ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

(ສພຊ)  ໃນວັນທີ 15 ມິຖຸນາ 2018 ສະພາແຫ່ງຊາດ (ສພຊ) ໄດ້ຈັດກອງປະຊຸມສະຫລຸບຖອດຖອນບົດຮຽນການຮັບໃຊ້ກອງປະຊຸມສະໄໝສາມັນເທື່ອທີ 5 ຂອງ ສພຊ ຊຸດທີ VIII ຢູ່ທີ່ຫ້ອງປະຊຸມຄະນະເລຂາທິການສະພາແຫ່ງຊາດ (ຫລັກ 6 ) ໂດຍການເປັນປະທານຂອງທ່ານ ນາງ ສີໃສ ລືເດດມູນສອນ ຮອງປະທານ ສພຊ ມີເລຂາ-ຮອງເລຂາທິການ ສພຊ, ບັນດາຫົວໜ້າ-ຮອງຫົວໜ້າກົມ, ສູນ ແລະ ສະຖາບັນພາຍໃນສະພາແຫ່ງຊາດເຂົ້າຮ່ວມ.

ກອງປະຊຸມໄດ້ສະຫລຸບຖອດຖອນບົດຮຽນການຮັບໃຊ້ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VIII ແລະ ສ່ອງແສງຈຸດດີຈຸດອ່ອນຂໍ້ຄົງຄ້າງຂອງແຕ່ລະໜ່ວຍງານໃນການປະຕິບັດໜ້າທີ່ຮັບໃຊ້ກອງປະຊຸມສະໄໝສາມັນເທື່ອທີ 5 ທັງນີ້ ກໍ່ເພື່ອຮັບປະກັນໃຫ້ການປະຕິບັດໜ້າທີ່ດັ່ງກ່າວຂອງແຕ່ລະໜ່ວຍງານໃຫ້ມີປະສິພາບ, ປະສິດທິຜົນຍິ່ງຂຶ້ນໃນວາລະດໍາເນີນກອງປະຊຸມດັ່ງກ່າວ.

(ສອນສັກ ວັນວິຊ)