ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ກອງປະຊຸມສະໄໝສາມັນເທື່ອທີ V ອັດລົງດ້ວຍຜົນສຳເລັດຢ່າງຈົບງາມ

ກອງ​ປະຊຸມ​ສະໄໝ​ສາມັນ​ເທື່ອ​ທີ V ຂອງ​ສະພາ​ແຫ່ງ​ຊາດ ຊຸດ​ທີ VII ໄດ້​ອັດ​ລົງ​ດ້ວຍ​ຜົນສຳເລັດ​ຢ່າງ​ຈົບງາມ ໃນ​ວັນ​ທີ 26 ກໍລະກົດ 2013 ຜ່ານ​ມາ ເປັນ​ກຽດ​ເຂົ້າ​ຮ່ວມ​ໃນ​ພິທີ​ຄັ້ງ​ນີ້ ມີ​ພະນະ​ທ່ານ ຈູມ​ມາລີ ໄຊ​ຍະ​ສອນ ປະທານ​ປະເທດ ພ້ອມ​ຜູ້ນຳ​ພັກ-ລັດ ແລະ ສະມາຊິກ​ສະພາ​ແຫ່ງ​ຊາດ.

ທ່ານ​ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ ໄດ້​ກ່າວ​ອັດ​ກອງ​ປະຊຸມ​ຄັ້ງ​ນີ້ ຊຶ່ງ​ມີ​ບາງ​ຕອນ​ທ່ານ​ໄດ້​ກ່າວ​ວ່າ: ກອງ​ປະຊຸມ​ໄດ້​ພິຈາລະນາ ແລະ ຮັບຮອງ​ເອົາ​ບົດ​ລາຍ​ງານ​ຂອງ​ລັດຖະບານ ກ່ຽວ​ກັບ​ການຈັດຕັ້ງ​ປະຕິບັດ​ກາງ​ສະໄໝ​ຂອງ​ແຜນ​ພັດທະນາ​ເສດຖະກິດ-ສັງຄົມ​ ແຫ່ງ​ຊາດ 5 ປີ ຄັ້ງ​ທີ VII ການຈັດຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ ແລະ ແຜນ​ງົບປະມານ​ແຫ່ງ​ລັດ 6 ເດືອນ​ຕົ້ນ ສົກ​ປີ 2012-2013 ວຽກ​ງານ​ຈຸດ​ສຸມ 6 ເດືອນ​ທ້າຍ​ສົກ​ປີ 2012-2013 ແລະ ທິດ​ທາງ​ສົກ​ປີ 2013-2014 ໄດ້​ພິຈາລະນາ ແລະ ຮັບຮອງ​ເອົາ​ການເຄື່ອນໄຫວ​ວຽກ​ງານ​ຂອງ​ອົງການ​ກວດ​ສອບ​ແຫ່ງ​ລັດ ປະຈຳ​ສົກ​ປີ 2012-2013 ທິດ​ທາງ​ວຽກ​ສົກ​ປີ 2013-2014 ແລະ ຜົນ​ການ​ກວດ​ສອບ​ສະຫຼຸບ​ຂາດ​ຕົວ ການຈັດຕັ້ງ​ປະຕິບັດ​ແຜນ​ງົບປະມານ​ແຫ່ງ​ລັດ​ສົກ​ປີ 2010-2011 ໄດ້​ພິຈາລະນາ ແລະ ຮັບຮອງ​ເອົາ​ບົດ​ລາຍ​ງານ​ການເຄື່ອນໄຫວ​ວຽກ​ງານ​ປະຈຳ​ສົກ​ປີ 2012-2013 ແລະ ທິດ​ທາງ​ວຽກ​ງານ​ສົກ​ປີ 2013-2014 ຂອງ​ອົງການ​ໄອ​ຍະ​ການ​ປະຊາຊົນ​ສູງ​ສຸດ ແລະ ສານ​ປະຊາຊົນ​ສູງ​ສຸດ ທັງ​ໄດ້​ພິຈາລະນາ​ຮັບຮອງ​ເອົາ​ຜົນ​ການເຄື່ອນໄຫວ​ວຽກ​ງານ​ກາງ​ສະໄໝ ກໍ​ຄື​ປະຈຳ​ສົກ​ປີ 2012-2013 ແລະ ວຽກ​ງານ​ຈຸດ​ສຸມ​ແຕ່​ນີ້ ຈົນ​ເຖິງ​ທ້າຍ​ສະໄໝ​ຂອງ​ສະພາ​ແຫ່ງ​ຊາດ ຊຸດ​ທີ VII.

