06/04/2018 00:00 -

ມີ​ສະມາຊິກ​ສະພາ​ປະຊາຊົນ​ແຂວງ, ຄະນະ​​ເລຂາທິການ, ຄະນະ​ກໍາມະການ, ຫົວໜ້າ​-ຮອງ​ຫົວໜ້າສູນ, ພ​ະນັກ​ງານ​ສະ​ຖາ​ບັນ​ຄົ້ນຄວ້າ​ນິຕິ​ກໍາ​ສະພາ​ແຫ່ງ​ຊາດ ​ແລະ ພະນັກງານ ສພຂ ​ເຂົ້າ​ຮ່ວມ​.

          ຈຸດປະສົງກອງປະຊຸມ ​ເພື່ອ​ປຶກສາ​ຫາລື ​ແລະ ​ເກັບ​ກໍາ​ຂໍ້​ມູນວຽກ​ເຝິກ​ອົບຮົມ, ຂໍ້​ມູນ-​ຂ່າວສານ, ຫ້ອງ​ສະໝຸດ. ​ໃນ​ນັ້ນ,​ແມ່ນ​ຫົວ​ຂໍ້ ​ແລະ ​ເນື້ອ​ໃນ​ການ​ເຝິກ​ອົບຮົມ​ລະດັບ​ຄວາມ​ສາມາດ​ໃຫ້​ສະມາຊິກ​ສະພາ​ແຫ່ງ​ຊາດ, ສະມາຊິກ​ສະພາ​ປະຊາຊົນແຂວງ ​ໃນ​ໄລຍະ​ຜ່ານ​ມາ​ມີ​ຄວາມ​ເໝາະ​ສົມ​ກັບ​ສະພາບ​ຄວາມ​ເປັນ​ຈິງ​ບໍ່ ​ແລະ ສໍາ​ຫລວດຄວາມ​ຕ້ອງການ, ການ​ຄົ້ນຄວ້າ​ຮັບ​ໃຊ້​ ສພຂ, ປຶກສາ​ຫາລື​ການ​ພົວພັນ​ປະສານ​ງານ ​ລະຫວ່າງ​ສະພາ​ແຫ່ງ​ຊາດ ​ກັບ​ ສພຂ, ​ພົວພັນ​ປະສານ​ງານ​ລະຫວ່າງ​ ​ສພຂ ກັບບັນດາ​ຂະ​ແໜງ​ການ​ຕ່າງໆ​ຂອງ​ແຂວງ.​ກອງ​ປະຊຸມ​ໄດ້ຮັບ​ຟັງ​ການສະ​ເໜີ​ພາລະ​ບົດບາດ​ຂອງ​ສູນ​ຄົ້ນຄວ້າ​ນິຕິ​ກໍາ ​ໃນ​ການ​ດໍາ​ເນີນການ​ຄົ້ນຄວ້າ​ຮັບ​ໃຊ້​ການ​ປະຕິບັດ​ຂອງ​ສະພາ​ແຫ່ງຊາດ ​ແລະ ສພຂ ​ແລະ ຮັບ​ຟັງ​ການສະ​ເໜີຫົວ​ຂໍ້​ໃນ​ການຈັດ​ຊຸດ​ເຝິກ​ອົບຮົມ​ໃຫ້​ແກ່​ສະມາຊິກ​ສະພາ​ແຫ່ງ​ຊາດ, ສະມາຊິກສະພາປະຊາຊົນ​ແຂວງ ​ແລະ ພະນັກ​ງານ​ວິຊ​າການ​ໃຫ້​ເປັນ​ເສນາ​ທິການ​ທີ່​ດີ​, ສະໜອງ​ຂໍ້​ມູນ​ໃຫ້​ສະມາຊິກ​ສະພາ​ແຫ່ງ​ຊາດ, ສະມາຊິກສະພາປະຊາຊົນ​ແຂວງ. ຫລັງຈາກນັ້ນ, ບັນດາ​ຜູ້​ແທນ​ກອງ​ປະຊຸມ​ໄດ້​ຜັດປ່ຽນ​ກັນສະ​ເໜີ​ຄໍາ​ຄິດ​ຄໍາ​ເຫັນ​​ຫລາຍບັນຫາ​ທີ່​ສໍາຄັນ ​ເພື່ອ​ປັບປຸງ ​ແລະ ​ແກ້​ໄຂ​ໃນ​ສະ​ເພາະ​ໜ້າ​ໃຫ້​ດີກ​ວ່າ​ເກົ່າ.

 

(ນາງ ສຸກ​ສະຫວັນ ອິນທະ​ແສງ)