ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

(ສພຊ) ວັນທີ 17 ພະຈິກ 2021 ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ (ສພຊ) ຊຸດທີ IX, ໂດຍການເປັນປະທານກອງປະຊຸມຂອງຄະນະປະທານຄະນະປະຈຳສະພາແຫ່ງຊາດ (ດ້ວຍຮູບແບບກອງປະຊຸມປົກກະຕິ). ໃນວາລະພາກເຊົ້າ ກອງປະຊຸມ ໄດ້ຮັບຟັງລາຍງານການປັບປຸງເນື້ອໃນຂອງຮ່າງກົດໝາຍວ່າດ້ວຍຄໍາຕັດສິນຂອງສານ ຈາກທ່ານ ກົງຈີ ຢ່າງຈື່ ຮອງລັດຖະມົນຕີກະຊວງຍຸຕິທໍາ. ຈາກນັ້ນ, ປະທານກອງປະຊຸມ ໄດ້ສະເໜີສະມາຊິກສະພາແຫ່ງຊາດລົງຄະແນນສຽງຮັບຮອງເອົາຮ່າງກົດໝາຍວ່າດ້ວຍການປະຕິບັດຄໍາຕັດສິນຂອງສານ ດ້ວຍຄະແນນສຽງເຫັນດີ 141 ທ່ານ, ບໍ່ເຫັນດີ 5 ທ່ານ, ບໍ່ອອກສຽງ 2 ທ່ານ ໃນຈໍານວນຜູ້ເຂົ້າຮ່ວມ 148 ທ່ານ; ກອງປະຊຸມ ໄດ້ຮັບຟັງລາຍງານການປັບປຸງເນື້ອໃນຂອງຮ່າງກົດໝາຍວ່າດ້ວຍງົບປະມານແຫ່ງລັດ ຈາກທ່ານ ພູທະນູເພັດ ໄຊສົມບັດ ຮອງລັດຖະມົນຕີກະຊວງການເງິນ. ຈາກນັ້ນ, ປະທານກອງປະຊຸມ ໄດ້ສະເໜີສະມາຊິກສະພາແຫ່ງຊາດລົງຄະແນນສຽງຮັບຮອງເອົາຮ່າງກົດໝາຍວ່າດ້ວຍງົບປະມານແຫ່ງລັດ ດ້ວຍຄະແນນສຽງເຫັນດີ 142 ທ່ານ, ບໍ່ເຫັນດີ 6 ທ່ານ, ບໍ່ອອກສຽງ 0 ທ່ານ ໃນຈໍານວນຜູ້ເຂົ້າຮ່ວມ 148 ທ່ານ; ກອງປະຊຸມ ໄດ້ຮັບຟັງການສະເໜີຮ່າງມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ເເຜນງົບປະມານແຫ່ງລັດ ປະຈຳປີ 2021 ແລະ ແຜນການ ປະຈຳປີ 2022 ແລະ ມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາ ບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2021 ແລະ ແຜນການ ປະຈຳປີ 2022. ຈາກນັ້ນ, ປະທານກອງປະຊຸມ ໄດ້ສະເໜີສະມາຊິກສະພາແຫ່ງຊາດລົງຄະແນນສຽງຮັບຮອງເອົາມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2021 ແລະ ແຜນການ ປະຈຳປີ 2022 ດ້ວຍຄະແນນສຽງເຫັນດີ 148 ທ່ານ, ບໍ່ເຫັນດີ 1 ທ່ານ, ບໍ່ອອກສຽງ 1 ທ່ານ ໃນຈໍານວນຜູ້ເຂົ້າຮ່ວມ 150 ທ່ານ; ລົງຄະແນນສຽງຮັບຮອງເອົາມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2021 ແລະ ແຜນການ ປະຈຳປີ 2022 ດ້ວຍຄະແນນສຽງເຫັນດີ 147 ທ່ານ, ບໍ່ເຫັນດີ 2 ທ່ານ, ບໍ່ອອກສຽງ 1 ທ່ານ ໃນຈໍານວນຜູ້ເຂົ້າຮ່ວມ 150 ທ່ານ.

ຫລັງຈາກນັ້ນ ກອງປະຊຸມໄດ້ກ້າວສູ່ພິທີອັດຢ່າງເປັນທາງການ ໂດຍແມ່ນທ່ານ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ; ເຂົ້າຮ່ວມມີ ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານພັກ, ປະທານປະເທດ; ມີທ່ານ ພັນຄໍາ ວິພາວັນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ; ບັນດາຮອງນາຍົກລັດຖະມົນຕີ, ການນໍາພັກລັດ, ສະມາຊິກສະພາແຫ່ງຊາດ.

ທ່ານປະທານສະພາແຫ່ງຊາດ ໄດ້ກ່າວສູນທອນພົດປິດກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ IX ຢ່າງເປັນທາງການ.

(ຂ່າວ: ນາງ ສຸມົນທາ ງາໄຊ; ພາບ: …..)