ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ກຽດຕິຄຸນ ຊາດປຣະເສີດ ເອກອັກຄະລາຊະທູດວິສາມັນຜູ້ມີອຳນາດເຕັມ ແຫ່ງ ຣາຊະອານາຈັກ ໄທ ຄົນໃໝ່ປະຈຳລາວ ໃນວັນທີ 18 ພຶດສະພາ ນີ້ ທີ່ຫ້ອງປະຊຸມສະພາແຫ່ງຊາດ ຊຶ່ງຈຸດປະສົງ ເພື່ອປຶກສາຫາລື ກ່ຽວກັບການກະກຽມເດີນທາງໄປຢ້ຽມຢາມສັນທະວະໄມຕີ ຣາຊະອານາຈັກ ໄທຢ່າງເປັນທາງການ ຂອງທ່ານປະທານສະພາແຫ່ງຊາດ ໃນລະ ຫວ່າງວັນທີ 1-2 ມີຖຸນາ 2018 ທີ່ຈະມາເຖິງນີ້. ໃນໂອກາດນີ້ ທ່ານປະທານສະພາແຫ່ງຊາດ ກໍໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍທ່ານທູດຄົນໃໝ່ ທີ່ໄດ້ຮັບການແຕ່ງຕັ້ງໃຫ້ມາດຳລົງຕຳແໜ່ງ ເປັນທ່ານທູດຄົນໃໝ່ ປະຈຳ ສປປ ລາວ ເພື່ອສືບຕໍ່ເສີມຂະຫຍາຍ ສາຍພົວພັນຮ່ວມມືລະຫວ່າງ ສອງປະເທດລາວ-ຣາຊະອາ ນາຈັກໄທ ຊຶ່ງທ່ານໄດ້ຕີລາ ຄາສູງຕໍ່ສາຍພົວພັນມິດຕະພາບຖານບ້ານໃກ້ເຮືອນຄຽງ ລະຫວ່າງສອງປະເທດ ທີ່ນັບມື້ນັບໄດ້ຮັບການເສີມຂະຫຍາຍ ຂຶ້ນຕາມລຳດັບ, ສະແດງຄວາມ ຂອບໃຈຕໍ່ລັດຖະບານ ແລະ ປະຊາຊົນໄທ ທີ່ໄດ້ໃຫ້ການ ຊ່ວຍເຫຼືອແກ່ ສປປ ລາວ ໃນດ້ານຕ່າງໆຕະຫຼອດໄລຍະ ທີ່ຜ່ານມາ ເປັນຕົ້ນແມ່ນການ ພັດທະນາພື້ນຖານໂຄງລ່າງ ຊຶ່ງມີທຶນຊ່ວຍເຫຼືອ ແລະ ທຶນ ກູ້ຢືມດອກເບ້ຍຕoe (ໃນຮູບ ແບບ 30%-70%) ໃນໂຄງ ການກໍ່ສ້າງເສັ້ນທາງເຊື່ອມ ຕໍ່ລະຫວ່າງແຂວງຕໍ່ແຂວງ ແລະ ເສັ້ນທາງຕາມຕົວເມືອງ ຕ່າງໆຂອງ ສປປ ລາວ. ນອກ ນັ້ນ ຍັງໃຫ້ການຊ່ວຍເຫຼືອການ ພັດທະນາຊັບພະຍາກອນມະນຸດ ພາຍໃຕ້ກອບການຮ່ວມ ມືດ້ານວິຊາການລາວ-ໄທ ຊຶ່ງ ໄດ້ປະກອບສ່ວນສຳຄັນເຂົ້າ ໃນການພັດທະນາ ແລະ ຍົກລະດັບຊັບພະຍາກອນມະນຸດ, ພັດທະນາເສດຖະກິດ-ສັງ ຄົມ ແລະ ການກໍ່ສ້າງພື້ນຖານ ໂຄງລ່າງຂອງລາວໃນໄລຍະທີ່ຜ່ານມາ ແລະ ຫວັງຢ່າງຍິ່ງວ່າ ຈະໄດ້ຮັບການຊ່ວຍເຫຼືອດັ່ງ ກ່າວອີກໃນອະນາຄົດ.