ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

(ສພຊ) ກອງປະຊຸມໃຫຍ່ ຄັ້ງທີ II ຂອງໜ່ວຍພັກກົມກວດກາ, ຄະນະພັກຮາກຖານຄະນະເລຂາທິການສະພາແຫ່ງຊາດ ໄດ້ໄຂຂຶ້ນ ແລະ ອັດລົງດ້ວຍຜົນສໍາເລັດ ໃນວັນທີ 13 ຕຸລາ 2021 ທີ່ ສະພາແຫ່ງຊາດຫລັງໃໝ່ ພາຍໃຕ້ການເປັນປະທານຂອງສະຫາຍ ນາງ ປານຄຳ ຂະຫຍອງເອກ ຮັກສາການເລຂາໜ່ວຍພັກກົມກວດກາ, ຫົວໜ້າກົມກວດກາ; ມີສະຫາຍ ປອ. ນາງ ສູນທອນ ໄຊຍະຈັກ ເລຂາທິການສູນກາງພັກ, ຮອງເລຂາຄະນະບໍລິຫານງານພັກສະພາແຫ່ງຊາດ, ຮອງປະທານສະພາແຫ່ງຊາດ; ມີບັນດາສະຫາຍໃນຄະນະພັກຮາກຖານຄະນະເລຂາທິການ, ໜ່ວຍພັກທີ່ຂຶ້ນກັບຄະນະພັກຮາກຖານຄະນະ​ເລຂາທິການສະພາແຫ່ງຊາດ, ສະມາຊິກພັກສົມບູນ-ສຳຮອງຂອງໜ່ວຍພັກກົມກວດກາ ເຂົ້າຮ່ວມຢ່າງພ້ອມພຽງ.

ໃນກອງປະຊຸມ, ຜູ້ແທນກອງປະຊຸມໄດ້ປະກອບຄຳຄິດຄຳເຫັນ ແລະ ເປັນເອກະພາບຮັບຮອງເອົາເນື້ອໃນກອງປະຊຸມໃຫຍ່ ຄັ້ງທີ II ຂອງໜ່ວຍພັກກົມກວດກາຄື: ບົດລາຍງານການເມືອງ ຂອງໜ່ວຍພັກກົມກວດກາ ສາມາດສະຫລຸບຕີລາຄາຜົນງານຂອງໜ່ວຍພັກທີ່ຍາດມາໄດ້ໃນໄລຍະຜ່ານມາ ເປັນຕົ້ນວຽກງານກວດກາໃຫ້ແກ່ຄະນະພັກ, ຄະນະປະຈຳສະພາແຫ່ງຊາດ ແລະ ຄະນະພັກຮາກຖານຄະນະເລຂາທິການສະພາແຫ່ງຊາດ ແນໃສ່ຍົກສູງບົດບາດການນຳພາ ຂອງຄະນະໜ່ວຍພັກ ແລະ ການກໍ່ສ້າງໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ; ພ້ອມກັນນີ້, ກອງປະຊຸມເປັນເອກະພາບ ເຫັນດີເຫັນພ້ອມຕາມທິດທາງລວມ, ຄາດໝາຍສູ້ຊົນ ແລະ ທິດທາງວຽກງານລະອຽດແຕ່ລະດ້ານໃນ 5 ປີຕໍ່ໜ້າ ຂອງໜ່ວຍພັກຕາມການສະເໜີ. ພ້ອມນັ້ນ, ກອງປະຊຸມໄດ້ຮັບຟັງການລາຍງານ ແລະ ໄດ້ຮັບຮອງເອົາບົດສຳຫລວດການນຳພາຂອງຄະນະໜ່ວຍພັກໃນໄລຍະຜ່ານມາ ເຊິ່ງໄດ້ຕີລາຄາດ້ານດີ, ດ້ານອ່ອນຂໍ້ຄົງຄ້າງ ແລະ ບົດຮຽນຖອດຖອນໄດ້ຈຳນວນໜຶ່ງ ທີ່ຄະນະໜ່ວຍພັກ ຄັ້ງທີ ຈະໄດ້ປັບປຸງແກ້ໄຂຂໍ້ບົກຜ່ອງ ແລະ ເສີມຂະຫຍາຍດ້ານຕັ້ງໜ້າຢ່າງແຂງແຮງ.

