ປະທານ ສພຊ ຊີ້ນຳບັ້ນດຳເນີນຊິວິດການເມືອງແຂວງໄຊສົມບູນ
08/10/2020

        (ສພຊ) ລະຫວ່າງວັນທີ 5-6 ຕຸລາ 2020 ທີ່ຫ້ອງປະຊຸມຫ້ອງວ່າການແຂວງໄຊສົມບູນ ໄດ້ເປີດກອງປະຊຸມບັ້ນດຳເນີນຊີວິດການເມືອງພາຍໃນຄະນະບໍລິຫານງານພັກທ້າຍສະໄໝຂອງແຂວງໄຊສົມບູນ ໂດຍການເປັນປະທານຂອງສະຫາຍ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ; ເຂົ້າຮ່ວມມີສະຫາຍ ພົນຕີ ຄຳລຽງ ອຸທະໄກສອນ ເລຂາພັກແຂວງ, ເຈົ້າແຂວງ; ມີບັນດາສະຫາຍຮອງເລຂາພັກແຂວງ, ຮອງປະທານກວດກາສູນກາງພັກ, ຄະນະປະຈໍາພັກແຂວງ, ກໍາມະການພັກແຂວງ ພ້ອມດ້ວຍພາກສ່ວນທີ່ກ່ຽວຂ້ອງ.

        ໃນກອງປະຊຸມດຳເນີນຊີວິດການເມືອງທ້າຍສະໄໝຄັ້ງນີ້ ຜູ້ແທນກອງປະຊຸມ ໄດ້ພ້ອມກັນພິຈາລະນາຮັບຮອງເອົາບັນຫາສຳຄັນຄື: ຮ່າງບົດສໍາຫລວດການນໍາພາລວມຂອງຄະນະພັກແຂວງ, ດຳເນີນການສຳຫລວດກວດກາຕໍ່ການຊີ້ນໍາ-ນໍາພາລວມຂອງຄະນະພັກ ແລະ ບຸກຄົນ ຕະຫລອດຮອດໄລຍະຜ່ານມາ ພິຈາລະນາຮັບຮອງເອົາບຸກຄະລາກອນທີ່ຈະສະໝັກຮັບເລືອກຕັ້ງເຂົ້າໃນຄະນະບໍລິຫານງານພັກແຂວງໄຊສົມບູນ ສະໄໝທີ I ແລະ ຄົ້ນຄວ້າຕົກລົງບັນຫາສຳຄັນອື່ນໆ ເພື່ອກະກຽມຄວາມພ້ອມດ້ານຕ່າງໆໃຫ້ແກ່ການດຳເນີນກອງປະຊຸມໃຫ້ອົງຄະນະພັກແຂວງໄຊສົມບູນ ສະໄໝທີ I ໃຫ້ໄດ້ຮັບການຈັດຕັ້ງປະຕິບັດຕາມກໍານົດ ແລະ ມີຜົນສໍາເລັດຕາມຄາດໝາຍ.

                                                                                     ແຫຼ່ງຂ່າວທີ່ມາ: ສະພາແຫ່ງຊາດ