ນາຍົກລັດຖະມົນຕີ ຕອບຂໍ້ຊັກຖາມຂອງ ສສຊ
06/11/2017

      ຮຽນ:  - ທ່ານ ປະທານສະພາແຫ່ງຊາດ, ປະທານກອງປະຊຸມ
      -    ບັນດາທ່ານຄະນະປະທານ
      -    ສະມາຊິກສະພາແຫ່ງຊາດ
      -    ບັນດາທ່ານສະມາຊິກລັດຖະບານ
      -    ແຂກທີ່ມີກຽດ

ຂ້າພະ​ເຂົ້າ​ ຮູ້ສຶກ​ປິ​ຕິ​ຊົມ​ຊື່ນ​ເປັນ​ຢ່າງ​ຍິ່ງ ທີ່​ໄດ້​ຮັບ​ອະນຸຍາດ​ຂຶ້ນ​ມາ​ຊີ້​ແຈງຕອບ​ຄຳ​ຖາມ​ຂໍ້​ຂ້ອງ​ໃຈ​ຂອງ​ສະມາຊິກ​ສະພາ​ແຫ່ງ​ຊາດ (ສສຊ) ມີຕໍ່​ລັດຖະບານ​ໃນ​ການ​ຄົ້ນຄວ້າ​ພິຈາລະນາ​ການຈັດ​ຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ ປີ 2017 ​ແລະ ​ໄດ້​ສະ​ເໜີ​ແຜນ​ພັດທະນາ​ເສດຖະກິດ-ສັງົຄມ ປີ 2018 ຕໍ່​ສະພາ​ແຫ່ງ​ຊາດ​ໄປ​ແລ້ວ​ນັ້ນ. ຂ້າພະ​ເຈົ້າ​ຮູ້ສຶກ​ດີ​ໃຈ ​ແລະ ພາກພູມ​ໃຈ ທີ່​ເຫັນ​ວ່າ ສສຊ ​ໃນກອງ​ປະຊຸມ​ສະ​ໄໝ​ສາມັນ​ເທື່ອ​ທີ 4 ຂອງສະພາ​ແຫ່ງ​ຊາດ (ສພຊ) ຊຸດ​ທີ VIII ​ໄດ້​ຕິດຕາມ​ການ​ເຄື່ອນ​ໄຫວ​ຂອງ​ລັດຖະບານ​ຢ່າງ​ຈົດ​ຈໍ່ ​ແລະ​ ​ໄດ້​ມີ​ຄຳ​ຄິດ​ຄຳເຫັນປະກອບ​ໃສ່​ການຈັດ​ຕັ້ງ​ປະຕິບັດ​ແຜນ​ດັ່ງກ່າວ​ ທີ່​ລັດຖະບານ​​ໄດ້​ລາຍ​ງານ​ຜ່ານ​ມາ​ນັ້ນ ຢ່າງ​ເອົາ​ໃຈ​ໃສ່.

ຂ້າພະ​ເຈົ້າ ​ໄດ້​ຍາດ​ເວລາ​ເປັນ​ບາງ​ຄັ້ງ​ມາເຂົ້າ​ຮ່ວມ​ຮັບ​ຟັງ​ຄຳ​ຄິດ​ເຫັນ, ຄຳ​ສະ​ເໜີ​ການ​ອະ​ຟິປາຍ, ການ​ຕີ​ລາຄາ​ຂອງ ສສຊ ຕໍ່​ການຈັດ​ຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ ​ແລະ ການ​ຈັດ​ຕັ້ງ​ປະຕິບັດ​ມາດ​ຕະການ​ຕ່າງໆ​ຂອງ​ລັດຖະບານ​ໃນ​ປີຜ່ານມາ; ຂ້າພະ​ເຈົ້າ ຕີ​ລາຄາ​ໂດຍສັງລວມວ່າ ສສຊ ​ໄດ້​ມີ​ຄຳ​ເຫັນ​ຖືກຕ້ອງ ​ແລະ ລົງ​ເລິກ​ບັນຫາ​ທີ່​ສັງຄົມ​ກຳລັງ​ຮຽກຮ້ອງ​ຕ້ອງການ, ກຳລັງ​ສົນ​ໃຈ ​ແລະ ​ໄດ້​ລົງ​ເລິກ​ບັນດາ​ບັນຫາ​ທີ່​ລັດຖະບານ​ໄດ້​ຈັດ​ຕັ້ງ​ປະຕິບັດ​ມາ ​ແລະ ພວມ​ຈັດ​ຕັ້ງ​ປະຕິບັດ, ຈຸດດີ​ຜົນ​ໄດ້​ຮັບ, ຈຸດ​ອ່ອນ​ຂໍ້ຄົງຄ້າງ​ທີ່​ບັນດາ​ຜຸ້​ແທນ ​ໄດ້​ສະ​ເໜີ​ມາ​ນັ້ນ ຂ້າພະ​ເຈົ້າ​ ຖື​ວ່າ ຖືກ​ກັບ​ສະ​ພາບ​ການ​ຕົວ​ຈິງ ນີ້​ກໍ​ໝາຍ​​ເຖິງ​ວ່າ ບັນດາ​ທ່ານ​ຜູ້​ແທນ ຫລື ສສຊ ​ແລະ ສະມາຊິກ​ສະພາ​ປະຊາຊົນ​ຂັ້ນ​ແຂວງ ​ໄດ້​ເຮັດ​ໜ້າ​ທີ່​ຂອງ​ຕົນ​ຢ່າງ​ມີ​ປະສິດທິ​ຜົນ, ​ໃກ້ຊິດ​ກັບ​ປະຊາຊົນ, ​ໃກ້ຊິດ​ກັບ​ຮາກ​ຖານ​ແທ້​ຈິງ ນຳ​ເອົາ​ຄວາມ​ມຸ່ງ​ມາດ​ປາຖະໜາ ກໍ​ຄື​ການ​ຕີ​ລາຄາ​ທີ່​ແທດ​ເໝາະ​ກັບ​ຕົວ​ຈິງ​ນັ້ນ​ມາສູ່​ສະພາ ​ແລະ​ ສະ​ເໜີ​ໃຫ້​ລັດຖະບານ​ກຳ​ສະພາບ​ໄດ້​ເປັນ​ຢ່າງ​ດີ.

ນັບ​ແຕ່​ວັນ​ສຸກ​ຜ່ານ​ມາ ​ແລະ ​ເຊົ້າ​ມື້​ນີ້, ສະມາຊິກ​ລັດຖະບານ ກໍ​ໄດ້​ໃຫ້​ຄຳ​ກະຈ່າງ​ແຈ້ງ​ຕອບ​ຄຳ​ຊັກ​ຖາມ​ຂອງ​ບັນດາ​ທ່ານ ສສຊ ຫລາຍ​ສົມຄວນ​ແລ້ວ ບາງ​ຄຳ​ຕອບ​ຂ້າພະ​ເຈົ້າ​ອາດ​ຈະ​ບໍ່​ໄດ້​ລື້​ມຄືນ ​ເພາະວ່າບັນດາ​ລັດຖະມົນຕີ ​ໄດ້​ອະທິບາຍ​ໄປ​ນັ້ນ ​ເຫັນ​ວ່າ​ຈະ​ແຈ້ງ​ສົມຄວນ​ແລ້ວ ນັ້ນ​ກໍ​ແມ່ນ​ຄວາມ​ຕັ້ງ​ໃຈ​ຂອງ​ລັດຖະບານ​ທີ່​ຢາກ​ປັບປຸງ​ແກ້​ໄຂ​ບັນຫາ​ຕ່າງໆທີ່​ປະຊາຊົນຮຽກຮ້ອງ​ຕ້ອງການ, ສະພາ​ໄດ້​ຕັ້ງ​ຂຶ້ນ.

