ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

(ສພຊ) ໃນວັນທີ 21 ກຸມພາຜ່ານມານີ້, ປະຊາຊົນຜູ້ມີສິດເລືອກຕັ້ງທັງຍິງ ແລະ ຊາຍ ທົ່ວແຂວງບໍລິຄຳໄຊ ນັບຕັ້ງແຕ່ອາຍຸ 18 ປີຂຶ້ນໄປ ໄດ້ໃຊ້ສິດຂອງຕົນປ່ອນບັດເລືອກຕັ້ງ (ສສຊ) ຊຸດທີ IX ແລະ ສະມາຊິກສະພາປະຊາຊົນແຂວງ (ສສຂ) ບໍລິຄຳໄຊ ຊຸດທີ II ເພື່ອຄັດເລືອກເອົາຕົວແທນແຫ່ງສິດ ແລະ ຜົນປະໂຫຍດອັນຊອບທຳຂອງຕົນ ຢ່າງເປັນຂະບວນຟົດຟື້ນ.

ໃນການໃຊ້ສິດປ່ອນບັດຄັ້ງນີ້, ທ່ານ ນາງ ສີໃສ ລືເດດມູນສອນ ກຳມະການກົມການເມືອງສູນກາງພັກ, ຮອງປະທານສະພາແຫ່ງຊາດ, ສະມາຊິກສະພາແຫ່ງຊາດ ຊຸດທີ VIII ປະຈຳເຂດເລືອກຕັ້ງທີ 11 ແຂວງບໍລິຄຳໄຊ; ທ່ານ ກອງແກ້ວ ໄຊສົງຄາມ ກຳມະການສູນກາງພັກ, ເລຂາພັກແຂວງ, ເຈົ້າແຂວງບໍລິຄຳໄຊ; ທ່ານ ສຸວັນນີ ໄຊຊະນະ ຮອງເລຂາພັກແຂວງ ປະທານສະພາປະຊາຊົນແຂວງ; ມີການນຳຂອງແຂວງ, ຂອງເມືອງຕະຫລອດຮອດພະນັກງານ ແລະ ພໍ່ແມ່ປະຊາຊົນລາວບັນດາເຜົ່າ ໄດ້ໄປໃຊ້ສິດປ່ອນບັດຢູ່ໜ່ວຍປ່ອນບັດເລືອກຕັ້ງທີ 8 ບ້ານຫົງໄຊ-ບ້ານໂພນໄຊເໜືອ ເຊິ່ງໄດ້ຈັດຢູ່ເດີ່ນກິລາເປຕັ່ງຂອງແຂວງ ບ້ານຫົງໄຊ ເມືອງປາກຊັນ.

ທົ່ວແຂວງບໍລິຄຳໄຊ ມີຜູ້ມີສິດປ່ອນບັດເລືອກຕັ້ງທັງໝົດ 173.010 ຄົນ, ຍິງ 83.699 ຄົນ, ມີ 201 ໜ່ວຍປ່ອນບັດເລືອກຕັ້ງ; ໃນນັ້ນ, ເມືອງປາກຊັນ 32 ໜ່ວຍເລືອກຕັ້ງ, ເມືອງທ່າພະບາດ 18 ໜ່ວຍເລືອກຕັ້ງ, ເມືອງປາກກະດິງ 26 ໜ່ວຍເລືອກຕັ້ງ, ເມືອງບໍລິຄັນ 43 ໜ່ວຍເລືອກຕັ້ງ, ເມືອງຄຳກີດ 40 ໜ່ວຍເລືອກຕັ້ງ, ເມືອງວຽງທອງ 25 ໜ່ວຍເລືອກຕັ້ງ, ເມືອງໄຊຈຳພອນ 8 ໜ່ວຍເລືອກຕັ້ງ, ກອງບັນຊາການປ້ອງກັນຊາດແຂວງ 8 ໜ່ວຍເລືອກຕັ້ງ ແລະ ກອງບັນຊາການປ້ອງກັນຄວາມສະຫງົບແຂວງ 1 ໜ່ວຍເລືອກຕັ້ງ; ສະເພາະເຂດເລືອກຕັ້ງທີ 11 ແຂວງບໍລິຄຳໄຊ ມີຜູ້ຮັບສະໝັກເລືອກຕັ້ງເປັນ ສສຊ 10 ທ່ານ, ຍິງ 2 ທ່ານ, ເລືອກເອົາ 7 ທ່ານ ແລະ ຜູ້ຮັບສະໝັກເລືອກຕັ້ງເປັນ ສສຂ ໃນເຂດເລືອກຕັ້ງທັງໝົດ 39 ທ່ານ; ໃນນັ້ນ, ເຂດເລືອກຕັ້ງເມືອງປາກຊັນ ຜູ້ສະໝັກ ທ່ານຍິງ ທ່ານ ເລືອກເອົາ ທ່ານ, ເມືອງທ່າພະບາດ ທ່ານຍິງ ທ່ານ ເລືອກເອົາ ທ່ານເມືອງບໍລິຄັນ ທ່ານຍິງ ທ່ານ ເລືອກເອົາ ທ່ານ, ເມືອງປາກກະດິງ ທ່ານຍິງ ທ່ານ ເລືອກເອົາ ທ່ານ, ເມືອງຄໍາເກີດ ທ່ານຍິງ ທ່ານ ເລືອກເອົາ ທ່ານ, ເມືອງວຽງທອງ ທ່ານຍິງ ທ່ານ ເລືອກເອົາ ທ່ານ ແລະ ເມືອງໄຊຈໍາພອນ ທ່ານຍິງ ທ່ານ ເລືອກເອົາ 3 ທ່ານ.

ແຫຼ່ງຂ່າວທີ່ມາ: ສະພາແຫ່ງຊາດ