ຮອງປະທານສະພາແຫ່ງຊາດລາວ ຢ້ຽມຂຳ່ນັບປະທານສະພາແຫ່ງຊາດຫວຽດນາມ
26/07/2018

(ສພຊ) ຕອນບ່າຍວັນທີ 17 ກໍລະກົດ 2018, ທີ່ຫໍສະພາແຫ່ງຊາດຫວຽດນາມ ນະຄອນຫລວງຮ່າໂນ້ຍ,​ ສະ ຫາຍ ແສງນວນ ໄຊຍະລາດ ເລຂາທິການສູນກາງພັກ, ຮອງປະທານສະພາແຫ່ງຊາດ ແຫ່ງ ສປປລາວ ພ້ອມດ້ວຍ ຄະນະ ໄດ້ເຂົ້າຢ້ຽມຂໍ່ານັບ ສະຫາຍ ນາງ ຫງວຽນ ທິ ກິມ ເງິນ ກໍາມະການກົມການເມືອງສູນກາງພັກກອມມູນິດ ຫວຽດນາມ, ປະທານສະພາແຫ່ງຊາດ ແຫ່ງ ສສ.ຫວຽດນາມ, ໃນໂອກາດຢ້ຽມຢາມ ແລະ ເຮັດວຽກຢູ່ ສສ.ຫວຽດ ນາມ ລະຫວ່າງວັນທີ 16-20 ກໍລະກົດ 2018.

ສະຫາຍ ແສງນວນ ໄຊຍະລາດ ໄດ້ສະ​ແດງ​ຄວາມ​ຂອບ​ໃຈ​ຕໍ່​ການຕ້ອນ​​ຮັບຢ່າງອົບອຸ່ນ ແລະ ໄດ້ຝາກ​ຄວາມ​ຢ້​ຽມ​ຢາມ​ຖາມ​ຂ່າວຂອງ​ສະ​ຫາຍ ນາງ ປາ​ນີ ຢາ​ທໍ່​ຕູ້ ປະ​ທານ​ສະ​ພາ​ແຫ່ງ​ຊາດ​ລາວ ເຖິງ​ສະ​ຫາຍປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ; ຈຸດປະສົງຫລັກໃນການຢ້ຽມຢາມ ແລະ ເຮັດວຽກຢູ່ ສສ.ຫວຽດນາມ ໃນຄັ້ງນີ້ ແມ່ນເພື່ອສືບຕໍ່ ຮັດແໜ້ນສາຍພົວພັນມິດຕະພາບ ແລະ ການຮ່ວມມື ລະຫວ່າງສະພາແຫ່ງຊາດລາວ ແລະ ສະພາແຫ່ງຊາດຫວຽດ ນາມເວົ້າລວມ, ເວົ້າສະເພາະແມ່ນລະຫວ່າງສອງກຳມາທິການຕ່າງປະເທດ ຂອງສະພາແຫ່ງຊາດ. ໃນນັ້ນ ກໍໄດ້ລົງ ເລິກການແລກປ່ຽນບົດຮຽນກັບສະຫາຍຫວຽດນາມກ່ຽວກັບວຽກ​ງານ​ການ​ພົວ​ພັນ​ການ​ຕ່າງ​ປະ​ເທດ​. ພ້ອມນັ້ນ, ກໍ ຈະໄດ້ພ້ອມກັນປຶກສາຫາລືກ່ຽວກັບການ​ສ້າງ​ແຜນການ ເພື່ອລົງ​ໄປຕິດຕາມ​ກວດກາ​ການຈັດຕັ້ງປະຕິບັດຂໍ້ຕົກລົງລະ ຫວ່າງສອງລັດຖະບານ ກ່ຽວກັບ​ການ​ແກ້​ໄຂ​ບັນຫາການ​ເຄື່ອນ​ຍ້າຍພູມ​ລຳ​ເນົາຕາມ​ລຳ​ພັງ​ໃຈຂອງປະຊາຊົນຢູ່ລຽບຕາມ ຊາຍແດນ ແລະ ການ​ແຕ່ງດອງ​ຜິດ​ກົດ​ໝາຍຢູ່ບໍ​ລິ​ເວນ​ຊາຍ​ແດນລາວ-ຫວ​ຽດ​ນາມ.​ ນອກນັ້ນ, ກໍຈະໄດ້ປຶກສາຫາລືນໍາ ກັນ ກ່ຽວກັບທິດທາງການຮ່ວມມືຕົ້ນຕໍໃນຕໍ່ໜ້າ.  ສະຫາຍຮອງປະທານສະພາແຫ່ງຊາດ ຍັງໄດ້ລາຍງານຜົນສໍາເລັດ ຂອງການພົບປະສອງຝ່າຍ ລະຫວ່າງສະພາແຫ່ງຊາດລາວ ແລະ ສະພາແຫ່ງຊາດຫວຽດນາມ.

ສະຫາຍ ນາງ ຫງວຽນ ທິ ກິມ ເງິນ ໄດ້ສະແດງຄວາມຍິນດີຕ້ອນຮັບຢ່າງຈິງໃຈ ແລະ ໄດ້ຕີລາຄາສູງຕໍ່ການຢ້ຽມ ຢາມ ແລະ ເຮັດວຽກຂອງສະຫາຍຮອງປະທານສະພາແຫ່ງຊາດລາວ ພ້ອມດ້ວຍຄະນະ, ພ້ອມທັງໄດ້ອວຍພອນ ໃຫ້ຄະນະຜູ້ແທນສະພາແຫ່ງຊາດລາວ ປະສົບຜົນສໍາເລັດໃນການຢ້ຽມຢາມ ແລະ ເຮັດວຽກຢູ່ ສສ.ຫວຽດນາມ.

ຈາກນັ້ນ, ສະຫາຍ ແສງນວນ ໄຊຍະລາດ ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບ ສະຫາຍ ຫງວຽນ ຝູ ຈ້ອງ ເລຂາທິການໃຫຍ່ພັກກອມມູນິດຫວຽດນາມ.

ສະຫາຍ ແສງນວນ ໄຊຍະລາດ ໄດ້ສະແດງຄວາມຂອບໃຈຢ່າງຍິ່ງທີ່ສະຫາຍເລຂາທິການໃຫຍ່ ພັກກອມມູ ນິດຫວຽດນາມ ໄດ້ສະລະເວລາອັນມີຄ່າຕ້ອນຮັບຄະນະຜູ້ແທນຂອງສະພາແຫ່ງຊາດລາວ ແລະ ໄດ້ລາຍງານກ່ຽວ ກັບການຢ້ຽມຢາມ ແລະ ເຮັດວຽກຢູ່ ສສ.ຫວຽດນາມ ໂດຍສະເພາະແມ່ນການພົບປະເຮັດວຽກ ກັບ ສະຫາຍ ຕ໋ອງ ທິ ຝ໋ອງ ຮອງປະທານ, ຜູ້ປະຈໍາການ ສະພາແຫ່ງຊາດ ແຫ່ງ ສສ.ຫວຽດນາມ ພ້ອມດ້ວຍຄະນະ, ເຊິ່ງໄດ້ແລກປ່ຽນ ບົດຮຽນນໍາກັນກ່ຽວກັບການຮ່ວມມື ແລະ ການເຄື່ອນໄຫວຂອງສະພາແຫ່ງຊາດ ໃນເວທີ ລັດຖະສະພາພາກພື້ນ ແລະ ສາກົນ.

ສະຫາຍ ຫງວຽນ ຝູ ຈ້ອງ ໄດ້ຕີລາຄາສູງຕໍ່ການຢ້ຽມຢາມ ແລະ ເຮັດວຽກຂອງສະຫາຍຮອງປະທານສະພາ ແຫ່ງຊາດ ພ້ອມດ້ວຍຄະນະ ເຊິ່ງເປັນການປະກອບສ່ວນຮັດແໜ້ນສາຍພົວພັນອັນເປັນມູນເຊື້ອ ແຫ່ງຄວາມສາມັກ ຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ, ຫວຽດນາມ-ລາວ ໃຫ້ໝັ້ນຄົງແໜ້ນແຟ້ນຍິ່ງໆຂຶ້ນ.  ພ້ອມນັ້ນ, ຍັງໄດ້ອວຍພອນໃຫ້ການຢ້ຽມຢາມ ແລະ ເຮັດວຽກຢູ່ ສສ.ຫວຽດນາມ ຂອງຄະນະຜູ້ແທນສະພາແຫ່ງຊາດລາວ ປະສົບຜົນສໍາເລັດຢ່າງຈົບງາມ.

