ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

(ສພຊ) ໃນຕອນເຊົ້າຂອງວັນ​ທີ 5 ກໍລະກົດ 2021 ທ່ານ ນາງ ສູນ​ທອນ ​ໄຊ​ຍະ​ຈັກ ​ເລຂາທິການສູນ​ກາງ​ພັກ, ຮອງ​ປະທານ​ສະພາ​ແຫ່ງ​ຊາດ ພ້ອມ​ດ້ວຍ​ຄະນະ ​ໄດ້​​ເຄື່ອນ​ໄຫວ​ເຮັດ​ວຽກຢູ່​ແຂວງ​ຄຳ​ມ່ວນ ​ ​ເພື່ອຕິດຕາມ, ຊີ້​ນຳ​ການຈັດຕັ້ງ​ເຊື່ອມ​ຊຶມ ​ແລະ​ ຜັນ​ຂະຫຍາຍ​ມະຕິ​ກອງ​ປະຊຸມ​ໃຫຍ່ ຄັ້ງທີ XI ຂອງ​ພັກ; ​ໂດຍ​ການ​ຕ້ອນຮັບ​ຂອງ​ທ່ານ ວັນ​ໄຊ ທອງ​ສະຫວັນ ​ເລ ຂາ​ພັກ​ແຂວງ, ​ເຈົ້າແຂວງໆຄຳ​ມ່ວນ ພ້ອມ​ດ້ວຍ​ພະນັກງານ​ການ​ນຳ​ຂັ້ນ​ແຂວງ, ສະພາ​ປະຊາຊົນ​ແຂວງ, ບັນດາ​ພະ​ແນ​ກ ການ ​ແລະ ພະນັກ​ງານ​ຫລັກ​ແຫ​ລ່ງເຂົ້າຮ່ວມ.
​​​​ກອງ​ປະຊຸມ, ​ໄດ້​ຮັບ​ຟັງ​ການ​ລາຍ​ງານ​ຈາກ​ທ່ານ​ເຈົ້າ​ແຂວງ​ກ່ຽວກັບ​ການຈັດຕັ້ງ​ເຊື່ອມ​ຊຶມ​ຜັນ​ຂະຫຍາຍ​ມະຕິກອງ​ປະຊຸມ​ໃຫຍ່ ຄັ້ງທີ XI ຂອງ​ພັກ, ​ແຜນ​ພັດທະນາ​ເສດຖະກິດ-ສັງຄົມ ​ແລະ​ ທິດ​ທາງ​ໃນຕໍ່ໜ້າ; ນອກນັ້ນ, ຍັງ​ໄດ້​ຮັບ​ຟັງ​ລາຍ​ງານ​ສະພາບ​ການ​ປ້ອງ​ກັນ, ຄວບ​ຄຸມ ​ແລະ ​ສະກັດ​ກັ້ນການ​​ແຜ່​ລະບາດ​ຂອງ​ພະຍາດ​ໂຄ​ວິດ-19 ຂອງ​ແຂວງ​; ຜົນສຳ​ເລັດ​ກອງ​ປະຊຸມ​ຄັ້ງປະຖົມ​ມະ​ລື​ກ ຂອງ ສພຂ ຊຸດ​ທີ II; ການປະກາດການຈັດຕັ້ງຂອງ​ຄະນະ​ສະມາຊິກ​ສະພາ​ແຫ່ງ​ຊາດ ປະຈຳ​ເຂດ​ເລືອກ​ຕັ້ງ.
​ໃນ​ຕອນ​ບ່າຍ​ຂອງ​ວັນ​ດຽວກັນ, ທ່ານຮອງ​ປະທານ​ສະພາ​ແຫ່ງ​ຊາດ ພ້ອມ​ດ້ວຍ​ຄະນະ ຍັງ​ໄດ້​ເດີນທາງ​ໄປ​ຢ້ຽມຢາມ​ພື້ນ​ຖານ​ການ​ຜະລິດ​ຢູ່​ສວນ​ປູກໝາກມ່ວງ​ຂອງ​ບໍລິສັດ ​ເຮີໜານຊາງ​ຈິ​ວ ​ເຕັກນິກ ກະສິກຳ ຈຳກັດ​ຜູ້ດຽວ ​ແລະ ​ຢ້ຽ​ມຢາມ​ບໍລິສັດຫວຽດ-ລາວ ວີ​ລາ​ໂກ້​ຈຳກັດ​ຜູ້ດຽວ ຢູ່​ເມືອງ​ເຊບັ້ງ​ໄຟ.

ແຫຼ່ງຂ່າວທີ່ມາ: ສະພາແຫ່ງຊາດ