ສະພາແຫ່ງຊາດແຫ່ງ ສປປ ລາວ-ລາຍລະອຽດຂອງຂ່າວສານ
 

ປະທານສະພາແຫ່ງຊາດ ຕ້ອນຮັບຄະນະ ຜູ້ແທນມຽນມາ
26/03/2018

ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໄດ້ ຕ້ອນຮັບການເຂົ້າຢ້ຽມຂ່ຳນັບ ຂອງທ່ານ ພົນໂທ ຈໍສະເວ ລັດຖະມົນຕີກະຊວງພາຍໃນ ແຫ່ງ ສາທາລະນະລັດ ສະຫະ ພາບມຽນມາ ໃນວັນທີ 21 ມີ ນານີ້ທີ່ຫ້ອງຮັບແຂກສະພາ ແຫ່ງຊາດ. ໃນໂອກາດເດີນ ທາງມາຢ້ຽມຢາມ ແລະ ເຂົ້າ ຮ່ວມກອງປະຊຸມ ຄັ້ງທີ VII ວ່າດ້ວຍການຮ່ວມມືວຽກງານ ປ້ອງກັນຄວາມສະຫງົບລາວ- ມຽນມາ ທີ່ນະຄອນຫຼວງວຽງ ຈັນ. ໃນໂອກາດນີ້, ປະທານ ສະພາແຫ່ງຊາດ ໄດ້ສະແດງ ຄວາມຕ້ອນຮັບ ແລະ ຊົມເຊີຍ ຕໍ່ທ່ານ ພົນໂທ ຈໍສະເວ ພ້ອມ ດ້ວຍ ຄະນະ ທີ່ໄດ້ເດີນທາງມາຢ້ຽມ ຢາມ ແລະ ເຂົ້າຮ່ວມກອງ ປະຊຸມທີ່ ສປປ ລາວ, ເພື່ອ ເປັນການປະກອບສ່ວນເສີມ ຂະຫຍາຍການພົວພັນມິດຕະ ພາບ ແລະ ການຮ່ວມມືລະ ຫວ່າງສອງປະເທດ ກໍຄືປະຊາ ຊົນທັງສອງປະເທດລາວ-ມຽນ ມາ ເວົ້າລວມ, ເວົ້າສະເພາະ ແມ່ນການຮ່ວມມືສອງຝ່າຍລະ ຫວ່າງກະຊວງປ້ອງກັນຄວາມ ສະຫງົບ ແຫ່ງ ສປປ ລາວ-ກະ ຊວງພາຍໃນ ແຫ່ງ ສາທາລະ ນະລັດ ສະຫະພາບມຽນມາ ທີ່ມີມາແລ້ວນັ້ນ ໃຫ້ນັບມື້ດີຂຶ້ນ ຊຶ່ງຜົນງານການຮ່ວມມືດັ່ງ ກ່າວ ໄດ້ສ້າງເງື່ອນໄຂອັນດີ ໃຫ້ປະຊາຊົນທັງສອງປະເທດ ໂດຍສະເພາະແມ່ນປະຊາຊົນ ທີ່ດຳລົງຊີວິດຢູ່ຕາມບໍລິເວນ ຊາຍແດນລາວ-ມຽນມາ, ສາ ມາດໄປມາຫາສູ່ກັນ ແລະ ທຳມາຄ້າຂາຍ ຮ່ວມກັນຢ່າງ ເປັນປົກກະຕິ ເຮັດໃຫ້ຊາຍ ແດນມີຄວາມສະຫງົບໂດຍ ພື້ນຖານ.