ປິດກອງປະຊຸມສຳມະນາບາງເນື້ອໃນຂອງກອງປະຊຸມ ສະໄໝສາມັນ ເທ່ືອທີ 5
30/04/2018

ກອງປະຊຸມສຳມະນາບາງເນື້ອໃນຂອງກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ VIII ຊຶ່ງ ໄດ້ດຳເນີນມາແຕ່ວັນທີ 23 ເມສາ ຜ່ານມາໄດ້ປິດລົງດ້ວຍ ຜົນສຳເລັດໃນຕອນແລງຂອງ ວັນທີ 26 ເມສາ ພາຍໃຕ້ການເປັນປະທານຂອງ ທ່ານ ສົມພັນ ແພງຄຳມີ ຮອງປະທານສະພາແຫ່ງຊາດ, ມີບັນດາທ່ານຮອງປະທານສະພາແຫ່ງຊາດ, ຄະນະປະຈຳສະພາແຫ່ງຊາດ, ບັນດາສະມາຊິິກສະພາແຫ່ງຊາດຕະຫຼອດຮອດຄະນະນຳ ຂອງກະຊວງເຂົ້າຮ່ວມ. ທ່ານປະທານກອງປະຊຸມ ໄດ້ກ່າວໃນພິທີປິດຄັ້ງນີ້ວ່າ: ຈຸດປະສົງຂອງການດຳ ເນີນກອງປະຊຸມສຳມະນາບາງເນື້ອໃນທີ່ຈະນຳເຂົ້າພິຈາລະນາຢູ່ກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ VIII ແມ່ນເພື່ອສ້າງ ເງື່ອນໄຂໃຫ້ບັນດາທ່ານສະມາຊິກສະແຫ່ງຊາດເຂົ້າໃຈເນື້ອ ໃນຂອງເອກະສານທີ່ຈະພິຈາລະນາໃນກອງປະຊຸມສະພາ ແຫ່ງຊາດ, ບັນຫາທີ່ມີຄວາມ ສົນໃຈ ແລະ ເອກະພາບກັນ ໃນ ກອງປະຊຸມສຳມະນາແລ້ວ ຄວນຫຼີກລ່ຽງການຍົກຂຶ້ນຢູ່ກອງ ປະຊຸມສະພາແຫ່ງຊາດ ຊຶ່ງຈະ ເຮັດໃຫ້ແກ່ຍາວເວລາການດຳ ເນີນກອງປະຊຸມສະພາແຫ່ງ ຊາດຊຶ່ງກອງປະຊຸມສຳມະນາ ໃນຄັ້ງນີ້ ພວກເຮົາກໍໄດ້ມີຄວາມ ເຂົ້າໃຈ ແລະ ເອກະພາບຫຼາຍ ບັນຫາ ແລະ ໄດ້ຮັບຜົນສຳເລັດຕາມແຜນການທີ່ວາງໄວ້, ຜົນສຳເລັດດັ່ງກ່າວແມ່ນໝາກຜົນຂອງການເສີມຂະຫຍາຍສະຕິປັນຍາ, ການປະສານສົມທົບ ລະຫວ່າງຄະນະປະຈຳສະພາແຫ່ງຊາດ ກັບລັດຖະບານ, ຄະນະເລຂາທິການກັບບັນດາກຳມາທິການ, ກະຊວງ, ອົງການ. ຂ້າພະເຈົ້າຕາງໜ້າໃຫ້ ຄະນະຮັບຜິດຊອບກອງປະຊຸມສຳມະນາຂໍຂອບໃຈມາຍັງ ບັນດາທ່ານສະມາຊິກສະພາແຫ່ງຊາດ, ຄະນະນຳຂອງກະຊວງ ແລະ ທຸກພາກສ່ວນທີ່ກ່ຽວຂ້ອງທີ່ໄດ້ປະກອບສ່ວນ ແລະ ສ້າງສິ່ງອຳນວຍຄວາມສະດວກໃຫ້ແກ່ການດຳເນີນກອງປະຊຸມສຳມະນາຄັ້ງນີ້ໄດ້ຮັບຜົນສຳເລັດ.