ສພຊ ໄດ້ຮັບເຄື່ອງຊ່ວຍເຫລືອເພື່ອຕ້ານໂຄວິດ-19 ຈາກຫລາຍພາກສ່ວນ

11/05/2021 00:00 -

       (ສພຊ) ໃນວັນທີ 28 ເມສາ 2021 ທີ່ສະພາແຫ່ງຊາດ ໄດ້ມີພິທີມອບ-ຮັບເງິນ​ ແລະ ອຸປະກອນການແພດ ຊ່ວຍ​ເຫລືອຈາກພາກສ່ວນຕ່າງໆ ໃຫ້ແກ່ສະພາແຫ່ງຊາດ ເພື່ອນຳໃຊ້ເຂົ້າໃນການຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ຢູ່ ສປປລາວ; ກ່າວຮັບເຄື່ອງຄັ້ງນີ້ ໂດຍແມ່ນທ່ານ ນາງ ປິ່ງຄໍາ ລາຊະສິມມາ ເລຂາທິການສະພາແຫ່ງຊາດ ໂດຍການເຂົ້າຮ່ວມເປັນສັກຂີພິຍານຂອງທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ ພ້ອມດ້ວຍຄະນະ ແລະ ພາກສ່ວນທີ່ກ່ຽວຂ້ອງ.

       ການຊ່ວຍເຫລືອຄັ້ງນີ້ ປະກອບມີ 5 ພາກ​ສ່ວນຄື: ບໍລິສັດ ໄທນະຄອນ ພັດທະນາ ຈຳນວນ 382 ກວ່າລ້ານກີບ; ບໍລິສັດ PT ຈໍານວນ 100 ລ້ານ​ກີບ; ​ຮ້ານຄຳພູວົງ ຈໍານວນ 50 ລ້ານ​ກີບ; ບໍລິສັດ ຈົງຈູ້ ອຸດສາຫະກຳ ຈໍານວນ 30 ລ້ານ​ກີບ ແລະ ບໍລິສັດ ສະໄກ ຂຸດຄົ້ນບໍ່ແຮ່ ຈໍາກັດ​ ຈຳນວນ 15 ລ້ານ​ກີບ; ນອກຈາກນັ້ນ ຍັງມີອຸປະກອນການແພດ, ຢາ, ຜ້າອັດປາກ ແລະ ອື່ນໆ. ພ້ອມກັນນັ້ນ, ສະພາແຫ່ງຊາດ ຈະໄດ້ນໍາເອົາການຊ່ວຍເຫລືອຄັ້ງນີ້ ແຈກຢາຍໃຫ້ບັນດາໂຮງຫມໍ, ສູນກັກກັນ ແລະ ພາກສ່ວນທີ່ມີຄວາມຈຳເປັນ.

                                                     ແຫຼ່ງຂ່າວທີ່ມາ: ສະພາແຫ່ງຊາດ