ສພຊ ພິຈາລະນາ, ຮັບຮອງເອົາ 2 ຮ່າງກົດໝາຍ
27/11/2019

(ສພຊ) ວັນທີ 25 ພະຈິກ 2019 ໂດຍການເປັນປະທານກອງປະຊຸມຂອງທ່ານ ແສງນວນ ໄຊຍະລາດ ຮອງປະທານສະພາແຫ່ງຊາດ, ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ VIII  ໄດ້ຮັບຟັງການສະເໜີຮ່າງກົດໝາຍວ່າດ້ວຍກິລາກາຍະກຳ (ປັບປຸງ) ຈາກທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ. ຈາກນັ້ນ, ປະທານກອງປະຊຸມ ໄດ້ມີຄຳເຈາະຈີ້ມ ແລະ ໃຫ້ທິດຊີ້ນຳໃນການຄົ້ນຄວ້າປະກອບຄຳເຫັນໃສ່ຮ່າງກົດໝາຍດັ່ງກ່າວ. ພາຍຫລັງບັນດາທ່ານສະມາຊິກສະພາແຫ່ງຊາດ (ສສຊ) ປະກອບຄຳເຫັນແລ້ວ, ອະນຸກຳມະການສ້າງຮ່າງກົດໝາຍ ໄດ້ໃຫ້ຄວາມກະຈ່າງແຈ້ງ, ບັນດາທ່ານ ສສຊ ໄດ້ສືບຕໍ່ປະກອບຄຳເຫັນໃສ່ຮ່າງກົດໝາຍດັ່ງກ່າວ ຕໍ່ບັນຫາທີ່ຍັງມີຄວາມສົນໃຈ. ຈາກນັ້ນ, ອະນຸກຳມະການສ້າງຮ່າງກົດໝາຍ ໄດ້ໃຫ້ຄວາມກະຈ່າງແຈ້ງເພີ່ມຕື່ມ. ຫລັງຈາກນັ້ນ, ປະທານກອງປະຊຸມ ໄດ້ສະຫລຸບສັງລວມການປະກອບຄໍາເຫັນ ແລະ ໄດ້ສະເໜີບັນດາທ່ານ ສສຊ ລົງຄະແນນສຽງຮັບຮອງເອົາຮ່າງກົດໝາຍວ່າດ້ວຍກິລາກາຍະກຳ (ປັບປຸງ) ເຊິ່ງມີຄະແນນສຽງເຫັນດີ 105 ທ່ານ, ບໍ່ເຫັນດີ 7 ທ່ານ ໃນຈຳນວນຜູ້ເຂົ້າຮ່ວມ 112 ທ່ານ.

ວັນທີ 26 ພະຈິກ 2019 ໂດຍການເປັນປະທານກອງປະຊຸມຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ກອງປະຊຸມໄດ້ຮັບຟັງການສະເໜີຮ່າງກົດໝາຍວ່າດ້ວຍການລົ້ມລະລາຍຂອງວິສາຫະກິດ (ປັບປຸງ) ຈາກທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທຳ. ຈາກນັ້ນ, ປະທານກອງປະຊຸມ ໄດ້ມີຄຳເຈາະຈີ້ມ ແລະ ໃຫ້ທິດຊີ້ນຳໃນການຄົ້ນຄວ້າປະກອບຄຳເຫັນໃສ່ຮ່າງກົດໝາຍດັ່ງກ່າວ. ພາຍຫລັງບັນດາທ່ານ ສສຊ ປະກອບຄຳເຫັນແລ້ວ, ອະນຸກຳມະການສ້າງຮ່າງກົດໝາຍ ໄດ້ໃຫ້ຄວາມກະຈ່າງແຈ້ງ, ບັນດາທ່ານ ສສຊ ໄດ້ສືບຕໍ່ປະກອບຄຳເຫັນໃສ່ຮ່າງກົດໝາຍດັ່ງກ່າວ ຕໍ່ບັນຫາທີ່ຍັງມີຄວາມສົນໃຈ. ຈາກນັ້ນ, ອະນຸກຳມະການສ້າງຮ່າງກົດໝາຍ ໄດ້ໃຫ້ຄວາມກະຈ່າງແຈ້ງເພີ່ມຕື່ມ. ຫລັງຈາກນັ້ນ, ປະທານກອງປະຊຸມ ໄດ້ສະເໜີບັນດາທ່ານ ສສຊ ລົງຄະແນນສຽງຮັບຮອງເອົາຮ່າງກົດໝາຍວ່າດ້ວຍການລົ້ມລະລາຍຂອງວິສາຫະກິດ (ປັບປຸງ)