ສພຊ ປາຖະກະຖາກ່ຽວກັບ 3 ວັນສຳຄັນຂອງຊາດ
27/08/2018

(ສພຊ) ວັນທີ 20 ສິງຫາ 2018 ສະພາແຫ່ງຊາດ (ສພຊ) ໄດ້ຈັດພິທີປາຖະກະຖາ 3 ເນື້ອໃນວັນສໍາຄັນຂອງຊາດ ທີ່ສູນເຝິກອົບຮົມ ແລະ ການຮ່ວມມືສາກົນ ICTC (ຫລັກ 5) ນະຄອນຫລວງວຽງຈັນ; ໂດຍການເປັນປະທານຂອງທ່ານ ແສງນວນ ໄຊຍະລາດ ຮອງປະທານ ສພຊ, ໂດຍການເຂົ້າຮ່ວມຂອງທ່ານ ນາງ ຄໍາຈັນ ພົມແສນສະຫວັນ ຮອງປະທານສູນກາງແນວລາວສ້າງຊາດ ແລະ ທ່ານ ຈະເລີນ ເຢຍປາວເຮີ ລັດຖະມົນຕີປະຈໍາສໍານັກງານນາຍົກລັດຖະມົນຕີ; ມີບັນດາຄະນະພັກ, ຄະນະປະຈໍາສະພາແຫ່ງຊາດ, ຄະນະກໍາມາທິການ, ຄະນະເລຂາທິການ, ຄະນະຮັບຜິດຊອບ ວຽກງານເຂດເລືອກຕັ້ງ, ຄະນະສະມາຊິກສະພາແຫ່ງຊາດເພດຍິງ, ຄະນະສະຖາບັນຄົ້ນຄວ້ານິຕິກໍາ, ຄະນະກົມ, ສູນ, ພະແນກ, ພະນັກງານລັດຖະກອນ ພາຍໃນ ສພຊ ແລະ ຕາງໜ້າຈາກ ສະພາປະຊາຊົນນະຄອນຫລວງວຽງຈັນ, ສູນກາງກໍາມະບານລາວ, ສູນກາງຊາວໜຸ່ມປະຊາຊົນ ປະຕິວັດລາວ ແລະ ສູນກາງສະຫະພັນແມ່ຍິງລາວເຂົ້າຮ່ວມ.

ກອງປະຊຸມໄດ້ຮັບຟັງປາຖະກະຖາກ່ຽວກັບ ວັນສ້າງຕັ້ງສູນກາງແນວລາວສ້າງຊາດ ຄົບຮອບ 68 ປີ (13 ສິງຫາ 1950 – 13 ​ສິງຫາ 2018) ຈາກທ່ານ ນາງ ຄໍາຈັນ ພົມແສນສະຫວັນ ຮອງປະທານສູນກາງແນວລາວສ້າງຊາດ:

(ປ່ອຍສຽງ ທ່ານ ນາງ ຄໍາຈັນ)

ປາຖະກະຖາກ່ຽວກັບ ວັນລັດຖະທໍາມະນູນແຫ່ງ ສປປລາວ ຄົບຮອບ 27 ປີ (15 ສິງຫາ 1991 – 15 ສິງຫາ 2018) ຈາກທ່ານ ຈະເລີນ ເຢຍປາວເຮີ ລັດຖະມົນຕີ ປະຈໍາສໍານັກງານນາຍົກລັດຖະມົນຕີ:

(ປ່ອຍສຽງ ທ່ານ ຈະເລີນ)

ປາຖະກະຖາກ່ຽວກັບ ວັນຍຶດອໍານາດທົ່ວປະເທດຄົບຮອບ 63 ປີ ( 23 ສິງຫາ 1975 – 23 ສິງຫາ 2018) ຈາກທ່ານ ແສງນວນ ໄຊຍະລາດ ຮອງປະທານສະພາແຫ່ງຊາດ:

(ປ່ອຍສຽງ ທ່ານ ແສງນວນ)

        ທັງນີ້ ກໍເພື່ອເປັນການໂຄສະນາເຜີຍແຜ່ມູນເຊື້ອ ແລະ ປະຫວັດຄວາມເປັນມາ ຂອງວັນສ້າງຕັ້ງ ແນວລາວສ້າງຊາດ ຄົບຮອບ 68 ປີ ໃຫ້ສະມາຊິກພັກ, ພະນັກງານ-ລັດຖະກອນໄດ້ຮັບຮູ້, ເຂົ້າໃຈ ແລະ ເສີມຂະຫຍາຍມູນເຊື້ອ ແຫ່ງຄວາມສາມັກຄີ ອັນເປັນປຶກແຜ່ນແໜ້ນໜາ ຂອງບັນດາຊົນເຜົ່າ, ຊັ້ນຄົນ, ເພດໄວ ພາຍໃຕ້ການນໍາພາຂອງພັກ; ສຶກສາອົບຮົມໃຫ້ສະມາຊິກພັກ, ພະນັກງານ-ລັດຖະກອນ ພາຍໃນ ສພຊ ກໍາໄດ້ການກໍາເນີດ, ຄວາມໝາຍຄວາມສໍາຄັນ ຂອງລັດຖະທໍາມະນູນ ແຫ່ງ ສປປລາວ ແລະ ເພີ່ມທະວີສະຕິເຄົາລົບ, ປະຕິບັດຕາມລັດຖະທໍາມະນູນ ແລະ ກົດໝາຍ ຢ່າງຖືກຕ້ອງເຂັ້ມງວດ ແລະ ຫວນຄືນປະຫວັດຕໍ່ສູ້ກູ້ຊາດທີ່ຍືດເຍື້ອຍາວນານ ຂອງພັກປະຊາຊົນ ປະຕິວັດລາວ ທີ່ໄດ້ນໍາພາປະຊາສຊົນລາວບັນດາເຜົ່າລຸກຂຶ້ນ ຕໍ່ສູ້ຕ້ານຈັກກະພັດອາເມລິກາ ຈົນສາມາດ ຍຶດອໍານາດ ແລະ ປົດປ່ອຍປະເທດຊາດ ມາເຖິງປັດຈຸບັນ.

 

(ສອນສັກ ວັນວິໄຊ)