ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

ຂປລ. ກອງປະຊຸມ ຄັ້ງປະຖົມມະລຶກ ຂອງສະພາແຫ່ງຊາດ ຊຸດທີ IX ໃນວັນທີ 22 ມີນາ 2021 ພາຍໃຕ້ການເປັນປະທານ ຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ໄດ້ລົງຄະແນນສຽງເລືອກຕັ້ງເອົາ ທ່ານ ພັນຄຳ ວິພາວັນ ເປັນນາຍົກລັດຖະມົນຕີ ແຫ່ງ ສປປ ລາວ ຕາມການສະເໜີຂອງປະທານປະເທດ, ພ້ອມທັງຮັບຮອງເອົາ ໂຄງປະກອບກົງຈັກການຈັດຕັ້ງ ແລະ ຄະນະລັດຖະບານຊຸດໃໝ່ ຕາມການສະເໜີ ຂອງນາຍົກລັດຖະມົນຕີ ແລະ ຮັບຮອງເອົາ ໂຄງປະກອບ ກົງຈັກຂອງລັດຖະບານ ແລະ ຮັບຮອງການແຕ່ງຕັ້ງ ຮອງນາຍົກລັດຖະມົນຕີ 3 ທ່ານ, ເຊິ່ງປະກອບ ມີ: ທ່ານ ພົນເອກ ຈັນສະໝອນ ຈັນຍາລາດ ເປັນຮອງນາ ຍົກລັດຖະມົນຕີ, ທັງເປັນລັດຖະມົນຕີກະ ຊວງປ້ອງກັນປະເທດ, ທ່ານ ສອນໄຊ ສີພັນດອນ ເປັນຮອງນາຍົກລັດຖະມົນຕີ, ທັງເປັນລັດຖະມົນຕີກະຊວງແຜນການ ແລະ ການລົງທຶນ, ທ່ານ ກິແກ້ວ ໄຂຄໍາພິທູນ ເປັນຮອງນາຍົກລັດຖະມົນຕີ.

ສຳລັບກົງຈັກການຈັດຕັ້ງ ຂອງລັດຖະບານ ປະກອບມີ 17 ກະຊວງ ແລະ 2 ອົງການທຽບເທົ່າກະຊວງ ແລະ ສະມາຊິກລັດຖະບານ ປະກອບມີ: ທ່ານ ວິໄລ ຫລ້າຄໍາຟອງ ເປັນລັດຖະມົນຕີກະຊວງປ້ອງກັນ ຄວາມສະຫງົບ, ທ່ານ ສະເຫລີມໄຊ ກົມມະສິດ ເປັນລັດຖະມົນຕີ ກະຊວງການຕ່າງ ປະເທດ, ທ່ານ ຄໍາແພງ ໄຊສົມແພງ ເປັນລັດຖະມົນຕີ ກະຊວງອຸດສາຫະກໍາ ແລະ ການຄ້າ, ທ່ານ ຄຳເຈນ ວົງໂພສີ ເປັນລັດຖະມົນຕີ, ຫົວໜ້າຫ້ອງວ່າການ ສໍານັກງານນາຍົກລັດຖະມົນຕີ, ທ່ານ ບໍ່ວຽງຄຳ ວົງດາລາ ເປັນລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ທ່ານ ເພັດ ພົມພິພັກ ເປັນລັດຖະມົນຕີ ກະຊວງກະຊິກໍາ ແລະ ປ່າໄມ້, ທ່ານ ນາງ ບຸນຄໍາ ວໍລະຈິດ ເປັນລັດຖະມົນຕີກະ ຊວງຊັບພະຍາກອນທຳມະຊາດ ແລະ ສິ່ງແວດລອ້ມ, ທ່ານ ສອນໄຊ ສິດພະໄຊ ເປັນຜູ້ວ່າການທະນາຄານແຫ່ງ ສປປ ລາວ, ທ່ານ ນາງ ໃບຄໍາ ຂັດທິຍະ ເປັນລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານ ນາງ ສວນສະຫວັນ ວິຍະເກດ ເປັນລັດຖະມົນຕີ ກະຊວງຖະແຫລ່ງຂ່າວ, ວັດທະນະທໍາ ແລະ ທ່ອງທ່ຽວ, ທ່ານ ບຸນໂຈມ ອຸບົນປະເສີດ ເປັນລັດຖະມົນຕີ ກະຊວງການເງິນ, ທ່ານ ວຽງສະຫວັດ ສີພັນດອນ ເປັນລັດຖະມົນຕີ ກະຊວງໂຍທາທິການ ແລະ ຂົນສົ່ງ, ທ່ານ ພຸດ ສິມມາລາວົງ ເປັນລັດຖະມົນຕີກະຊວງສຶກສາທິການ ແລະ ກິລາ, ທ່ານ ບຸນແຝງ ພູມມະໄລສິດ ເປັນລັດຖະມົນຕີ ກະຊວງສາທາລະນະສຸກ, ທ່ານ ໄພວີ ສີບົວລິພາ ເປັນລັດຖະມົນຕີກະຊວງຍຸຕິທໍາ, ທ່ານ ທອງຈັນ ມະນີໄຊ ເປັນລັດຖະມົນຕີ ກະຊວງພາຍໃນ ແລະ ທ່ານ ດາວວົງ ພອນແກ້ວ ເປັນລັດຖະມົນຕີ ກະຊວງພະລັງງານ ແລະ ບໍ່ແຮ່.

ໃນໂອກາດດຽວກັນ, ກອງປະຊຸມຍັງໄດ້ຮັບຮອງເອົາ ທ່ານ ໄຊຊະນະ ໂຄດພູທອນ ເປັນຫົວໜ້າອົງການໄອຍະການ ປະຊາຊົນສູງສຸດ, ທ່ານ ນາງ ວຽງທອງ ສີພັນດອນ ເປັນປະທານສານປະຊາ ຊົນສູງສຸດ, ທ່ານ ມະໄລທອງ ກົມມະສິດ ເປັນປະທານອົງການ ກວດສອບແຫ່ງລັດ ແລະ ທ່ານ ຄຳພັນ ພົມມະທັດ ເປັນປະທານອົງການກວດກາແຫ່ງລັດ.

ແຫຼ່ງຂ່າວທີ່ມາ: ຂ່າວສານປະເທດລາວ