          ກຳລັງ​ປັບປຸງ​ກົນ​ໄກ ຂໍ​ໃຫ້​ອະນຸມັດ​ຢູ່​ບ່ອນ​ດຽວ​ກັນ, ຖ້າ​ຈຳ​ເປັນ​ຕ້ອງ​ໃຫ້​ກະຊວງ​ຕ່າງໆ​ອອກອະນຸມັດ​ ກໍ​ໃຫ້​ກຳນົດ​ເວລາ​ຈະ​ແຈ້ງ, ຖ້າ​ຄ້າງ​ຢູ່​ໃສ ຕ້ອງ​ນຳ​ໄປ​ແກ້ ຖ້າ​ບໍ່​ເຮັດຕາມ​ຕ້ອງ​ລົງວິ​ໄນ ຈຶ່ງ​ຈະ​ສາມາດ​ຫລຸດ​ປະ​ເທດ​ທີ 139 ​ໄດ້; ຂ້າພະ​ເຈົ້າ​ໄດ້​ວາງ​ສອງ​ຕົວ​ເລກ​ໃຫ້​ເປັນ​ປະ​ເທດ​ທີ 99 ຫລື ໜ້ອຍ​ກວ່າ​ກໍ​ຍິ່ງ​ດີ, ​ແນ່ນອນ​ຈະ​ໃຫ້​ຄື​ກັບປະ​ເທດ​ສິງກະ​ໂປ ຍັງ​​ເຮັດບໍ່​ໄດ້​ເຖິງ​ຂັ້ນ​ນັ້ນ ​ແຕ່​ກໍ​ພະຍາຍາມ​ໃຫ້​ຫລຸດ​ລົງ ຢ່າງ​ໜ້ອຍ​ໃຫ້​ໄດ້​ຄື​ກັບ​ຫວຽດນາມ, ​ໄທ ຫລື​ອື່ນໆ.

          ນອກ​ນັ້ນ, ​ໃນ​ຖານະ​ຫົວໜ້າ​ລັດຖະບານ ຂ້າພະ​ເຈົ້າ ​ໄດ້​ລົງ​ໃກ້ຊິດ​ກັບ​ນັກທຸລະກິດ, ກັບ​ຜູ້​ປະກອບ​ການ ທັງ​ພາຍ​ໃນ ​ແລະ ຕ່າງປະ​ເທດ​ຢ່າງ​ເປັນ​ປະຈຳ ​ເຊັ່ນ:

  • ກອງ​ປະຊຸມ​ໂຕະມົນ​ຫລາຍ​ຄັ້ງ (ພາກ​ທຸລະ​ກິດ ​ແລະ ພາກ​ລັດ);
  • ພົບ​ປະ​ແຕ່​ລະ​ກຸ່ມ​ທະລຸ​ກິດ, ​ແຕ່​ລະສະ​ມາ​ຄົມ​ວິຊາ​ຊີບ, ລົງ​ເລິກ​ສະ​ເພາະ​ສະພາບ​ການ​ດຳ​ເນີນ​ທຸລະ​ກິດ…, ຂໍ້​ສະ​ເໜີ​ຂອງ​ພາກ​ທຸລະ​ກິດ​ຕໍ່​ພາກ​ລັດ, ຂ້າພະ​ເຈົ້າ​ ໃຫ້​ບັນດາ​ກະຊວງ​ມີ​ສາຍ​ດ່ວນ ​ເພື່ອ​​ໃຫ້​ປະຊາຊົນ, ຜູ້​ປະກອບ​ການ​ ​ໄດ້​ສະ​ເໜີ​ບັນຫາ​ໃຫ້​ກັບ​ແຕ່​ລະ​ພາກສ່ວນ ​ເມື່ອ​ຖືກ​ພາກສ່ວນ​ໃດ​ ສະ​ເໜີ​ໃຫ້​ພວກ​ສ່ວນ​ກ່ຽວຂ້ອງ​ແກ້​ໄຂ​ເລີຍ​ບໍ່​ຕ້ອງ​ລໍຖ້າ​ມາລາ​ຍງານ​ກອງ​ປະຊຸມ​ນາຍົກ​; ​ອັນ​ໃດ​ທີ່​ມີ​ກົດໝາຍ, ມີ​ລະບຽບ, ມີ​ກົນ​ໄກ​ແລ້ວ ​ໃຫ້​ແກ້​ໄຂ​ເລີຍ.
