ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ເພື່ອຮັບປະກັນໃຫ້ແກ່ກອງປະຊຸມປຶກສາຫາລື ກ່ຽວກັບວຽກງານກົງຈັກເສນາທິການ ຂອງສະພາປະຊາຊົນຂັ້ນແຂວງ ແລະ ນະໂຍບາຍຕໍ່ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ດຳເນີນໄປດ້ວຍດີ, ມີປະສິດທິພາບ ແລະ ມີຜົນສໍາເລັດ, ກໍາມາທິການວຽກງານສະມາຊິກສະພາແຫ່ງຊາດ (ກວສຊ) ໄດ້ກຳນົດແຜນການຈັດກອງປະຊຸມ ເພື່ອຄວາມເປັນເອກະພາບ ກ່ຽວກັບການສ້າງຕັ້ງກົງຈັກເສນາທິການ ຂອງສະພາປະຊາຊົນຂັ້ນແຂວງ ໃນທົ່ວປະເທດ, ເພື່ອເຮັດໃຫ້ການປະຕິບັດນະໂຍບາຍ ຕໍ່ກັບສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ໃຫ້ມີຄວາມເໝາະສົມ ແລະ ຮັບປະກັນໃຫ້ແກ່ການປະຕິບັດພາລະບົດບາດ, ສິດ ແລະ ໜ້າທີ່ ໃຫ້ມີຄວາມໜັກແໜ້ນເຂັ້ມແຂງ; ເພື່ອຄົ້ນຄວ້າການສ້າງຕັ້ງກົງຈັກເສນາທິການ ຂອງສະພາປະຊາຊົນຂັ້ນແຂວງ; ຄົນຄວ້າໜ່ວຍງານຊ່ວຍວຽກ ຄະນະສະມາຊິກສະພາປະຊາຊົນຂັ້ນແຂວງ ປະຈໍາເຂດເລືອກຕັ້ງເມືອງ; ປຶກສາຫາລືກ່ຽວກັບວຽກງານນະໂຍບາຍ ຕໍ່ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ.

ກອງປະຊຸມດັ່ງກ່າວ ຈັດຂຶ້ນໃນວັນທີ 7 ມີນາຜ່ານມາ, ທີ່ສະພາແຫ່ງຊາດ (ສພຊ) ນະຄອນຫລວງວຽງຈັນ ໂດຍການເປັນປະທານຂອງທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ, ເຂົ້າຮ່ວມມີທ່ານ ຄໍາໃບ ດຳລັດຮອງປະທານສະພາແຫ່ງຊາດ ທັງເປັນຜູ້ຊີ້ນໍາ ກວສຊ, ມີບັນດາທ່ານປະທານຮອງປະທານ ກວສຊ, ລັດຖະມົນຕີກະຊວງພາຍໃນ, ຮອງຫົວໜ້າຄະນະຈັດຕັ້ງສູນກາງພັກ ແລະ ພະນັກງານທີ່ກ່ຽວຂ້ອງ.

              (ພາບ ແລະ ຂ່າວ: ນາງ ກຸກກິກ ບຸດດາໄຊ)