ໃນວາລະກອງປະຊຸມ, ບັນດາສະຫາຍຜູ້ແທນຜູ້ແທນກອງປະຊຸມ ຍັງໄດ້ພ້ອມໃຊ້ສິດປະຊາທິປະໄຕຂອງຕົນ ປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່ ບົນພື້ນຖານຕາມຫລັກການລວມສູນປະຊາທິປະໄຕ, ປ່ອນບັດໂດຍກົງ ແລະ ປິດລັບ, ຖືກຕ້ອງຕາມມາດຖານເງື່ອນໄຂ ທີ່ໄດ້ກຳນົດໄວ້ ເຊິ່ງມີຜູ້ສະໝັກຮັບເລືອກຕັ້ງ 4 ສະຫາຍ ຍິງ 3 ສະຫາຍ; ກອງປະຊຸມໄດ້ເລືອກຕັ້ງເອົາຄະນະພັກຊຸດໃໝ່ ຈຳນວນ 3 ສະຫາຍ ຍິງ 3 ສະຫາຍ ແລະ ໄດ້ເປີດກອງປະຊຸມຄັ້ງປະຖົມມະລືກຂອງຄະນະໜ່ວຍພັກ ໂດຍທີ່ປະຊຸມໄດ້ເລືອກເອົາສະຫາຍ ນາງ ປານຄໍາ ຂະຫຍອງເອກ ເປັນເລຂາໜ່ວຍພັກ, ສະຫາຍ ນາງ ອ້ອມປະຊາ ໄຊຍະກຸມມານ ​ເປັນຮອງເລຂາໜ່ວຍພັກ ແລະ ສະຫາຍ ນາງ ພັດສະດາກອນ ພົມມະຈັນ ເປັນກໍາມະການໜ່ວຍພັກ, ຮັບຜິດຊອບວຽກງານກວດກາໜ່ວຍພັກ.