  • ​ໄດ້​ພົບ​ປະ​ກັບ​ນັກທຸລະກິດຕ່າງປະ​ເທດ ​ເຊັ່ນ: ​ໄທ, ຫວຽດນາມ, ສິງກະ​ໂປ, ມາ​ເລ​ເຊຍ, ອິນ​ໂດ​ເນ​ເຊຍ, ຍີ່ປຸ່ນ ​ແລະ ​ອື່ນໆ ​ເຫັນ​ວ່າ ​ເຂົາ​ເຈົ້າ​ມີ​ຄວາມ​ສົນ​ໃຈ​ຫລາຍ​ທີ່​ຈະ​ມາ​ລົງທຶນ​ຢູ່ ສປປລາວ.
  • ​ໄດ້​ປະກາດ​ນະ​ໂຍບາຍ 3 ​​ເປີດ​ຂອງ​ລາວ: 1. ​ເປີດ​ປະຕູ, 2. ​ເປີດ​ສິ່ງ​ກີດຂວາງ, ​ແລະ 3. ​ເປີດ​ໃຈ; ​ເປີດ​ທີ 1 ​ແລະ ທີ 3 ພໍ​ໄດ້​ແລ້ວ, ​ແຕ່​ຍັງ​ຕິດ​ຂັດ​ເປີດ​ທີ 2 (​ເປີດ​ສິ່ງ​ກີດຂວາງຍັງ​ບໍ່​ໄດ້​ ​ແຕ່​ກໍກຳລັງ​ເຮັດ, ຝືດ​ເຄືອງ, ຫຍຸ້ງຍາກ, ທ້າ​ທາຍ…) ​ແຕ່​ລັດຖະບານ​ຈະ​ບໍ່​ຖອຍ ຈະ​ສູ້​ໃຫ້​ເປີດ 2 ​ໃຫ້​ເປັນ​ຈິງ ​ເພື່ອ​ນຳ​ເອົາ​ລຳດັບ​ການຈັດ​ອັນ​ດັບ​ຕົວ​ຊີ້​ວັດ​ການ​ເຮັດ​ທຸລະ​ກິດ​ຢູ່​ລາວ.
  • : ການ​ສົ່ງ​ອອກ​ເຄື່ອງ​ຫັດ​ຖະກຳ​ທີ່​ບໍລິສັດ​ຂົນ​ສົ່ງ​ໄດ້​ຈົ່ມ​ຕໍ່​ຂ້າພະ​ເຈົ້າ ວ່າ: ຢາກ​ສົ່ງສິນຄ້າຫັດຖະ​ທຳ​ກຳ, ຫວາຍ ມີ​ຄວາມ​ຫຍຸ້ງຍາກຢາກ​ຫລາຍ ​ໄປ​ຫາ​ພາກສ່ວນ​ໃດ​ກໍ​ວ່າ​ແກ້​ໄຂ​ບໍ່​ໄດ້ ຕ້ອງ​​ໄປ​ຫາ​ຈຸດ​ນັ້ນ​ຈຸດ​ນີ້ ທັງ​ທີ່​ເປັນ​ໄມ້​ເນື້ອ​ອ່ອນທຳ​ມະ​ດາ ​ແຕ່​ຖືກກວດກາ​ວ່າ​ໄມ້​ໄດ້​ມາ​ຈາກ​ໃສ ​ໄປໆ​ມາໆ​ຄ່າ​​ແລ່ນ​ເອກະສານ​ຫລາຍ​ກວ່າ​ສິນຄ້າ​ແລ້ວ ​ເລີຍ​ຖອນ​ໂຕ​ເອົາ​ຊື່ໆ;
  • ​ນັ້ນ, ​​ໃນປີ 2017-2018 ພວກ​ເຮົາ​ເຮັດ​ຕາມ​ກົນ​ໄກ 3 ​ເປີດ ຈຶ່ງຈະ​ເຮັດ​ໃຫ້ການ​ດຳ​ເນີນ​ທຸລະ​ກິດ​ຢູ່​ລາວ ມີ​ຄວາມ​ຢາກ​ໜ້ອຍ​ລົງ ຫລຸດ​ລົງ​ເທົ່າ​ໃດ​ຍິ່ງ​ດີ.
