ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

(ສພຊ) ວັນທີ 18 ມິຖຸນາ 2021 ທີ່ຫ້ອງປະຊຸມຄະນະເລຂາທິການສະພາແຫ່ງຊາດ (ຫລັກ 6) ນະຄອນຫລວງວຽງຈັນ, ສະພາແຫ່ງຊາດ ໄດ້ມີກອງປະຊຸມປຶກສາຫາລືແລກປ່ຽນຄໍາຄິດຄຳເຫັນກ່ຽວກັບການເກັບກັບຂໍ້ມູນໃນການຈັດຕັ້ງປະຕິບັດມະຕິຂອງຄະນະບໍລິຫານງານສູນກາງພັກປະຊາຊົນປະຕິວັດລາວ ວ່າດ້ວຍການຍົກສູງປະສິດທິພາບຄຸ້ມ ຄອງລັດ ຄຸ້ມຄອງສັງຄົມດ້ວຍກົດໝາຍ ແລະ ມະຕິວ່າດ້ວຍການຍົກສູງຄະນະພາບການດໍາເນີນຄະດີຕາມຂະບວນຍຸຕິທຳ; ໂດຍການເປັນປະທານຂອງທ່ານ ຈະເລີນ ເຍຍປາວເຮີ ຮອງປະທານສະພາແຫ່ງຊາດ, ປະທານກໍາມາທິການກົດໝາຍ ທັງຜູ້ຊີ້ນໍາວຽກງານກົດໝາຍ ແລະ ຍຸຕິທຳ; ມີບັນດາທ່ານປະທານ-ຮອງປະທານກໍາມາທິການ, ລັດຖະມົນຕີ-ຮອງລັດຖະມົນຕີ, ສານປະຊາຊົນສູງສຸດ, ອົງ ການໄອຍະການປະຊາຊົນສູງສຸດ, ອົງການກວດສອບແຫ່ງລັດ, ສຳນັກງານປະທານປະເທດ, ສຳນັກງານນາຍົກລັດຖະ ມົນຕີ, ຄະນະກົມ, ຄະນະພະແນກພາຍໃນສະພາແຫ່ງຊາດ ພ້ອມດ້ວຍແຂກຖືກເຊີນເຂົ້າຮ່ວມ.

ໃນກອງປະຊຸມ, ໄດ້ຮັບຟັງການລາຍງານການເກັບກໍາຂໍ້ມູນ ການຈັດຕັ້ງປະຕິບັດ ມະຕິຂອງຄະນະບໍລິຫານງານ ສູນກາງພັກປະຊາຊົນປະຕິວັດລາວ ວ່າດ້ວຍການຍົກສູງປະສິດທິພາບຄຸ້ມຄອງລັດ ຄຸ້ມຄອງສັງຄົມດ້ວຍກົດໝາຍ ສະບັບ ເລກທີ 037/ຄບສພ, ລົງວັນທີ 18 ມິຖຸນາ 2018 ແລະ ມະຕິວ່າດ້ວຍການຍົກສູງຄຸນນະພາບການດໍາເນີນຄະດີ ຕາມຂະບວນຍຸຕິທຳ ສະບັບເລກທີ 112/ກມສພ, ລົງວັນທີ 2 ມິຖຸນາ 2020; ພ້ອມນັ້ນ, ກອງປະຊຸມຍັງໄດ້ແລກປ່ຽນຄຳ ຄິດຄຳເຫັນ ແລະ ລາຍງານໂດຍຫຍໍ້ ກ່ຽວກັບການເກັບກັບຂໍ້ມູນ ແລະ ການຈັດຕັ້ງປະຕິບັດກ່ຽວກັບ 2 ມະຕິດັ່ງກ່າວ.

ແຫຼ່ງຂ່າວທີ່ມາ: ສະພາແຫ່ງຊາດ