ຍົກລະດັບ ໃຫ້ ສສຂ ກ່ຽວກັບການສ້າງແຜນວຽກ ແລະ ແຜນງົບປະມານ ນຳໃຊ້ງົບປະມານຂອງໂຄງການຊ່ວຍເຫລືອລ້າ
16/01/2019

ຂປລ. ວັນ​ທີ 15 ມັງກອນ 2019, ສະພາ​​ແຫ່ງ​ຊາດ ​ໄດ້​ຈັດ​ຝຶກ​ອົບຮົ​ມ ກ່ຽວ​ກັບ​ການ​ສ້າງ​ແຜນ​ວຽກ ​ແລະ ​ແຜນ​ງົບ​ປະມານ​ ນໍາ​ໃຊ້​ງົບປະມານ​ຂອງ​ໂຄ​ງການ​ຊ່ວຍ​ເຫລືອ​ລ້າ, ​​ໂດຍ​ມີ ​ທ່ານ ​ນາງ ສີ​ໃສ ລື​ເດດ​ມູນ​ສອນ ຮອງ​ປະທານ​ສະພາ​ແຫ່ງ​ຊາດ, ພ້ອມ​ດ້ວຍ​ສະມາຊິກ​ ສະພາ​ປະຊາຊົນຂັ້ນ​ແຂ​ວງ (ສສຂ) ​ໃນ​ຂອບ​ເຂດ​ທົ່ວ​ປະ​ເທດ ​ເຂົ້າຮ່ວມ.ຊຸດ​ຝຶກ​ອົບຮົມ​ໃນ​ຄັ້ງ​ນີ້, ບັນດາ ສສຂ ​​ໄດ້​ປຶກສາ​ຫາລື, ​ແລກປ່ຽນ​ບົດຮຽນຮ່ວມ​ກັນ ​ໃນ​ຫລາຍ​ບັນຫາ ​ແລະ ໄດ້​ຮຽນ​ຮູ້ທົ່ວ​ໄປ​ກ່ຽວ​ກັບ​ ແຜນ​ງານ​ເຊ​ກາ, ການ​ສ້າງ​ແຜນ​ກິດຈະກຳ ​ແລະ ການກະກຽມ​ເອກະສານ​ ທີ່​ຈຳ​ເປັນ​ສະໜອງ​ໃຫ້​ຜູ້​ໃຫ້​ທຶນ, ການ​ຂຶ້ນ​ແຜນ​ງົບ​ປະມານ ​ແລະ ການ​ລາຍ​ງານ.ແຜນ​ງານ​ເຊ​ກາ ​ແມ່ນ​ໂຄງການ​ເພີ່ມ​ການ​ ມີ​ສ່ວນ​ຮ່ວມ​ຂອງ​ປະຊາຊົນ​ ໃນ​ກາ​ນພັດທະນາ​ປະ​ເທດ​ຊາດ, ​ໂດຍ​ຜ່ານ​ການ​ສົ່ງ​ເສີມ​ ການ​ປົກຄອງ​ທີ່​ດິນ, ສິດທິ​ມະນຸດ ​ແລະ ການ​ສ້າງລັດ​ທີ່​ປົກຄອງ​ດ້ວຍ​ກົດໝາຍ ຢູ່ ສປປ ລາວ. ​ເປົ້າ​ໝາຍ​ຂອງ​ແຜນ​ງານ​ດັ່ງກ່າວ, ​ແນ​ໃສ່​ສ້າງ​ຄວາມ​ເຂັ້ມ​ແຂງ​ ໃຫ້​ສະ ພາ​ແຫ່ງ​ຊາດ ​ແລະ ສະພາ​ປະຊາຊົນ​ຂັ້ນ​ແຂວງ ​ໃນ​ການ​ເຮັດ​ໝ້າ​ທີ່​ ການ​ເປັນ​ຕົວ​ແທນ, ສ້າງ​ກົດໝາຍ ​ແລະ ຕິດຕາມ​ກວດກາ.