  • ໃນ​ໂອກາດ​ນີ້, ຂໍ​ສະ​ເໜີ​ໃຫ້ ສສຊ ຕິດ​ຈາມ​ກວດກາ​ຕື່ມ​ອີກ​ໃນ​ພາກ​ປະຕິບັດ, ​ໃຫ້​ສະພາ​ແຂວງ​ຕິດຕາມ​ການ​ປະຕິບັດ​ນະ​ໂຍບາຍ ​ແລະ ກົນ​ໄກ​ນີ້ ຢູ່​ທ້ອງ​ຖິ່ນ ​ເພາະ​ລັດຖະບານ ​ແລະ ​ເຈົ້າ​ແຂວງ​ໄດ້​ປະຊຸມ​ກັນ​ເປັນ​ເອກະ​ພາບ​ກັນ​ແລ້ວ. ບ່ອນ​ໃດ, ຜູ້​ໃດ​ບໍ່​ປະຕິບັດ​ແມ່ນ​ບ່ອນ​ນັ້ນ ຮັບ​ຜິດ​ຊອບ​ຕໍ່ໜ້າ​ກົດໝາຍ ​ແລະ ລະບຽບ​ການ…
  • ຖາມທີ 3: ການ​ຄຸ້ມ​ຄອງ​ວຽກ​ງານ​ທີ່​ດິນ ​ໄດ້​ພົບ​ເຫັນ​ບັນຫາ​ຈຳນວນ​ໜຶ່ງ ​ເປັນ​ຕົ້ນ​ການ​ແບ່ງ​ຂັ້ນ​ຄຸ້ມ​ຄອງ​ວຽກ​ງານ​ການ​ພິຈາລະນາ​ອະນຸມັດ​ເຊົ່າ ​ແລະ ສຳ​ປະທານ​ທີ່​ດິນ​ຂອງ​ລັດ ລະຫວ່າງ​ສູນ​ກາງ ​ແລະ ທ່ອງ​ຖິ່ນ ຍັງ​ບໍ່​ທັນ​​ແຈ້ງ ສົ່ງ​ຜົນ​ກະທົບ​ເຮັດ​ໃຫ້ການ​ຄຸ້ມ​ຄອງ​ທີ່​ດິນ ​ແລະ ການ​ແບ່ງ​ຂາຍ​ດິນ​ທີ່​ຍັງ​ບໍ່​ມີ​ການ​ພັດທະນາ ຈະ​ມີ​ວິທີ​ການ​ແກ້​ໄຂ​ແນວ​ໃດ?
  • ຕອບ: ຕ້ອງ​ຍອມຮັບ​ນຳ​ກັນ​ວ່າ ການ​ຄຸ້ມ​ຄອງ​ທີ່​ດິນ, ນຳ​​ໃຊ້​ທີ່​ດິນ ​ເຊິ່ງ​ເປັນ​ຊັບ​ສົມບັດ​ຂອງ​ຊາດ ​ໃນ​ໄລຍະ​ຜ່ານ​ມາ​ມີ​ຫລາຍ​ອັນ​ສັບສົນ ​ແລະ ຜິດພາດ.
  • ​ຈິງ ພວກ​ເຮົາ​ມີ​ກົດໝາຍ, ມີ​ນິຕິ​ກຳ​ລຸ່ມ​ກົດໝາຍ, ມີ​ນະ​ໂບາຍ ຈະ​ແຈ້ງ​ແລ້ວ ​ແຕ່​ການ​ປະຕິບັດ​ກົດໝາຍ ​ແລະ ນິຕິ​ກຳ​ລຸ່ມ​ກົດໝາຍ ຫລື ນະ​ໂຍບາຍກ່ຽວ​ກັບ​ທີ່​ດິນ​ນັ້ນ ມີ​ຊ່ອງ​ວ່າງ​ຫລາຍ​ທີ່​ສຸດ, ພາ​ໃຫ້​ມີ​ການ​ສວຍ​ໃຊ້, ສວຍ​ໂອກາດ ​ເອົາລະ​ບຽບການ​ຕ່າງໆ​ມາ​ປັບ​ປ່ຽນ, ​ແອບ​ແຝງ​ໃຫ້​ເປັນ​ຜົນ​ປະ​ໂຫຍ​ດ​ໃຫ້​ບຸກຄົນ, ກຸ່ມ​ຄົນ​ຈຳນວນ​ໜຶ່ງ ຫລື ບຸກຄົນ, ປະຊາຊົນ ຊ້ຳພັດ​ເສຍ​ຜົນ​ປະ​ໂຫຍດ ຫລື ອັບປະ​ໂຫຍ​ດ ຕໍ່​ການ​ປະຕິບັດ​ໃນ​ໄລຍະ​ຜ່ານ​ມາ.
