ຜູ້ວ່າ ທຫລ ຊີ້ແຈງ ຫຼາຍປັດໄຈເຮັດໃຫ້ເງິນກີບອ່ອນຄ່າ
30/06/2020

ປຊຊ. ການ​ຜະລິດ​ພາຍ​ໃນ​ ຍັງ​ບໍ່​ທັນ​ຕອບ​ສະໜອງ​ການ​ຊົມ ໃຊ້​ໃນ​ຊີວິດ​ປະຈຳ​ວັນ ຈຳເປັນ​ຕ້ອງ​ໄດ້​ນຳ​ເຂົ້າ​ສິນຄ້າ​ຈາກ​ຕ່າງປະເທດ, ໃນ​ຂະນະ​ທີ່​ການ​ສະໜອງ​ເງິນຕາ​ຕ່າງປະເທດ​ໃນ​ລະບົບ​ທະນາຄານ ບໍ່​ພຽງພໍ​ກັບ​ຄວາມ​ຕ້ອງການ​ຂອງ​ສັງຄົມ ບວກ​ກັບ​ການ​ແຂງ​ຄ່າ​ຂອງ     ​ເງິນ​ໂດ​ລາ ແລະ ເງິນ​ບາດ ຈຶ່ງ​ ສົ່ງ​ຜົນ​ໃຫ້​ເງິນ​ກີບ​ອ່ອນ​ຄ່າ​ລົງເມື່ອ​ທຽບ​ກັບ​ເງິນ​ສອງ​ສະກຸນ​ດັ່ງ​ກ່າວ.
   ທ່ານ ສອນ​ໄຊ ສິດ​ພະ​ໄຊ ຜູ້​ວ່າການ​ທະນາຄານ​ແຫ່ງ ສປປ ລາວ (ທຫລ) ໄດ້​ຂຶ້ນ​​ຊີ້​ແຈງ ກ່ຽວ​ກັບ​ສະພາບ​ເງິນຕາ​ຕ່າງປະເທດ, ອັດຕາ​ແລກປ່ຽນ, ອັດຕາ​ເງິນ​ເຟີ້ ແລະ ມາດ​ຕະ ການ​ແກ້​ໄຂຕໍ່​ກອງ​ປະຊຸມ​ສະ ໄໝ​ສາມັນ​ເທື່ອ​ທີ 9 ຂອງ​ສະ ພາ​ແຫ່ງ​ຊາດ​ຊຸດ​ທີ VIII ໃນ​ວັນ​ທີ 25 ມິຖຸນາ ​ຜ່ານ​ມາ ໂດຍ​ການ​ເປັນ​ປະທານ​ຂອງທ່ານ ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ.
   ທ່ານຜູ້ວ່າການທະນາຄານ​ ແຫ່ງ ສປປ ລາວ ໄດ້​ກ່າວ​ວ່າ: ໃນ​ໄລຍະ 6 ເດືອນ​ຕົ້ນ​ປີ 2020 ການ​ດັດສົມ​ເງິນຕາ​ຕ່າງປະເທດ ສະເລ່ຍ​ຕໍ່​ເດືອນ ໃຫ້​ແກ່​ການ​ນໍາ​ເຂົ້າ​ສິນຄ້າ​ທີ່​ຈໍາ​ເປັນ​ຂອງ​ທະນາຄານ​ແຫ່ງ ສປປ ລາວ ຫຼຸດ​ລົງ​ເກືອບ 50% ແລະ ກໍາ​ລັງ​ການ​ສະໜອງ​ເງິນຕາ​ຕ່າງປະເທດ​ຂອງ​ທະນາຄານ​ທຸລະ​ກິດ ສະເລ່ຍ​ຕໍ່​ເດືອນ​ຫຼຸດ​ລົງ​ເກືອບ 41% ທຽບໃສ່​ລະດັບ​ສະເລ່ຍ​ຕໍ່​ເດືອນ ໃນ​ໄລຍະ 5 ປີ​ກ່ອນ​ໜ້າ​ນີ້; ຈາກ​ເມື່ອ​ກ່ອນ​ໃນ​ໄລຍະ​ແຕ່​ປີ 2013-2017 ແຫຼ່ງ​ເງິນຕາ​ຕ່າງປະເທດ ເພື່ອ​ຮອງ​ຮັບ​ການ​ນໍາ​ເຂົ້າ ໂດຍ​ສະ ເລ່ຍ ເກືອບ 80% ແມ່ນ​ມາ ຈາກ​ຂະແໜງການ​ທະນາຄານ ແລະ ສ່ວນ​ທີ່​ເຫຼືອ​ມາ​ຈາກການ​ ສະໜອງ​ກັນ​ເອງ​ຂອງ​ສັງ​ຄົມ. ແຕ່​ມາ​ໃນ​ໄລຍະ​ຕົ້ນ​ປີ 2020, ຂະແ​ໜງການ​ທະນາຄານ​