ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

        (ສພຊ)​ ຄະນະຜູ້ແທນຂັ້ນສູງຂອງສະພາແຫ່ງຊາດລາວໍາໂດຍ ່ານ ປອ. ໄຊສົມພອນ ພົມວິຫານ  ປະທານສະພາແຫ່ງຊາດ ໄດ້ເຂົ້າຮ່ວມກອງປະຊຸມການເປັນຄູ່ຮ່ວມລັດຖະສະພາອາຊີ-ເອີຣົບ (ASEP) ຄັ້ງທີ 11 ິ່ງໄດ້ຈັດຂຶ້ນໃນວັນທີ 16 ພະຈິກ 2021ທີ່າຊະອານາຈັກກຳປູເຈຍ ເປັນເຈົ້າພາບໃນຮູບແບບກອງປະຊຸມທາງໄກ. ກອງປະຊຸມຄັ້ງນີ້ໄດ້ດຳເນີນພາຍໃຕ້ຫົວຂໍ້: “ການເພີ່ມທະວີການຮ່ວມມືລັດຖະສະພາເພື່ອສັນຕິພາບ ແລະ ການພັດທະນາແບບຍືນຍົງໃນຍຸກ ໂຄວິດ-19 ແລະ ໃນໄລຍະຕໍ່ໄປ ໂດຍການເປັນປະທານຂອງສົມເດັດ ອັກຄະມະຫາ ໂປເຢຍ ຈັກກຼີ ເຮັງຊໍາຣິນ, ປະທານສະພາແຫ່ງຊາດ ແຫ່ງາຊະອານາຈັກກຳປູເຈຍ ເິ່ງມີຄະນະຜູ້ແທນຈາກລັດຖະສະພາສະມາຊິກ ASEP ໍານວນ 166 ທ່ານ ທີ່ມາຈາກ 30ປະເທດ ໃນພາກພື້ນອາຊີ-ເອີຣົບ. ນອກຈາກນັ້ນ, ກໍຍັງມີຄະນະຜູ້ແທນຈາກລັດຖະສະພາເອີຣົບ, ກອງເລຂາອາຊຽນ ແລະ ແຂກຖືກເຊີນຈາກປະເທດເຈົ້າພາບເຂົ້າຮ່ວມຈຳນວນໜຶ່ງ.

         ໃນກອງປະຊຸມດັ່ງກ່າວ, ຄະນະຜູ້ແທນລັດຖະສະພາຈາກ 2 ພາກພື້ນ ໄດ້ສຸມໃສ່ຄົ້ນຄວ້າ ແລະ ປຶກສາຫາລືບັນຫາສຳຄັນຕ່າງໆທີ່ມີຄວາມສົນໃຈຮ່ວມກັນ ໂດຍສະເພາະແມ່ນບັນຫາສັນຕິພາບ, ຄວາມໝັ້ນຄົງ ແລະ ຄວາມຈະເລີນຮຸ່ງເຮືອງ; ການຄວບຄຸມການແຜ່ລະບາດຂອງພະຍາດໂຄວິດ-19 ແລະ ການຟື້ນຟູເສດຖະກິດ-ສັງຄົມ ພາຍຫຼັງການແຜ່ລະບາດຂອງພະຍາດດັ່ງກ່າວ; ການສົ່ງເສີມການຟື້ນໂຕສີຂຽວ ແລະ ການແກ້ໄຂບັນຫານໍ້າ-ພະລັງງານ, ຄວາມໜັ້ນຄົງທາງດ້ານສະບຽງອາຫານ ແລະ ອື່ນໆ ຕາມພາລະບົດບາດຂອງອົງການນິຕິບັນຍັດ.