  • ​ເຫັນ​ຊ່ອງ​ວ່າງ​ຫລາຍ, ມີ​ຄວາມ​ສັບສົນ​ຫລາຍ ດີ​ບໍ່​ດີ​ຈະ​ກາຍ​ເປັນ​ບັນຫາ​ສັງຄົມ, ການ​ເມືອງ ​ແລະ ຄວາມ​ໝັ້ນ​ຄົງ ຈຶ່ງ​ຕັດສິນ​ໃຈ​ສະ​ເໜີ:
  • ສ້າງ​ຍຸດ​ທະ​ສາດ​ກ່ຽວ​ກັບ​ການ​ຄຸ້ມ​ຄອງນຳ​ໃຊ້​ທີ່​ດິນ​ຂຶ້ນ ​ເພື່ອ​ນຳ​ມາ​ຜ່າ​ນກອງ​ປະຊຸມ ​ເພື່ອ​ໃຫ້​ຄະນະ​ບໍລິຫານ​ງານ​ສູນ​ກາງ​ພັກ ອອກ​ເປັນ​ມະຕິ ​ໄດ້​ສຳເລັດ​ແລ້ວ;
  • ການ​ຜັນ​ຂະຫຍາຍ​ມະຕິ​ສະບັບ​ນີ້ ກຳລັງ​ຢູ່​ໃນ​ຂັ້ນ​ຕອນ​ສຶກສາ​ຄົ້ນຄວ້າ ​ເພື່ອ​ຮັບຮອງ ​ແລະ ປະຕິບັດ​ຕໍ່​ໄປ (ລັດຖະບານ ຈະ​ປຶກສາ​ຫາລື​ກັນໃນ​ກອງ​ປະຊຸມ​ລັດຖະບານ ປະຈຳ​ເດືອນ​ຕຸລາ​ນີ້).

ລັດຖະບານ​ຈະ​ພາ​ຍາ​ຍາມ​ແກ້​ໄຂ ​ໃຫ້​ໄປ​ຕາມກົດໝາຍ​ຢ່າງ​ເຂັ້ມ​ງວດ; ບໍ່​ສວຍ​ໃຊ້​ຄຳ​ວ່າ “ຫັນ​ດິນ​ເປັນ​ທຶນ ຫັນ​ຊັບ​ພະຍາກອນ​ເປັນ​ທຶນ ​ໄປ​ທາງ​ທີ່​ຜິດ.. ທີ່​ເປັນ​ການ​ສວຍ​ໂອກາດ”; ​ເຮັດ​ໃຫ້​ທີ່​ດິນ ທີ່​ເປັນ​ຊັບ​ສົມບັດ​ຂອງ​ວົງ​ຄະນາ​ຍາດ​ແຫ່ງ​ຊາດ​ນັ້ນ ​ໄດ້​ຮັບ​ການ​ນຳ​ໃຊ້​ຢ່າງ​ທົ່ວ​ເຖິງ, ສົມ​ເຫ​ດສົມ​ຜົນ, ມີ​ປະສິດທິຜົນ​ສູງ, ນຳ​ຄຸນຄ່າ​ສູງ​ສຸດ​ມາ​ໃຫ້​ປະ​ເທດ​ຊາດ, ​ໃຫ້​ປະຊາຊົນ; ສ້າງ​ກົນ​ໄກ​ທີ່​ຮັດກຸມ​ຂຶ້ນ​ມາ ​ເພື່ຶອຄຸ້ມ​ຄອງ, ​ເພື່ອ​ພັດທະນາ, ​​ເພື່ອນຳ​ໃຊ້, ​ເພື່ອ​ຄວາມ​ສົມບູນ​ພູນ​ສຸກ​ຂອງ​ຄົນໃນ​ຊາດ; ການ​ຊື້​ຂາຍ​ໃດໆ, ການ​ສຳ​ປະທານ​ໃດໆ, ການ​ຈັບຈອງ​ໃດໆ ຕະຫລອດ​ເຖິງ​ການ​ທຳລາຍ​ຄວາມ​ອຸ​ດົມ​ສົມບູນ​ໃດໆ​ຂອງ​ດິນ, ປ່າ​ໄມ້, ​ແຫ​ລ່ງນ້ຳ… ຈະ​ຖືກ​ຈຳກັດ, ຖືກ​ແກ້​ໄຂ, ຖືກ​ເອົາ​ກັບ​ຄືນ​ມາ ​ຕາມ​ແຕ່​ລະ​ກໍລະນີ ​ໃຫ້​ໄດ້​ຢ່າງ​ເປັນ​ຮູບ​ປະ​ທຳ.

