ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

(ສພຊ) ໃນຕອນເຊົ້າວັນທີ 1 ທັນວາ 2020 ການນໍາສະພາແຫ່ງຊາດຮ່ວມກັບການນໍາພັກ-ລັດ ໄດ້ເຂົ້າວາງພວງມາລາ ທີ່ອະນຸສາວະລີ ນັກຮົບນີລະນາມ (ດາວແດງ), ພິພິທະພັນໄກສອນ ພົມວິຫານ ແລະ ສຸສານນັກຮົບປະຕິວັດແຫ່ງຊາດ (ຫລັກ 24)  ເນື່ອງໃນໂອກາດສະເຫລີມສະຫລອງວັນສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ (ສປປລາວ) ທີ 2 ທັນວາ ຄົບຮອບ 45 ປີ (2 ທັນວາ 1975-2 ທັນວາ 2020) ໂດຍມີຄະນະບໍລິຫານງານສູນກາງພັກ ນໍາໂດຍທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປລາວ, ຄະນະການນໍາສະພາແຫ່ງຊາດ ນໍາໂດຍທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ຄະນະລັດຖະບານ ນໍາໂດຍທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍເຈົ້າຄອງນະຄອນຫລວງວຽງຈັນ; ນອກນັ້ນ, ຍັງມີຄະນະອົງການຈັດຕັ້ງມະຫາຊົນ, ຄະນະຜູ້ແທນຊົງຄຸນວຸດທິ, ຄະນະກະຊວງປ້ອງກັນປະເທດ ແລະ ຄະນະກະຊວງປ້ອງກັນຄວາມສະຫງົບ.

ທັງນີ້, ກໍເພື່ອເປັນການສະແດງເຖິງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ, ຄຸນງາມຄວາມດີ ແລະ ຜົນງານອັນໃຫຍ່ຫລວງ ຂອງບັນທະບຸລຸດລາວ ທີ່ໄດ້ອຸທິດຕົນ ເພື່ອປະເທດຊາດ ແລະ ການປະຕິວັດ ໃນໄລຍະຜ່ານມາຈົນສາມາດປົດປ່ອຍປະເທດຊາດໄດ້ຢ່າງສົມບູນ ແລະ ສະຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວ ຈົນເຖິງເທົ່າທຸກວັນນີ້.

ແຫຼ່ງຂ່າວທີ່ມາ: ສະພາແຫ່ງຊາດ