ປະທານສະພາແຫ່ງຊາດ ຕ້ອນຮັບຮອງປະທານປະເທດ ຫວຽດນາມ
21/06/2018

ສະຫາຍ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ ປະທານສະພາແຫ່ງຊາດ ແຫ່ງ ສປປ ລາວ ໄດ້ຕ້ອນ ຮັບການເຂົ້າຢ້ຽມຂ່ຳນັບຂອງ ສະຫາຍ ນາງ ດັ້ງ ຖິ ຫງ໋ອກ ທິ້ງ ກຳມະການຄະນະບໍລິຫານ ງານສູນກາງພັກກອມມູນິດ ຫວຽດນາມ ຮອງປະທານປະເທດ ແຫ່ງ ສສ ຫວຽດນາມ ທີ່ສະພາແຫ່ງຊາດແຫ່ງ ສປປ ລາວ ເນື່ອງໃນໂອກາດທີ່ສະ ຫາຍພ້ອມດ້ວຍຄະນະເດີນ ທາງມາຢ້ຽມຢາມ ສປປ ລາວ ຢ່າງເປັນທາງການ, (19-22/ 6/2018) ຕາມຄຳເຊື້ອເຊີນ ຂອງສະຫາຍ ພັນຄຳ ວິພາວັນ ກຳມະການກົມການເມືອງສູນກາງພັກ ເລຂາທິການສູນກາງພັກ ຜູ້ປະຈຳການຄະນະເລຂາ ທິການສູນກາງພັກ ຮອງປະທານປະເທດ ແຫ່ງ ສປປ ລາວ. ໃນໂອກາດດັ່ງກ່າວ, ສະຫາຍ ນາງ ປານີ ຢາທໍ່ຕູ້ ໄດ້ ສະແດງຄວາມຊົມເຊີຍ ແລະ ຕ້ອນຮັບອັນອົບອຸ່ນ ມາຍັງສະຫາຍ ນາງ ດັ້ງ ຖິ ຫງ໋ອກ ທິ້ງ ແລະ ຄະນະຜູ້ແທນ ແຫ່ງ ສສ ຫວຽດນາມ ທີ່ໄດ້ເດີນທາງມາຢ້ຽມຢາມ ສປປ ລາວ ຢ່າງເປັນ ທາງການເປັນຄັ້ງທຳອິດນັບຕັ້ງ ແຕ່ສະຫາຍໄດ້ດຳລົງຕຳ

ແໜ່ງເປັນຮອງປະທານປະເທດ ແຫ່ງ ສສ ຫວຽດນາມ ເປັນຕົ້ນມາ. ພ້ອມນີ້, ສະຫາຍ ນາງ ປານີ ຢາທໍ່ຕູ້ ຍັງໄດ້ສະແດງຄວາມຊົມເຊີຍຕໍ່ບັນດາຜົນສຳເລັດອັນສຳຄັນ, ຮອບດ້ານ ທີ່ປະຊາຊົນ ຫວຽດນາມ ອ້າຍນ້ອງຍາດມາໄດ້ພາຍໃຕ້ການນຳພາອັນ ຖືກຕ້ອງຂອງພັກກອມມູນິດ ຫວຽດນາມ ໃນໄລຍະຜ່ານມາ. ພ້ອມດຽວກັນນີ້, ສະຫາຍ ນາງ ປານີ ຢາທໍ່ຕູ້ ກໍໄດ້ຕີລາຄາສູງຕໍ່ພັກ, ສະພາແຫ່ງຊາດ, ລັດຖະບານ ແຫ່ງ ສສ ຫວຽດນາມ ກໍຄືສະຫາຍ ນາງ ດັ້ງ ຖິ ຫງ໋ອກ ທິ້ງ ທີ່ໄດ້ເອົາໃຈໃສ່ຕິດຕາມ, ຊຸກຍູ້, ຊີ້ນຳ ບັນດາຫົວໜ່ວຍ ທຸລະກິດຂອງຫວຽດນາມ ທີ່ໄດ້ມາລົງທຶນຢູ່ ສປປ ລາວ ຢ່າງໃກ້ຊິດເຮັດໃຫ້ການລົງທຶນຂອງ ຫວຽດນາມ ຢູ່ ສປປ ລາວ ມີປະສິດທິຜົນ, ຊຶ່ງໄດ້ປະກອບສ່ວນ ສຳຄັນເຂົ້າໃນການພັດທະນາ ເສດຖະກິດ-ສັງຄົມ ຂອງ ສປປ ລາວ ກໍຄືການເສີມຂະຫຍາຍ ສາຍພົວພັນອັນເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ. ສອງລັດ ແລະ ປະຊາຊົນສອງຊາດ ລາວ - ຫວຽດນາມ. ນອກນັ້ນ, ສະຫາຍ ນາງ ປານີ ຢາທໍ່ຕູ້ ກໍໄດ້ຕີລາຄາ ສູງຕໍ່ການດຳເນີນກອງປະຊຸມສະໄໝສາມັນເທື່ອທີ 5 ຂອງ ສະພາແຫ່ງຊາດ ຊຸດທີ 14 ຂອງ ສສ. ຫວຽດນາມ, ພ້ອມທັງໄດ້ແຈ້ງໂດຍຫຍໍ້ກ່ຽວກັບ ສະພາບການດຳເນີນກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ 8 ຂອງ ສປປ ລາວ ທີ່ພວມດຳເນີນຢູ່ດ້ວຍບັນຍາກາດອັນຟົດຟື້ນ. ໃນການພົບປະສອງ ຝ່າຍໄດ້ຕີລາຄາສູງຕໍ່ການພົວພັນ ຮ່ວມມືລະຫວ່າງສອງປະເທດ ໃນໄຍລະຜ່ານມາ ກໍຄືການຢ້ຽມາມ ສປປ ລາວ ຂອງສະຫາຍ ນາງ ດັ້ງ ຖິ ຫງ໋ອກ ທິ້ງ ໃນຄັ້ງນີ້, ຊຶ່ງເປັນການເສີມຂະຫຍາຍໄມຕີຈິດມິດຕະພາບ ອັນດູດດື່ມແຫ່ງສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ອ້າຍນ້ອງ ທີ່ມີມາແຕ່ດົນນານແລ້ວນັ້ນ ໃຫ້ແໜ້ນແຟນຍິ່ງໆຂຶ້ນ. ທັງເປັນການກະຕຸກຊຸກຍູ້ການຮ່ວມມືລະຫວ່າງສອງປະເທດ ໃຫ້ເຂົ້າສູ່ລວງເລິກອີກບາດກ້າວໜຶ່ງ. ພ້ອມນີ້, ທັງສອງຝ່າຍ ຍັງໄດ້ອວຍພອນໃຫ້ສາຍພົວ ພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລາວ - ຫວຽດນາມ ຈົ່ງໝັ້ນຄົງທະນົງ ແກ່ນຕະຫຼອດໄປ. ໃນໂອກາດດຽວກັນ ສະຫາຍ ນາງ ດັ້ງ ຖິ ຫງ໋ອກ ທິ້ງ ກໍໄດ້ສະແດງຄວາມຂອບໃຈຕໍ່ ການຕ້ອນຮັບອັນອົບອຸ່ນຂອງ ສະຫາຍ ນາງ ປານີ ຢາທໍ່ຕູ້ ແລະ ຄະນະພ້ອມທັງໄດ້ຕີລາ ຄາສູງຕໍ່ການພົວພັນຮ່ວມມື ລະຫວ່າງສອງສະພາແຫ່ງຊາດ ລາວ - ຫວຽດນາມ ໃນໄລຍະຜ່ານມາ. ພ້ອມນັ້ນ, ສະຫາຍ ຍັງໄດ້ແຈ້ງໂດຍຫຍໍ້ກ່ຽວກັບຜົນສຳເລັດຂອງກອງປະຊຸມສະໄໝສາມັນເທື່ອທີ 5 ຂອງ ສະພາແຫ່ງຊາດຊຸດທີ 14 ຂອງ ສສ ຫວຽດນາມ, ຊຶ່ງບັນດາສະມາຊິກສະພາແຫ່ງຊາດ ຫວຽດນາມ ໄດ້ມີການປຶກສາ ຫາລືກັນຢ່າງກົງໄປກົງມາໃນ ຫຼາຍບັນຫາບົນພື້ນຖານການ ເຄົາລົບສິດທິຂັ້ນພື້ນຖານຂອງ ພົນລະເມືອງໃນການປາກເວົ້າ, ອັນເປັນການສ່ອງແສງໃຫ້ເຫັນ ເຖິງຄວາມເອົາໃຈໃສ່ຕິດຕາມ ກວດສອບຢ່າງໃກ້ຊິດຂອງບັນດາສະມາຊິກສະພາແຫ່ງຊາດ. ພ້ອມກັນນີ້, ກໍໄດ້ອວຍພອນ ໃຫ້ກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ VIII ຂອງ ສປປ ລາວ ທີ່ ກຳລັງດຳເນີນຢູ່ນັ້ນ ໃຫ້ໄດ້ຮັບຜົນສຳເລັດຢ່າງຈົບງາມ. ໃນຕອນທ້າຍ, ສະຫາຍ ນາງ ປານີ ຢາທໍ່ຕູ້ ໄດ້ອວຍພອນ ໃຫ້ສະຫາຍ ນາງ ດັ້ງ ຖິ ຫງ໋ອກ ທິ້ງ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ສືບຕໍ່ນຳພາປະເທດຊາດກ້າວຂຶ້ນຕາມເປົ້າ ໝາຍທີ່ວາງໄວ້ ແລະ ໄດ້ຮັບ ຜົນສຳເລັດຢ່າງຈົບງາມໃນການ ເດີນທາງມາຢ້ຽມຢາມ ສປປ ລາວ ໃນຄັ້ງນີ້, ສະແດງຄວາມ ຂອບໃຈຕໍ່ພັກ, ລັດຖະບານກໍຄືສະພາແຫ່ງຊາດຫວຽດນາມ ທີ່ໄດ້ໃຫ້ການສະສະໜັບສະໜູນ ແລະ ຊ່ວຍເຫຼືອແກ່ສະພາແຫ່ງຊາດລາວ ໂດຍດີຕະຫຼອດມາ, ພິເສດແມ່ນໂຄງ ການກໍ່ສ້າງຫໍສະພາແຫ່ງຊາດ. ພ້ອມນີ້, ສະຫາຍ ນາງ ປານີ ຢາທໍ່ຕູ້ ກໍໄດ້ຝາກຄຳຢື້ຢາມ ຖາມຂ່າວເຖິງການນຳຫວຽດນາມ, ໂດຍສະເພາະສະຫາຍ ປະທານສະພາແຫ່ງຊາດ ຫງວຽນ ທິກິມ ເງິນ. ໃນວັນດຽວກັນ, ສະຫາຍ ນາງ ດັ້ງ ຖິ ຫງ໋ອກ ທິ້ງ ພ້ອມ ຄະນະ ຍັງໄດ້ຢ້ຽມຢາມສູນກາງສະຫະພັນແມ່ຍິງລາວ ແລະ ພົບປະກັບສະຫາຍ ນາງ ອິນລາ ວັນ ແກ້ວບຸນພັນ ປະທານສູນ ກາງສະຫະພັນແມ່ຍິງລາວ, ຢ້ຽມຢາມໂຮງຮຽນພອນສະຫວັນ, ຊຶ່ງຖືກຕ້ອນຮັບໂດຍ ສະຫາຍ ສົມສີ ຍໍພັນໄຊ ວ່າການອະທິການບໍດີມະຫາວິທະຍາໄລແຫ່ງຊາດ ພ້ອມດ້ວຍ ຜູ້ອຳນວຍການ ແລະ ບັນດາຄູ-ອາຈານໂຮງຮຽນພອນສະຫວັນ. ນອກນັ້ນ, ຍັງໄດ້ວາງ ພວງມາລາຢູ່ອະນຸສາວະລີນັກ ຮົບນິລະນາມ ແລະ ຢ້ຽມຊົມ ພະທາດຫຼວງວຽງຈັນ.