         ໃນໂອກາດເຂົ້າຮ່ວມກອງປະຊຸມຄັ້ງນີ້, ທ່ານ ປອ. ໄຊສົມພອນ ພົມວິຫານ ໄດ້ຂຶ້ນກ່າວຄຳປາໄສໃນວາລະທີໜຶ່ງຂອງກອງປະຊຸມຄົບຄະນະ ໂດຍທ່ານໄດ້ສະແດງການສະໜັບສະໜູນຕໍ່ຫົວຂໍ້ຂອງກອງປະຊຸມ, ພ້ອມທັງຕີລາຄາສູງຕໍ່ບົດບາດ ແລະ ຄວາມສຳຄັນຂອງ ASEPໃນການປະກອບສ່ວນແກໄຂບັນຫາສິ່ງທ້າທາຍຕ່າງໆ ໂດຍສະເພາະແມ່ນການແຜ່ລະບາດຂອງພະຍາດໂຄວິດ-19 ທີ່ສົ່ງຜົນກະທົບອັນໜັກໜ່ວງຕໍ່ການພັດທະນາເສດຖະກິດ-ສັງຄົມ ແລະ ຊີວິດການເປັນຢູ່ຂອງປະຊາຄົມໂລກ. ນອກນັ້ນ, ທ່ານຍັງໄດ້ເນັ້ນໜັກວ່າ: ສັນຕິພາບ, ຄວາມໜັ້ນຄົງ ແລະ ການພັດທະນາແບບຍືນຍົງ ແມ່ນມີການພົວພັນເຊິ່ງກັນ ແລະ ກັນ ບໍ່ສາມາດຕັດແຍກອອກຈາກກັນໄດ້, ສັນຕິພາບ ແລະ ຄວາມໝັ້ນຄົງ ເປັນປັດຈພື້ນຖານຂອງການພັດທະນາແບບຍືນຍົງຢູ່ທຸກປະເທດິ່ງ ສປປລາວ ໄດ້ໃຫ້ຄວາມສຳຄັນ ແລະ ເອົາໃຈໃສ່ຈັດຕັ້ງປະຕິບັດເປົ້າໝາຍການພັດທະນາແບບຍືນຍົງຂອງອົງການສະຫະປະຊາຊາດ ໂດຍໄດ້ເຊືອມສານເປົ້າໝາຍການພັດທະນາແບບຍືນຍົງ ເຂົ້າໃນແຜນພັດທະນາເສດຖະກິດ-ສັງຄົມ 5 ປີ ກໍຄືຍຸດທະສາດການພັດທະນາ 2025 ແລະ ວິໄສທັດ 2030 ຕາມທິດສີຂຽວ ແລະ ຍືນຍົງ ເພື່ອນໍາພາປະເທດຫຼຸດພົ້ນອອກຈາກປະເທດດ້ອຍພັດທະນາໃນຕໍ່ໜ້າ; ພ້ອມນີ້, ທ່ານຍັງໄດ້ຮຽກຮ້ອງໃຫ້ບັນດາລັດຖະສະພາສະມາຊິກ ASEP ສືບຕໍ່ໃຫ້ການຮ່ວມມື ແລະ ຊ່ວຍເຫຼືອເຊິ່ງກັນ ແລະ ກັນ ເພື່ອຮັບມືກັບພະຍາດໂຄວິດ-19 ພ້ອມກັນຟື້ນຟູເສດຖະກິດໃຫ້ມີຄວາມຍືນຍົງ ເພື່ອຄວາມຈະເລີນຮຸ່ງເຮືອງ ແລະ ຢູ່ດີກິນດີຂອງປະຊາຊ.

        ພ້ອມດຽວກັນນັ້ນ, ຄະນະຜູ້ແທນຂອງສະພາແຫ່ງຊາດລາວ ຍັງໄດ້ເຂົ້າຮ່ວມກອງປະຊຸມປຶກສາຫາລື ພາຍໃຕ້ຫົວຂໍ້ຕ່າງໆເຊັ່ນ: ການຮ່ວມມືຂອງລັດຖະສະພາ ເພື່ອສັນຕິພາບ, ຄວາມໜັ້ນຄົງ ແລະ ຄວາມຈະເລີນຮຸ່ງເຮືອງ; ການຟື້ນຟູເສດຖະກິດໂລກໃນຍຸກໂຄວິດ-19 ແລະ ໃນໄລຍະຕໍ່ໄປ ແລະ ກອງປະຊຸມປຶກສາຫາລື ກ່ຽວກັບການແກ້ໄຂບັນຫານໍ້າ-ພະລັງງານ ຄວາມໜັ້ນຄົງທາງດ້ານສະບຽງອາຫານພາຍໃຕ້ການປ່ຽນແປງດິນຟ້າອາກາດ ໂດຍໄດ້ປະກອບຄຳຄິດຄຳເຫັນແລະ ແລກປ່ຽນທັດສະນະ ຕາມແຕ່ລະຫົວຂໍ້ຂອງກອງປະຊຸມ ຢ່າງສ້າງສັນ ແລະ ກົງໄປກົງມາ.

         ໃນຕອນທ້າຍຂອງກອງປະຊຸມ, ບັນດາຫົວໜ້າຄະນະຜູ້ແທນ ຂອງລັດຖະສະພາສະມາຊິກ ASEP ທີ່ເຂົ້າຮ່ວມກອງປະຊຸມ ໄດ້ຮັບຮອງເອົາຖະແຫງການຮ່ວມຂອງກອງປະຊຸມການເປັນຄູ່ຮ່ວມລັດຖະສະພາອາຊີ-ເອີຣົບ (ASEP) ຄັ້ງທີ 11 ຢ່າງເປັນເອກະສັນ ິ່ງຖະແຫງການດັ່ງກ່າວ ໄດ້ໍ້າຄືນຄວາມສໍາຄັນຂອງການທູດລັດຖະສະພາ ເພື່ອສົ່ງເສີມສັນຕິພາບ, ຄວາມໝັ້ນຄົງ ແລະ ການພັດທະນາແບບຍືນຍົງ, ພ້ອມທັງເຫັນດີເປັນເອກະພາບກັນນຳເອົາເນື້ອໃນຂອງຖະແຫງການຮ່ວມຂອງກອງປະຊຸມຄັ້ງນີ້ ສະເໜີຕໍ່ກອງປະຊຸມສຸດຍອດຜູ້ນຳອາຊີ-ເອີຣົບ (ASEM) ຄັ້ງທີ 13 ທີ່ຈະຈັດຂຶ້ນຢູ່າຊະອານາຈັກກໍາປູເຈຍ ໃນລະຫວ່າງວັນທີ 25-26 ພະຈິກ 2021ທີ່ຈະມາເຖິງນີ້.