ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

(ສພຊ) ເພື່ອເປັນການປະກອບສ່ວນໃນຂະບວນການປ້ອງກັນ ແລະ ແກ້ໄຂການແຜ່ລະບາດຂອງພະຍາດໂຄ ວິດ-19; ວັນທີ 16 ພະຈິກ 2021, ທີ່ຫ້ອງຮັບແຂກຄະນະເລຂາທິການສະພາແຫ່ງຊາດ ໄດ້ມີພິທີມອບ-ຮັບເຄື່ອງ ຊ່ວຍເຫລືອຈາກມູນນິທິອາສາ (ASA) ສ.ເກົາຫລີ ປະຈຳນະຄອນຫລວງວຽງຈັນ; ຕາງໜ້າກ່າວມອບໂດຍທ່ານ ອິມ ມູ ຮົງ (IM MOO HONG) ເອກອັກຄະລັດຖະທູດ ສ. ເກົາຫລີ ແລະ ຕາງໜ້າກ່າວຮັບໂດຍທ່ານ ນາງ ທຸມມາລີ ວົງພະຈັນ ປະທານກຳມາທິການວັດທະນະທຳ-ສັງຄົມ; ມີທ່ານ ບຸນທັນ ບຸນວິໄລ ຮອງເລຂາທິການສະພາແຫ່ງຊາດ ແລະ ທ່ານ ຈຸງ ວູ ຊາງ (JUNG WOO SANG)  ຕາງໜ້າມູນນິທິອາສາ ປະຈຳລາວ ພ້ອມດ້ວຍພາກສ່ວນທີ່ກ່ຽວ ຂ້ອງເຂົ້າຮ່ວມເປັນສັກຂີພິຍານ ເຄື່ອງທີ່ນຳມາມອບໃນຄັ້ງນີ້ ປະກອບມີຜ້າອັດປາກ-ອັດດັງ ຍີ່ຫໍ້ KF94 ຈາກ ສ.ເກົາ ຫລີ ຈຳນວນ 67 ແກັດ, ມີ 210.000 ອັນ.

ໃນວັນດຽວກັນ, ທ່ານ ນາງ ປິ່ງຄຳ ລາຊະສິມມາ ເລຂາທິການສະພາແຫ່ງຊາດ ໄດ້ນຳເຄື່ອງຊ່ວຍເຫລືອດັ່ງ ກ່າວ ມອບຕໍ່ໃຫ້ສະພາປະຊາຊົນແຂວງທົ່ວປະເທດ ເພື່ອນຳໃຊ້ເຂົ້າໃນວຽກງານຕ້ານ, ສະກັດກັ້ນ ແລະ ແກ້ໄຂການ ແຜ່ລະບາດຂອງພະຍາດໂຄວິດ-19.

(ນາງ ອາລິນ ສຸພິມມະປະດິດ)