ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

(ສພຊ) ວັນທີ 23  ສິງຫາ 2021, ທ່ານ ພົທ. ສຸວອນ ເລືອງບຸນມີ  ຮອງປະທານສະພາແຫ່ງຊາດ ພ້ອມດ້ວຍທ່ານ ຄຳສິງ ໄຊສົມແພງ ຮອງປະທານກຳມາທິການວຽກງານສະມາຊິກສະພາແຫ່ງຊາດ, ທ່ານ ພົຈວ. ສົມວັນ ທໍາມາໄຊ ຮອງປະທານກຳມາທິການກໍາມາທິການປ້ອງກັນຊາດ-ປ້ອງກັນຄວາມສະຫງົບ, ທ່ານ ແກ້ວຈະເລີນ ເຊ່ຍຍິ້ງຢ່າງ ຮອງປະທານກໍາມາທິການບັນດາເຜົ່າ ແລະ ຄະນະຕິດຕາມ ໄດ້ເຄື່ອນໄຫວເຮັດວຽກຢູ່ເຂດເລືອກຕັ້ງທີ 3 ແຂວງຫລວງນໍ້າທາ ໂດຍໄດ້ພົບປະ ແລະ ເຮັດວຽກກັບທ່ານ ຄໍາໄຫລ ສີປະເສີດ ເຈົ້າແຂວງໆຫລວງນໍ້າທາ; ພ້ອມນັ້ນ, ໄດ້ເຂົ້າຮ່ວມພິທີປະກາດການສ້າງຕັ້ງກົງຈັກ ແລະ ແຕ່ງຕັ້ງປະທານ, ຮອງປະທານຄະນະສະມາຊິກສະພາແຫ່ງຊາດ (ຄສຊ) ປະຈຳເຂດເລືອກຕັ້ງ ຢູ່ທີ່ສະໂມສອນຂອງແຂວງ ໂດຍການເຂົ້າຮ່ວມຂອງທ່ານ ຄໍາຟອງ ອິນມະນີ ປະທານ ຄະນະສະມາຊິກສະພາແຫ່ງຊາດຄສຊ ປະຈຳເຂດເລືອກຕັ້ງ, ປະທານສະພາປະຊາຊົນແຂວງຫລວງນໍ້າທາ; ມີບັນດາທ່ານຄະນະປະຈຳພັກແຂວງ; ຄະນະພັກແຂວງ; ບັນດາທ່ານຮອງປະທານສະພາປະຊາຊົນແຂວງ; ສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງ; ສະມາຊິກສະພາປະຊາຊົນແຂວງ (ສສຂ) ຕະຫລອດຮອດຫົວໜ້າ-ຮອງຫົວໜ້າພະແນກການ, ອົງການ, ກົມກອງອ້ອມຂ້າງແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ.
ຈາກນັ້ນ, ທ່ານຮອງປະທານກໍາມາທິການ ທັງ 3 ກຳມາທິການ ກໍໄດ້ເຂົ້າພົບປະເຮັດວຽກກັບຄະນະກໍາມະການວັດທະນະທໍາ-ສັງຄົມ ແລະ ບັນດາເຜົ່າ, ຄະນະກໍາມະການຍຸຕິທໍາ ແລະ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ ແລະ ຄະນະສະມາຊິກສະພາແຫ່ງຊາດຄສຊ ປະຈໍເຂດເລືອກຕັ້ງ.
ໃນຕອນບ່າຍຂອງວັນດຽວກັນ, ຄະນະຮອງປະທານສະພາແຫ່ງຊາດ ພ້ອມດ້ວຍຄະນະປະທານສະພາປະຊາຊົນແຂວງຫລວງນໍ້າ ໄດ້ເດີນທາງໄປຢ້ຽມຢາມ ແລະ ພົບປະກັບຄະນະຄຸ້ມຄອງເຂດເສດຖະກິດພິເສດບໍ່ເຕັ່ນ(ສອນສັກ ວັນວິໄຊ)