ປະກອບຄຳເຫັນກ່ຽວກັບຊົນເຜົ່າທີ່ມີຊື່ເອີ້ນວ່າ
13/08/2018

(ສພຊ) ໃນລະຫວ່າງວັນທີ 9-10 ສິງຫາ 2018 ທີ່ຫ້ອງປະຊຸມສູນຝຶກອົບຮົມ ສູນກາງແນວລາວສ້າງຊາດ ໄດ້ມີກອງປະຊຸມສໍາມະນາເປີດກວ້າງປະກອບຄໍາເຫັນກ່ຽວ ກັບຊົນເຜົ່າທີ່ມີຊື່ເອີ້ນວ່າ ບຣູ; ພາຍໃຕ້ການເປັນປະທານຂອງທ່ານ ແສງນວນ ໄຊຍະ ລາດ ຮອງປະທານສະພາແຫ່ງຊາດ; ເຂົ້າຮ່ວມມີທ່ານ ຄໍາໃບ ດໍາລັດ ຮອງປະທານສູນ ກາງແນວລາວສ້າງຊາດ, ມີບັນດາທ່ານລັດຖະມົນຕີ-ຮອງລັດຖະມົນຕີ, ປະທານ-ຮອງ ປະທານກໍາມາທິການ, ປະທານສະພາປະຊາຊົນແຂວງ, ສະຖາບັນວິທະຍາດສາດສັງຄົມ ແຫ່ງຊາດ, ພະນັກງານອະວຸໂສ, ບໍານວນ, ຜູ້ຊົງຄຸນວຸດທິ ພ້ອມດ້ວຍພາກສ່ວນທີ່ກ່ຽວ ຂ້ອງ.

ຈຸດປະສົງຂອງກອງປະຊຸມຄັ້ງນີ້, ກໍເພື່ອຕອບສະໜອງຕາມຄໍາສະເໜີຂອງຄະນ ະພັກ, ຄະນະປົກຄອງທ້ອງຖິ່ນ ແລະ ພໍ່ແມ່ປະຊາຊົນກ່ຽວກັບຊົນເຜົ່າທີ່ມີຊື່ເອີ້ນວ່າ ບຣູ ແຂວງສະຫວັນນະເຂດ; ເພື່ອປະຕິບັດຕາມນະໂຍບາຍກ່ຽວກັບວຽກງານຊົ່ນເຜົ່າທີ່ພັກ-ລັດວາງອອກ; ເພື່ອເປັນບ່ອນອີງແກ່ການສະຫລຸບສັງລວມໃຫ້ມີລັກສະນະຄົບຖ້ວນ ທາງດ້ານເນື້ອໃນຄະນະຮັບຜິດຊອບຄົ້ນຄວ້າຈັດກອງປະຊຸມລາຍງານ ຂໍທິດຊີ້ນໍາຈາກ ຂັ້ນເທິງກ່ຽວກັບ ຊົນເຜົ່າມີຊື່ເອີ້ນວ່າ ບຣູ.

