ກບຜ ເຜີຍແຜ່ເອກະສານສຳຄັນຕ່າງໆ

17/06/2021 00:00 -

          (ສພຊ) ວັນທີ 16 ມິຖຸນາ 2021 ທີ່ຫ້ອງປະຊຸມຄະນະປະຈຳສະພາແຫ່ງຊາດ, ກຳມາທິການບັນດາເຜົ່າ (ກບຜ) ໄດ້ຈັດກອງປະຊຸມເຊື່ອມຊຶມມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວ ໂດຍການເປັນປະທານຂອງສະຫາຍ ຄຳຈັນ ໂສຕາປະເສີດ ຮັກສາການເລຂາໜ່ວຍພັກກຳມາທິການ, ປະທານກຳມາທິການບັນດາເຜົ່າ ເຂົ້າຮ່ວມມີບັນດາຄະນະໜ່ວຍພັກ, ຄະນະກົມ, ຄະນະພະແນກ, ແລະ ສະມາຊິກພັກພາຍໃນກຳມາທິການດັ່ງກ່າວ.

          ຈຸດປະສົງຂອງກອງປະຊຸມ ກໍເພື່ອເຊື່ອມຊຶມ, ຄົ້ນຄວ້າ ແລະ ປະກອບຄຳຄິດເຫັນ ຕໍ່ກັບມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວ.

          ໃນກອງປະຊຸມພາຍຫລັງຜູ້ເຂົ້າຮ່ວມໄດ້ຮັບຟັງເຊື່ອມຊຶມມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວ ຈາກນັ້ນກໍໄດ້ພ້ອມກັນຄົ້ນຄວ້າ, ມີຄຳເຫັນເຈາະຈີ້ມບັນຫາຕ່າງໆຕາມເອກະສານ.

                                                                           ແຫຼ່ງຂ່າວທີ່ມາ: ສະພາແຫ່ງຊາດ