ດັ່ງ​ນັ້ນ, ​ໃນ​ເວລາ​ບໍ່​ດົນ​ນີ້, ລັດຖະບານ ຈະ​ອອກ​ຂໍ້​ກຳນົດ​ກ່ຽວ​ກັບ​ການ​ຄຸ້ມ​ຄອງ, ນຳ​ໃຊ້ ​ແລະ ​ແບ່ງ​ງານ​ກັນຈະ​ແຈ້ງ​ລະຫວ່າງ​ກະຊວງ​ຊັບ​ພະຍາກອນ​ທຳ​ມະ​ຊາດ ​ແລະ​ ສິ່ງ​ແວດ​ລ້ອມ, ກະຊວງ​ກະສິກຳ, ປ່າ​ໄມ້ ​ແລະ ພັດທະນາ​ຊົນນະບົດ… ລະຫວ່າງ​ສູນ​ກາງ ​ແລະ ທ້ອງ​ຖິ່ນ​ໃຫ້​ແຈ້ງ​ເພື່ອ​ຫລຸດຜ່ອນ​ບັນດາ​ຊ່ອງ​ວ່າງ​ໃຫ້​ມີ​ການ​ສວຍ​ໃຊ້: ສວຍ​ໂອກາດ​ນັ້ນ​ລົງ.

ການ​ສຳ​ປະທານ​ຂອງ​ຕ່າງປະ​ເທດ ກໍ​ຈະ​ຕ້ອງ​ໄດ້​ເບິ່ງ​ຄືນ​ກົດໝາຍ, ​ເບິ່ງ​ຄວາມ​ເປັນ​ຈິງ​ຕື່ມ… ອັນ​ໃດ​ຜິດ ກໍ​ໃຫ້​ຮັບ​ຮູ້​ວ່າ​ຜິດ ຈະ​ແກ້​ໃຫ້​ຖືກ​ໄດ້​ແນວ​ໃດ​ແດ່, ອັນ​ຖືກ​ແລ້ວ ກໍ​ໃຫ້​ນຳ​ໃຊ້​ຕໍ່​ໄປ​ໄດ້, ​ແຕ່​ການ​ອະນຸຍາດ​ໃໝ່​ຕ້ອງ​ໃຫ້ຖືກ​ໂລດ, ຖ້າ​ບໍ່​ຖືກ​ບໍ່​ໃຫ້​ອະນຸຍາດ, ຈະ​ຈຳກັດ​ທີ່​ສຸດ​ວ່າ: ອະນຸມັດ​ໄປ​ຜິດ​ໆ​ຖືກໆ ​ແຕ່​ກໍ​ອະນຸ​ໂລມ​ໄປ​ກ່ອນ, ສຸດ​ທ້າຍ​ຜິດ​​ເປັນ​ຖືກ ​ແຕ່​ຂັດ​ກັບ​ນິຕິ​ກຳ, ຂັດ​ກັບ​ຜົນ​ປະ​ໂຫຍ​ດຂອງ​ປະຊາຊົນ… ພະຍາຍາມ​ໃຫ້​ຈຳກັດ​ສິ່ງ​ເຫລົ່າ​ນີ້ລົງ ຫລື ບໍ່​ໃຫ້​ເກີດ​ຂຶ້ນ​ອີກ.