ໃນກອງປະຊຸມ, ທ່ານປະທານກອງປະຊຸມໄດ້ມີຄໍາເຫັນກ່າວເປີດ ເຊິ່ງມີເນື້ອໃນ ບາງຕອນວ່າ: ປະເທດຂອງພວກເຮົາປະກອບດ້ວຍຫຼາຍຊົນເຜົ່າທີ່ມີພາສາປາກເວົ້າ, ຮີດ ຄອງປະເພນີ ແລະ ການເຊື່ອຖືທີ່ແຕກຕ່າງກັນ ເຊິ່ງຍາມໃດພັກ-ລັດ ກໍໄດ້ເອົາໃຈໃສ່ ແລະ ຖືສໍາຄັນຕໍ່ວຽກງານຊົນເຜົ່າ ໂດຍສະເພາະບັນຫາຊື່ເອີ້ນຂອງແຕ່ລະຊົນເຜົ່າ, ຖືກ ຕ້ອງກັບສະພາບຈຸດພິເສດຂອງຊົນເຜົ່າຢູ່ໃນລາວ, ຖືກກັບຊື່ຕົວຈິງທີ່ຊົນເຜົ່າເຂົາມັກ ພ້ອມກັນນີ້, ກໍເພື່ອກໍາຈັດ, ແກ້ໄຂ ແລະ ກ້າວໄປເຖິງການລຶບລ້າງຊື່ຊົນເຜົ່າທີ່ມີລັກສະ ນະສຽດສີ, ດູຖູກໝິ່ນປະໝາດ ແລະ ພາໃຫ້ເກີດມີການອາຄາດບາດໝາງກັນ. ໃນໄລ ຍະຜ່ານມາ, ສະພາແຫ່ງຊາດໄດ້ຮັບຮອງເອົາຊື່ເອີ້ນ ແລະ ຈໍານວນຊົນເຜົ່າໃນເບື້ອງຕົ້ນຢູ່ ສປປລາວ ມີ 49 ຊົນເຜົ່າ ຢູ່ໃນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງ ຊາດ ຊຸດທີ VI ປີ 2008, ຈາກນັ້ນ ໄດ້ຮັບການສະເໜີຈາກພະນັກງານບໍານານ ແລະ ປະຊາຊົນຈໍານວນໜຶ່ງຂອງແຂວງສະຫວັນນະເຂດ ເຖິງພາກສ່ວນກ່ຽວຂ້ອງຂອງແຂວງ ແລະ ສູນກາງ ທີ່ຢາກໄດ້ຊື່ເອີ້ນຊົນເຜົ່າຕົນເອງວ່າ: ບຣູ ເຊິ່ງຜ່ານການຄົ້ນຄວ້າຄໍາສະເໜີ ຂອງປະຊາຊົນນັ້ນເຫັນວ່າມີເຫດຜົນ ສະນັ້ນ, ໃນລະຫວ່າງວັນທີ 29-30 ພຶດສະພາ 2018; 4 ພາກສ່ວນ: ກໍາມາທິການບັນດາເຜົ່າ ສະພາແຫ່ງຊາດ, ສູນກາງແນວລາວ ສ້າງຊາດ, ກະຊວງພາຍໃນ ແລະ ສະຖາບັນວິທະຍາສາດສັງຄົມແຫ່ງຊາດ ຈຶ່ງໄດ້ຈັດ ກອງປະຊຸມຄົ້ນຄວ້າປະກອບຄໍາເຫັນກ່ຽວກັບຊົນເຜົ່າທີ່ມີຊື່ເອີ້ນວ່າ: ບຣູ ຢູ່ແຂວງສະ ຫວັນນະເຂດ ເພື່ອເຕົ້າໂຮມຄຳຄິດຄຳເຫັນຈາກຜູ້ເຂົ້າຮ່ວມກອງປະຊຸມ ຈາກພື້ນຖານ ຂື້ນມາ ບວກກັບຄໍາເຫັນຂອງຜູ້ແທນກອງປະຊຸມພວກເຮົາໃນຄັ້ງນີ້ ໃຫ້ມີເນື້ອໃນຄົບ ຖວ້ນຢ່າງສົມເຫດສົມຜົນ.

ໃນຕອນທ້າຍ, ທ່ານ ແສງນວນ ໄຊຍະລາດ ໄດ້ຮຽກຮ້ອງມາຍັງບັນດາທ່ານ ການນໍາທີ່ເຂົ້າຮ່ວມໃນກອງປະຊຸມຄັ້ງນີ້ ຈະແມ່ນຢູ່ສູນກາງ ຫຼື ທ້ອງຖິ່ນ ຈົ່ງນໍາເອົາຈິດ ໃຈຂອງກອງປະຊຸມໃນຄັ້ງນີ້ ໄປສືບຕໍ່ສຶກສາອົບຮົມປະຊາຊົນບັນດາເຜົ່າ, ພະນັກງານ-ລັດຖະກອນ ແລະ ຂອບເຂດຄວາມຮັບຜິດຊອບຂອງຕົນໃຫ້ເຂົ້າໃຈ ແລະ ເປັນເອກະ ພາບກັບສູນກາງພັກ ກ່ຽວກັບວຽກງານເຜົ່າ ເພື່ອຮັບປະກັນການສວຍໃຊ້ຊ່ອງຫວ່າງ ຂອງຄົນບໍ່ດີ ໃສ່ຮ້າຍປ້າຍສີວ່າບໍ່ມີຄວາມຍຸດຕິທຳໃຫ້ແກ່ບັນດາເຜົ່າ ເພື່ອເຮັດໃຫ້ສັງ ຄົມມີຄວາມສະຫງົບ ແລະ ຄວາມເປັນລະບຽບຮຽບຮ້ອຍຕໍ່ໄປ.

(ສົມນຶກ ແກ້ວໄຊຍະຈັກ)