ທາບທາມຄຳເຫັນຮ່າງກົດໝາຍວ່າດ້ວຍພາສີ (ສະບັບປັບປຸງ)
22/06/2020

(ສພຊ) ຕອນເຊົ້າວັນທີ 17 ມິຖຸນາ 2020, ທີ່ຫ້ອງປະຊຸມຄະນະເລຂາທິການສະພາແຫ່ງຊາດ (ຫລັກ 6) ນະຄອນຫລວງວຽງຈັນ ໄດ້ມີກອງປະຊຸມເປີດກວ້າງທາບທາມຄວາມຄິດເຫັນຂອງສະພາການຄ້າ ແລະ ອຸດສາຫະກຳແຫ່ງຊາດລາວ ຕໍ່ຮ່າງກົດໝາຍວ່າດ້ວຍພາສີ (ສະບັບປັບປຸງ) ໂດຍການເປັນປະທານຂອງທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ; ເຂົ້າຮ່ວມມີທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ; ປະທານ-ຮອງປະທານກຳມາທິການຂອງສະພາແຫ່ງຊາດ, ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກຳແຫ່ງຊາດລາວ; ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ, ນັກທຸລະກິດ, ຜູ້ປະກອບການ ແລະ ແຂກຖືກເຊີນ.

          ທັງນີ້, ເພື່ອເປັນການເປີດກວ້າງລະດົມຄວາມຄິດຄວາມເຫັນຈາກພາກສ່ວນທຸລະກິດ ແລະ ຜູ້ປະກອບການ ໃສ່ເນື້ອໃນຂອງຮ່າງກົດໝາຍວ່າດ້ວຍພາສີ (ສະບັບປັບປຸງ) ໃຫ້ຖືກຕ້ອງ ແລະ ສອດຄ່ອງກັບສະພາບຄວາມເປັນຈິງ ເພາະເປັນກົດໝາຍທີ່ມີຄວາມສໍາຄັັນ ຕິດພັນກັບການຈັດເກັບລາຍຮັບເຂົ້າງົບປະມານແຫ່ງລັດ ແລະ ຕິດພັນກັບພາກສ່ວນທຸລະກິດ, ຜູ້ປະກອບການເປັນສ່ວນໃຫຍ່; ເພື່ອເປັນການເກັບກຳຂໍ້ມູນພື້ນຖານໃນການຄົົ້ນຄວ້າປັບປຸງຮ່າງກົດໝາຍວ່າດ້ວຍພາສີ (ສະບັບປັບປຸງ), ເຮັດໃຫ້ເນື້ອໃນຂອງຮ່າງກົດໝາຍດັ່ງກ່າວມີຄວາມຄົບຖ້ວນ ແລະ ສົມບູນຍິ່ງຂຶ້ນ ກ່ອນສະເໜີໃຫ້ຄະນະປະຈໍາສະພາແຫ່ງຊາດພິຈາລະນາ ແລ້ວນຳເຂົ້າພິຈາລະນາຮັບຮອງເອົາໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII.

          ຜູ້ເຂົ້າຮ່ວມກອງປະຊຸມ ໄດ້ພ້ອມກັນຍົກສູງຄວາມຮັບຜິດຊອບ, ເສີມຂະຫຍາຍສະຕິປັນຍາ, ຄວາມຮູ້, ຄວາມສາມາດ, ບົດຮຽນ ແລະ ປະສົບການຕົວຈິງ ເຂົ້າໃນການຄົ້ນຄວ້າ, ປະກອບຄຳຄິດຄໍາເຫັນໃສ່ຮ່າງກົດໝາຍວ່າດ້ວຍພາສີ(ສະບັບປັບປຸງ) ນີ້ ໃຫ້ຄົບຖ້ວນສົມບູນຕາມຫລັກການສ້າງ, ປັບປຸງກົດໝາຍ ແລະ ສຳເລັດຕາມຈຸດປະສົງຄາດໝາຍທີ່ວາງໄວ້.

          ທ່ານ ບຸນປອນ ບຸດຕະນະວົງ ໄດ້ກ່າວວ່າ: ບັນດາຄຳຄິດຄຳເຫັນທີ່ປະກອບເຂົ້າໃນຮ່າງກົດໝາຍສະບັບນີ້ ຖືວ່າມີຄວາມໝາຍຄວາມສຳຄັນຕໍ່ການປັບປຸງກົດໝາຍສະບັບນີ້ ເພາະບັນດານັກທຸລະກິດ ແລະ ຜູ້ປະກອບການ ເປັນຜູ້ປະຕິບັດ ແລະ ຕິດພັນກັບພາສີໂດຍກົງ ດັ່ງນັ້ນ, ບັນຫາ ແລະ ຊ່ອງວ່າງ ຂອງກົດໝາຍ ຈະຕ້ອງໄດ້ຮັບການປັບປຸງໃຫ້ດີຂຶ້ນ ເພື່ອໃຫ້ກົດໝາຍນີ້ເປັນເຄື່ອງມືຄຸ້ມຄອງລັດ ຄຸ້ມຄອງສັງຄົມ ໃນການປົກປ້ອງ