ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

(ສພຊ) ເພື່ອຕິດຕາມກວດກາສະພາບການແຜ່ລະບາດ, ການສະກັດກັ້ນ, ຄວບຄຸມ ແລະ ການກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ-19 ໃນວັນທີ 10 ກໍລະກົດ 2021 ທີ່ຫ້ອງການປ້ອງກັນຄວາມສະຫງົບ (ປກສ) ກຸ່ມນາເລົາ-ຫລັກ 52 ເມືອງໂພນໂຮງ ແຂວງວຽງຈັນ, ທ່ານ ສຈ.ປອ ຈະເລີນ ເຍຍປາວເຮີ ຮອງປະທານສະພາແຫ່ງຊາດ (ສພຊ) ທັງເປັນປະທານກໍາມາທິການກົດໝາຍ ພ້ອມດ້ວຍຄະນະ ໄດ້ສົມທົບກັບສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 10 ແລະ ສະມາຊິກສະພາປະຊາຊົນແຂວງ ໄດ້ເຄື່ອນໄຫວເຮັດວຽກຢູ່ກຸ່ມນາເລົາ-ຫລັກ 52 ເມືອງໂພນໂຮງ.

ໂອກາດດັ່ງກ່າວ, ທ່ານ ບຸນແທນ ແກ້ວປະເສີດ ຮອງເລຂາພັກເມືອງ, ຫົວໜ້າຄະນະສະເພາະກິດຕ້ານ, ຄວບຄຸມການແຜ່ລະບາດຂອງພະຍາດໂຄວິດ-19 ເມືອງໂພນໂຮງ ໄດ້ລາຍງານກ່ຽວກັບສະພາບລວມຂອງເມືອງໂພນໂຮງ, ມາດຕະການໃນການຈັດຕັ້ງປະຕິ ບັດ, ຄວາມສະດວກ, ຫຍຸ້ງຍາກໃນການຕ້ານ ແລະ ປ້ອງກັນພະຍາດໂຄວິດ-19.

ທ່ານ ສຈ.ປອ ຈະເລີນ ເຍຍປາວເຮີ ໄດ້ມີຄໍາເຫັນໂອ້ລົມ ແລະ ໃຫ້ທິດຊີ້ນໍາເຊິ່ງທ່ານໄດ້ເນັ້ນໜັກໃຫ້ເອົາໃຈໃສ່ສຶກສາອົບຮົມປະຊາຊົນໃຫ້ມີສ່ວນຮ່ວມໃນການປ້ອງກັນການແຜ່ລະບາດຂອງພະຍາດໂຄວິດ-19, ໃຫ້ມີສະຕິລະວັງຕົວສູງ ໂດຍສະເພາະການນໍາເມືອງ, ສະມາຊິກພັກ, ອົງການຈັດຕັ້ງມະຫາຊົນ ຕ້ອງໄດ້ເປັນແບບຢ່າງໃນການຮັກສາໄລຍະຫ່າງທາງສັງຄົມ, ການໃສ່ຜ້າອັດປາກ-ອັດດັງ; ສືບຕໍ່ເອົາໃຈໃສ່ຈັດຕັ້ງປະຕິບັດມາດຕະການລ໊ອກດາວທີ່ເປັນບ້ານເຂດແດງ, ແຕ່ກໍໃຫ້ປະຊາມີການຄ້າຂາຍ ໄປທໍາການຜະລິດ ພາຍໃຕ້ການຄວບຄຸມເບິ່ງແຍງຂອງເຈົ້າໜ້າທີ່ສະເພາະກິດ; ປະສານສົບທົບກັບອໍານາດການປົກຄອງທ້ອງຖິ່ນ, ບ້ານ ເພື່ອນໍາເອົາຜູ້ທີ່ຢູ່ໃນກຸ່ມສ່ຽງ ແລະ ສໍາຜັດໃກ້ສິດກັບຜູ້ຕິດເຊື້ອໃຫ້ກັກຕົວ 14 ວັນ.

ຫລັງຈາກນັ້ນ, ຄະນະ ໄດ້ມອບເຄື່ອງຊ່ວຍເຫລືອປະກອບມີ ຜ້າອັດປາກ ຈໍານວນໜຶ່ງໃຫ້ແກ່ຄະນະສະເພາະກິດຕ້ານ ແລະ ຄວບຄຸມພະຍາດໂຄວິດ-19 ເມືອງໂພນໂຮງ ເຊິ່ງອຸປະກອນດັ່ງກ່າວແມ່ນໄດ້ມາຈາກການປະກອບສ່ວນຂອງບັນດາບໍລິສັດຫ້າງຮ້ານ ແລະ ນິຕິບຸກຄົນທີ່ໄດ້ນໍາມອບໃຫ້ ສພຊ ໃນໄລຍະຜ່ານມາ ແລະ ຍັງໄດ້ຢ້ຽມຍາມສະຖານທີ່ກັກຕົວ ແລະ ຈຸດກວດຫາເຊື້ອພະຍາດດັ່ງກ່າວຂອງເມືອງໂພນໂຮງອີກດ້ວຍ.

ແຫຼ່ງຂ່າວທີ່ມາ: ສະພາແຫ່ງຊາດ