(ສພຊ) ຕອນບ່າຍວັນທີ 17 ກໍລະກົດ 2018, ທີ່ຫໍສະພາແຫ່ງຊາດຫວຽດນາມ ນະຄອນຫລວງຮ່າໂນ້ຍ,​ ສະ ຫາຍ ແສງນວນ ໄຊຍະລາດ ເລຂາທິການສູນກາງພັກ, ຮອງປະທານສະພາແຫ່ງຊາດ ແຫ່ງ ສປປລາວ ພ້ອມດ້ວຍ ຄະນະ ໄດ້ເຂົ້າຢ້ຽມຂໍ່ານັບ ສະຫາຍ ນາງ ຫງວຽນ ທິ ກິມ ເງິນ ກໍາມະການກົມການເມືອງສູນກາງພັກກອມມູນິດ ຫວຽດນາມ, ປະທານສະພາແຫ່ງຊາດ ແຫ່ງ ສສ.ຫວຽດນາມ, ໃນໂອກາດຢ້ຽມຢາມ ແລະ ເຮັດວຽກຢູ່ ສສ.ຫວຽດ ນາມ ລະຫວ່າງວັນທີ 16-20 ກໍລະກົດ 2018.

ສະຫາຍ ແສງນວນ ໄຊຍະລາດ ໄດ້ສະ​ແດງ​ຄວາມ​ຂອບ​ໃຈ​ຕໍ່​ການຕ້ອນ​​ຮັບຢ່າງອົບອຸ່ນ ແລະ ໄດ້ຝາກ​ຄວາມ​ຢ້​ຽມ​ຢາມ​ຖາມ​ຂ່າວຂອງ​ສະ​ຫາຍ ນາງ ປາ​ນີ ຢາ​ທໍ່​ຕູ້ ປະ​ທານ​ສະ​ພາ​ແຫ່ງ​ຊາດ​ລາວ ເຖິງ​ສະ​ຫາຍປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ; ຈຸດປະສົງຫລັກໃນການຢ້ຽມຢາມ ແລະ ເຮັດວຽກຢູ່ ສສ.ຫວຽດນາມ ໃນຄັ້ງນີ້ ແມ່ນເພື່ອສືບຕໍ່ ຮັດແໜ້ນສາຍພົວພັນມິດຕະພາບ ແລະ ການຮ່ວມມື ລະຫວ່າງສະພາແຫ່ງຊາດລາວ ແລະ ສະພາແຫ່ງຊາດຫວຽດ ນາມເວົ້າລວມ, ເວົ້າສະເພາະແມ່ນລະຫວ່າງສອງກຳມາທິການຕ່າງປະເທດ ຂອງສະພາແຫ່ງຊາດ. ໃນນັ້ນ ກໍໄດ້ລົງ ເລິກການແລກປ່ຽນບົດຮຽນກັບສະຫາຍຫວຽດນາມກ່ຽວກັບວຽກ​ງານ​ການ​ພົວ​ພັນ​ການ​ຕ່າງ​ປະ​ເທດ​. ພ້ອມນັ້ນ, ກໍ ຈະໄດ້ພ້ອມກັນປຶກສາຫາລືກ່ຽວກັບການ​ສ້າງ​ແຜນການ ເພື່ອລົງ​ໄປຕິດຕາມ​ກວດກາ​ການຈັດຕັ້ງປະຕິບັດຂໍ້ຕົກລົງລະ ຫວ່າງສອງລັດຖະບານ ກ່ຽວກັບ​ການ​ແກ້​ໄຂ​ບັນຫາການ​ເຄື່ອນ​ຍ້າຍພູມ​ລຳ​ເນົາຕາມ​ລຳ​ພັງ​ໃຈຂອງປະຊາຊົນຢູ່ລຽບຕາມ ຊາຍແດນ ແລະ ການ​ແຕ່ງດອງ​ຜິດ​ກົດ​ໝາຍຢູ່ບໍ​ລິ​ເວນ​ຊາຍ​ແດນລາວ-ຫວ​ຽດ​ນາມ.​ ນອກນັ້ນ, ກໍຈະໄດ້ປຶກສາຫາລືນໍາ ກັນ ກ່ຽວກັບທິດທາງການຮ່ວມມືຕົ້ນຕໍໃນຕໍ່ໜ້າ.  ສະຫາຍຮອງປະທານສະພາແຫ່ງຊາດ ຍັງໄດ້ລາຍງານຜົນສໍາເລັດ ຂອງການພົບປະສອງຝ່າຍ ລະຫວ່າງສະພາແຫ່ງຊາດລາວ ແລະ ສະພາແຫ່ງຊາດຫວຽດນາມ.

ສະຫາຍ ນາງ ຫງວຽນ ທິ ກິມ ເງິນ ໄດ້ສະແດງຄວາມຍິນດີຕ້ອນຮັບຢ່າງຈິງໃຈ ແລະ ໄດ້ຕີລາຄາສູງຕໍ່ການຢ້ຽມ ຢາມ ແລະ ເຮັດວຽກຂອງສະຫາຍຮອງປະທານສະພາແຫ່ງຊາດລາວ ພ້ອມດ້ວຍຄະນະ, ພ້ອມທັງໄດ້ອວຍພອນ ໃຫ້ຄະນະຜູ້ແທນສະພາແຫ່ງຊາດລາວ ປະສົບຜົນສໍາເລັດໃນການຢ້ຽມຢາມ ແລະ ເຮັດວຽກຢູ່ ສສ.ຫວຽດນາມ.

ຈາກນັ້ນ, ສະຫາຍ ແສງນວນ ໄຊຍະລາດ ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບ ສະຫາຍ ຫງວຽນ ຝູ ຈ້ອງ ເລຂາທິການໃຫຍ່ພັກກອມມູນິດຫວຽດນາມ.

ສະຫາຍ ແສງນວນ ໄຊຍະລາດ ໄດ້ສະແດງຄວາມຂອບໃຈຢ່າງຍິ່ງທີ່ສະຫາຍເລຂາທິການໃຫຍ່ ພັກກອມມູ ນິດຫວຽດນາມ ໄດ້ສະລະເວລາອັນມີຄ່າຕ້ອນຮັບຄະນະຜູ້ແທນຂອງສະພາແຫ່ງຊາດລາວ ແລະ ໄດ້ລາຍງານກ່ຽວ ກັບການຢ້ຽມຢາມ ແລະ ເຮັດວຽກຢູ່ ສສ.ຫວຽດນາມ ໂດຍສະເພາະແມ່ນການພົບປະເຮັດວຽກ ກັບ ສະຫາຍ ຕ໋ອງ ທິ ຝ໋ອງ ຮອງປະທານ, ຜູ້ປະຈໍາການ ສະພາແຫ່ງຊາດ ແຫ່ງ ສສ.ຫວຽດນາມ ພ້ອມດ້ວຍຄະນະ, ເຊິ່ງໄດ້ແລກປ່ຽນ ບົດຮຽນນໍາກັນກ່ຽວກັບການຮ່ວມມື ແລະ ການເຄື່ອນໄຫວຂອງສະພາແຫ່ງຊາດ ໃນເວທີ ລັດຖະສະພາພາກພື້ນ ແລະ ສາກົນ.

ສະຫາຍ ຫງວຽນ ຝູ ຈ້ອງ ໄດ້ຕີລາຄາສູງຕໍ່ການຢ້ຽມຢາມ ແລະ ເຮັດວຽກຂອງສະຫາຍຮອງປະທານສະພາ ແຫ່ງຊາດ ພ້ອມດ້ວຍຄະນະ ເຊິ່ງເປັນການປະກອບສ່ວນຮັດແໜ້ນສາຍພົວພັນອັນເປັນມູນເຊື້ອ ແຫ່ງຄວາມສາມັກ ຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ, ຫວຽດນາມ-ລາວ ໃຫ້ໝັ້ນຄົງແໜ້ນແຟ້ນຍິ່ງໆຂຶ້ນ.  ພ້ອມນັ້ນ, ຍັງໄດ້ອວຍພອນໃຫ້ການຢ້ຽມຢາມ ແລະ ເຮັດວຽກຢູ່ ສສ.ຫວຽດນາມ ຂອງຄະນະຜູ້ແທນສະພາແຫ່ງຊາດລາວ ປະສົບຜົນສໍາເລັດຢ່າງຈົບງາມ.