ທ່ານ​ນາງ ປານີ ຢາ​ທໍ່​ຕູ້ ກ່າວ​ຕື່ມ​ອີ​ກວ່າ: ກອງ​ປະຊຸມ​ຄັ້ງ​ນີ້ ຍັງ​ໄດ້​ພິຈາລະນາ ແລ ຮັບຮອງ​ເອົາ​ກົດໝາຍ 5 ສະບັບ ໃນ​ນັ້ນ ມີ​ກົດໝາຍ​ໃໝ່ ຈຳນວນ 3 ສະບັບ​ຄື: ກົດໝາຍ​ວ່າ​ດ້ວຍ​ວິທະຍາສາດ-ເຕັກ​ໂນ​ໂລ​ຊີ ກົດໝາຍ​ວ່າ​ດ້ວຍ​ການ​ປະກັນ​ສັງຄົມ ແລະ ກົດໝາຍ​ວ່າ​ດ້ວຍ​ສະຫະພັນ​ແມ່ຍິງ​ລາວ ສ່ວນ​ກົດໝາຍ​ທີ່​ໄດ້​ຮັບ​ການ​ປະກາດ​ໃຊ້​ໄປ​ແລ້ວ ນຳ​ມາ​ປັບປຸງ​ບາງ​ມາດຕາ ມີ 2 ສະບັບ ປະກອບ​ມີ​ກົດໝາຍ​ວ່າ​ດ້ວຍ​ການທ່ອງທ່ຽວ ແລະ ກົດໝາຍ​ວ່າ​ດ້ວຍ​ອາຫານ ຊຶ່ງ​ບັນດາ​ກົດໝາຍ​ດັ່ງກ່າວ ແມ່ນ​ໄດ້​ພິຈາລະນາ​ຢ່າງ​ຖີ່​ຖ້ວນ ບົນ​ຈິດໃຈ​ຮັບປະກັນ​ຄວາມ​ສອດຄ່ອງ​ກັບ​ທິດ 3 ສ້າງ ແລະ ສອດຄ່ອງ​ກັບ​ຄວາມ​ຮຽກຮ້ອງ​ຕ້ອງການ​ແຫ່ງ​ການ​ພັດທະນາ​ເສດຖະກິດ-ສັງຄົມ ແລະ ການ​ເຊື່ອມ​ໂຍງ​ເສດຖະກິດ​ກັບ​ສາກົນ​ໃນ​ໄລຍະ​ໃໝ່ ພ້ອມ​ນັ້ນ​ຍັງ​ໄດ້​ສະເໜີ​ຕໍ່​ລັດຖະບານ​ຊີ້​ນຳ​ບັນດາ​ກະຊວງ​ກ່ຽວຂ້ອງ ມີ​ແຜນການ ແລະ ມາດ​ຕະການ​ໃນ​ການຈັດຕັ້ງ​ຜັນ​ຂະຫຍາຍ​ຢ່າງ​ເປັນ​ລະບົບ​ຄົບ​ຊຸດ ເພື່ອ​ເຮັດ​ໃຫ້​ບັນດາ​ກົດໝາຍ​ທີ່​ໄດ້​ຖືກ​ຮັບຮອງ​ເອົາ​ນັ້ນ ໄດ້​ຮັບ​ການຈັດຕັ້ງ​ປະຕິບັດ​ເຊື່ອມ​ເຂົ້າ​ສູ່​ຊີວິດ​ຕົວ​ຈິງ​ຂອງ​ສັງຄົມ​ ເປັນ​ຢ່າງ​ດີ.

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: