ເລກທີ 190/ຄລສພ, ແລະ ຄໍາແນະນໍາຂອງທ່ານນາຍົກລັດຖະ ມົນຕີ ເລກທີ01/ນຍ,ຄໍາສັ່ງ ສະບັບເລກທີ 07/ຄປພຂ. ຫຼບ, ລົງວັນທີ 8 ພະຈິກ 2021 ວ່າດ້ວຍການປັບປຸງກົງຈັກການຈັດຕັ້ງຂອງບັນດາພະແນກການ, ກົມກອງ, ອົງການທຽບເທົ່າຂັ້ນແຂວງ, ຂັ້ນເມືອງ, ນະຄອນໃນທົ່ວປະເທດ. ຈາກນັ້ນຍັງໄດ້ຄົ້ນຄວ້າ ເນື້ອໃນທີ່ສຳຄັນ ໃນການປັງປຸງພາລະບົດບາດ, ສິດ ແລະ ໜ້າທີ່ ຂອງແຕ່ລະຂະແໜງທີ່ສູນກາງ ຫຼື ອົງການສາຍຕັ້ງໄດ້ກຳນົດໃຫ້ຄືນໃໝ່ ວ່າມີຄວາມເໝາະສົມ, ຖືກຕ້ອງສອດຄອງ ກັບນິຕິກຳທີ່ກຳນົດ ຫຼື ສະພາບ, ຈຸດພິເສດເງື່ອນໄຂຕົວຈິງ ຂອງແຂວງພວກເຮົາແລ້ວບໍ່ພາຍ ຫຼັງກວດກາຄືນແລ້ວຫາກພົບ ເຫັນຈຸດໃດທີ່ຍັງບໍ່ທັນຈະແຈ້ງ ຫຼື ບໍ່ສອດຄອງໃຫ້ຄົ້ນຄວ້າປັບປຸງຄືນໃຫ້ຈະແຈ້ງ, ສອດຄອງ ແລະ ຊັດເຈນຍິ່ງຂຶ້້; ຄົ້ນຄວ້າປັປຸງໂຄງປະກອບກົງຈັກຊ່ວຍວຽກ ໃຫ້ກະທັດຮັດສົມເຫດສົມຜົນ, ມີປະສິດທິພາບ, ຫຼີກລ້ຽງກົງຈັກໃຫຍ່ໂຕ; ການດໍາເນີນການຂຽນຕໍາແໜ່ງງານຕ້ອງວິ ເຄາະ, ວິໄຈ ຢ່າງລະອຽດຖີ່ຖ້ວນ ແລະ ບັນຈຸສັບຊ້ອນພະນັກງານ-ລັດຖະກອນ ໃສ່ຕາມກຳນົດຕຳແໜ່ງງານຕົວຈິງ, ຕາມວິຊາສະເພາະ, ຕາມຄວາມຮູ້ຄວາມສາມາດ ແລະ ເງື່ອນໄຂຕົວຈິງ ຂອງພະນັກງານ-ລັດ ຖະກອນ.

ສຸດທ້າຍນີ້ ປະທານກອງປະຊຸມ ຍັງໄດ້ມີຄຳເຫັນຕໍ່ກັບການຈັດວາງພະນັກງານ-ລັດຖະກອນ, ເຊິ່ງເປັນວຽກທີ່ສຳຄັນລະອຽດອ່ອນ ຂອງຄະນະພັກ ແລະ ອົງການຈັດຕັ້ງ ຕ້ອງໄດ້ເຮັດວຽກງານນຳພາ ການເມືອງແນວຄິດ ໃຫ້ພະນັກງານ-ລັດຖະກອນ ໃຫ້ຫຼາຍຂຶ້ນກວ່າເກົ່ເພື່ອເຮັດໃຫ້ການປັບປຸງກົງຈັກການຈັດຕັ້ງຄັ້ງນີ້ຈະສໍາເລັດຕາມແຜນ ແລະ ລະດັບຄາດໝາຍ.

ຂ່າວ ແລະ ພາບ ນາງ ຄຳຫຼ້າ ພອນພິລາ