ກອງປະຊຸມໄດ້ຮັບຟັງການໂອ້ລົມຈາກສະຫາຍ ປອ. ນາງ ສູນທອນ ໄຊຍະຈັກ ເຊິ່ງສະຫາຍໄດ້ຕີລາຄາສູງຕໍ່ຜົນງານການຊີ້ນຳ-ນຳພາຂອງໜ່ວຍພັກກົມ​ກວດກາ ໃນການປະຕິບັດພາລະບົດບາດ, ສິດ, ໜ້າທີ່ຂອງຕົນ ໃນໄລຍະຜ່ານມາ. ພ້ອມກັນນັ້ນ, ສະຫາຍໄດ້ຍົກໃຫ້ເຫັນບາງບັນຫາຈຸດອ່ອນຂໍ້ຄົງຄ້າງ ທີ່ຈະຕ້ອງສືບຕໍ່ແກ້ໄຂ ແລະ ໄດ້ໃຫ້ທິດຊີ້ນຳຕໍ່ຄະນະໜ່ວຍພັກຊຸດໃໝ່ໃນການສືບຕໍ່ນຳພາ ແລະ ຈັດຕັ້ງປະຕິບັດວຽກງານຕາມພາລະບົດບາດ ແລະ ຄວາມຮັບຜິດຊອບຂອງໜ່ວຍພັກເປັນຕົ້ນ: ການນຳພາກໍ່ສ້າງໜ່ວຍພັກໃຫ້ປອດໃສ, ເຂັ້ມແຂງ, ໜັກແໜ້ນ ຕາມ 5 ຫລັກການ, 3 ທິດນຳຂອງພັກ, ການປະຕິບັດບົດບາດໃນການເປັນເສນາທິການທີ່ດີ ໃຫ້ແກ່ຄະນະພັກສະພາແຫ່ງຊາດ, ປັບປຸງກົນໄກການປະສານງານໃຫ້ມີຄຸນນະພາບດີຂຶ້ນກວ່າ​ເກົ່າ. ພ້ອມກັນນັ້ນ, ສະຫາຍ ໄດ້ເນັ້ນໜັກບາງບັນຫາ ເພື່ອເປັນທິດທາງໃຫ້ແກ່ບັນດາສະຫາຍ ຄະນະໜ່ວຍພັກກົມກວດກາ ແລະ ສະມາຊິກພັກໃນໜ່ວຍພັກກົມກວດກາ ເຮັດສໍາເລັດໜ້າທີ່ ແລະ ຄາດໝາຍ ເປັນຕົ້ນແມ່ນເອົາໃຈໃສ່ສຶກສາອົບຮົມການເມືອງ-ແນວຄິດເພື່ອໃຫ້ແກ່ສະມາຊິກພັກ, ລັດຖະກອນໃນກົມໃຫ້ກໍາແໜ້ນແນວທາງນະໂຍບາຍ, ກົດລະບຽບຂອງພັກ ແລະ ກົດໝາຍຂອງລັດ ເພື່ອຍົກສູງຄວາມຮັບຜິດຊອບ ໃນການຈັດຕັ້ງປະຕິບັດແນວທາງຂອງພັກ, ກົດໝາຍ, ມະຕິຄຳສັ່ງ ຂອງຂັ້ນເທິງ; ຜັນຂະຫຍາຍປະຕິບັດມະຕິຂອງຄະນະພັກຂັ້ນເທິງ ແລະ ມະຕິກອງປະຊຸມໃຫຍ່ ຄັ້ງທີ II ຂອງໜ່ວຍພັກກົມກວດກາ, ຂອງຄະນະພັກຮາກຖານຄະນະເລຂາທິການສະພາແຫ່ງຊາດ ໂດຍຫັນໃຫ້ເປັນວຽກອັນລະອຽດຂອງໜ່ວຍພັກ, ຂອງກົມ; ຖືສໍາຄັນການນໍາພາສະມາຊິກພັກ, ພະນັກງານ, ອົງການຈັດຕັ້ງມະຫາຊົນໃຫ້ມີຄວາມຮັບຜິດຊອບສູງຕໍ່ການປະຕິບັດໜ້າທີ່ວິຊາສະເພາະຂອງກົມກວດກາ ໃຫ້ມີຜົນສໍາເລັດເປັນຢ່າງດີ; ເປັນເສນາທິການໃຫ້ແກ່ຄະນະພັກຮາກຖານຄະນະເລຂາທິການສະພາແຫ່ງຊາດ ແລະ ຄະນະພັກສະພາແຫ່ງຊາດ ໃນການຕິດຕາມກວດກາຈັດຕັ້ງປະຕິບັດບັນດາມະຕິ, ຄໍາສັ່ງ, ກົດລະບຽບຂອງພັກ, ກົດໝາຍຂອງລັດ, ຄຸ້ມຄອງການນໍາໃຊ້ງົບປະມານຂອງລັດໃນສະພາແຫ່ງຊາດ ໃຫ້ມີປະສິດທິຜົນ, ຫຼີກເວັ້ນປະກົດການຫຍໍ້ທໍ້ໃນວຽກງານງົບປະມານຂອງລັດ, ຖືສໍາຄັນວຽກງານການຕ້ານການສໍ້ລາດບັງຫຼວງ, ເພື່ອປົກປ້ອງສະມາຊິກພັກ, ພະນັກງານ-ລັດຖະກອນ ໃນສະພາແຫ່ງຊາດ, ເພີ່ມທະວີຄວາມເປັນເຈົ້າການໃນການປະຕິບັດໜ້າທີ່ຕາມຄໍາສັ່ງຂອງຂັ້ນເທິງຢ່າງເຂັ້ມງວດ ເຮັດໃຫ້ວຽກງານກວດກາຮັບປະກັນໄດ້ຄວາມຖືກຕ້ອງ, ໂປ່ງໃສ ແລະ ທັນເວລາ ຕາມແຜນການທີ່ກຳນົດໄວ້; ເພີ່ມທະວີສຶກສາອົບຮົມ, ຄຸ້ມຄອງ, ແບ່ງງານ, ແບ່ງຄວາມຮັບຜິດຊອບພາຍໃນກົມ ໂດຍມອບໝາຍໜ້າທີ່ໃຫ້ແຕ່ລະສະຫາຍໃຫ້ຈະແຈ້ງ, ສູ້ຊົນໃຫ້ສະມາຊິກພັກ, ພະນັກງານໃນກົມຮັບຮູ້ເຖິງຄວາມສໍາຄັນຄວາມຈໍາເປັນຂອງວຽກງານກວດກາ, ກວດກາເພື່ອຊອກໃຫ້ເຫັນດ້ານດີ, ດ້ານຕັ້ງໜ້າ ແລະ ຈໍາກັດປາກົດການຫຍໍ້ທໍ້ຢ່າງທັນການ, ມີການກວດກາ, ຕິດຕາມຊຸກຍູ້ ໃຫ້ສະມາຊິກພັກ-ພະນັກງານ ເອົາໃຈໃສ່ໃນການຝຶກຝົນຫລໍ່ຫລອມຄຸນທາດການເມືອງ, ຄຸນສົມບັດສິນທໍາປະຕິວັດ, ເອົາໃຈໃສ່ດໍາເນີນຊີວິດການເມືອງ ໃຫ້ເຂັ້ມງວດ; ເອົາໃຈໃສ່ສ້າງໜ່ວຍພັກ ໃຫ້ສາມາດຮັກສາໄດ້ນາມມະຍົດເປັນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ໃນຊຸມປີຕໍ່ໜ້າ, ເດັດດ່ຽວສະກັດກັ້ນ, ແກ້ໄຂການສໍ້ລາດບັງຫລວງຂອງພະນັກງານ ແລະ ສະມາຊິກພັກ, ຊຸກຍູ້ສົ່ງເສີມໃຫ້ສະມາຊິກເສີມຂະຫຍາຍຫົວຄິດປະດິດສ້າງ ແລະ ຍົກລະດັບວິຊາສະເພາະ ເພື່ອພັດທະນາຕົນເອງໃຫ້ສູງຂຶ້ນ ໂດຍສະເພາະແມ່ນວຽກງານກວດກາ; ເພີ່ມທະວີຄວາມສາມັກຄີ ເປັນເອກະພາບພາຍໃນ ໃຫ້ໜັກແໜ້ນ; ຄວາມສາມັກຄີເປັນບໍ່ເກີດຂອງຜົນສໍາເລັດ, ສົ່ງເສີມປະຊາທິປະໄຕຢ່າງກວ້າງຂວາງ, ມີຫົວຄິດປະດິດສ້າງ, ມີຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບການມອບໝາຍ.

(ສົມນຶກ