ປະທານສະພາແຫ່ງຊາດ ຕ້ອນຮັບຜູ້ແທນ ສະພານະຄອນໂຮ່ຈິມິນ
26/03/2018

(ສພຊ) ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໄດ້ ຕ້ອນຮັບຜູ້ແທນສະພາປະຊາ ຊົນນະຄອນໂຮ່ຈິມິນ ສສ ຫວຽດ ນາມ ນຳໂດຍທ່ານ ນາງ ຫງວຽນ ທິ ກວຽດເຕີມ ຮອງເລຂາຄະ ນະພັກນະຄອນ ປະທານສະ ພາປະຊາຊົນໂຮ່ຈິມິນ ພ້ອມ ຄະນະເຂົ້າຢ້ຽມຂ່ຳນັບໃນຕອນແລງທີ 20 ມີນາ ນີ້ທີ່ຫ້ອງ ຮັບແຂກສະພາແຫ່ງຊາດ. ໃນໂອກາດດັ່ງກ່າວທ່ານ ປະທານສະພາແຫ່ງຊາດ ໄດ້ ກ່າວສະແດງຄວາມຕ້ອນຮັບ ແລະ ຕີລາຄາສູງຕໍ່ການມາ ຢ້ຽມຢາມ ສປປ ລາວ ໃນຄັ້ງນີ້ ເພື່ອເປັນການເພີ່ມທະວີສາຍ ພົວພັນ ແລະ ການຮ່ວມມືລະ ຫວ່າງສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງ ຊາດ ແຫ່ງ ສສ ຫວຽດນາມ ໃນ ການຍົກສູງພາລະບົດບາດຂອງ ສະພາປະຊາຊົນຂັ້ນ ແຂວງ ແລະ ກົນໄກການປະ ສານງານລະຫວ່າງອຳນາດ ການປົກຄອງພາຍໃນທ້ອງຖິ່ນ ໃຫ້ມີປະສິດທິພາບຫຼາຍຍິ່ງຂຶ້ນ ທ່ານ ນາງ ຫງວຽນ ທິ ກວຽດ ເຕີມ ຕາງໜ້າຄະນະໄດ້ກ່າວ ສະແດງຄວາມຂອບໃຈຕໍ່ການ ຕ້ອນຮັບອັນອົບອຸ່ນໃນຄັ້ງນີ້ ພ້ອມທັງໄດ້ແຈ້ງໃຫ້ຮູ້ວ່າການ ເດີນທາງຢ້ຽມຢາມ ສປປ ລາວ ໃນຄັ້ງນີ້ ຈະໄດ້ພົບປະແລກ ປ່ຽນບົດຮຽນກັບສະພາປະຊາ ຊົນນະຄອນຫຼວງວຽງຈັນ ເພື່ອ ສ້າງຄວາມຮູ້ຄວາມເຂົ້າໃຈກ່ຽວກັບວຽກງານຂົງເຂດສະ ພາປະຊາຊົນຂັ້ນແຂວງ ໂດຍ ສະເພາະແມ່ນບົດຮຽນໃນການຕິດຕາມກວດກາຄຸ້ມຄອງ ຕົວເມືອງ, ການລົງທຶນ, ບົດ ຮຽນການຈັດຕັ້ງກອງປະຊຸມ ສະພາປະຊາຊົນຂັ້ນແຂວງ, ການເປັນຜູ້ແທນປະຊາຊົນ, ການເປັນເສນາທິການເຂັ້ມ ແຂງໃຫ້ແກ່ການນຳສະພາ ແຫ່ງຊາດ ແລະ ສະພາປະຊາ ຊົນຂັ້ນແຂວງ ແລະ ບັນຫາ ອື່ນໆ ທີ່ຕ່າງຝ່າຍມີຄວາມສົນ ໃຈນຳກັນ.