ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສສຊ ປະກອບຄຳເຫັນໃສ່ຮ່າງນະໂຍບາຍທີ່ດິນແຫ່ງຊາດ

ການ​ດຳເນີນ​ກອງ​ປະຊຸມ​ສະໄໝ​ສາມັນ​ເທື່ອ​ທີ 5 ຂອງ​ສະພາ​ແຫ່ງ​ຊາດ ຊຸດ​ທີ VII ມາ​ເຖິງ​ວັນ​ທີ 25 ກໍລະກົດ 2013 ໂດຍ​ການ​ເປັນ​ປະທານ​ຂອງ​ທ່ານ​ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ ເຊິ່ງ​ກໍ​ເຫຼືອ​ພຽງ​ວັນ​ດຽວ​ທີ່​ກອງ​ປະຊຸມ​ດັ່ງກ່າວ​ຈະ​ໄດ້​ປິດ​ລົງ.ຕະຫຼອດ​ໄລຍະ​ຫຼາຍ​ວັນ​ຜ່ານ​ມາ ບັນດາ​ຄະນະ​ປະທານ​ອະນຸ​ກຳມະການ ລວມ​ທັງ​ສະມາຊິກ​ສະພາ​ແຫ່ງ​ຊາດ​ທຸກ​ທ່ານ

ໄດ້​ສຸມ​ຈິດ​ສຸມ​ໃຈ​ປະກອບ​ຄຳ​ຄິດ​ຄຳ​ເຫັນ​ຢ່າງ​ກົງ​ໄປ​ກົງ​ມາ ຕໍ່​ກັບ​ການຈັດຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ 5 ປີ ຄັ້ງ​ທີ VII (2011-2015) ພ້ອມ​ທັງ​ສາມາດ​ຮັບຮອງ​ເອົາ​ຫຼາຍ​ຮ່າງ​ກົດໝາຍ​ທີ່​ໄດ້​ນຳ​ຂຶ້ນ​ມາ​ສະເໜີ​ ປຶກສາ​ຫາລື​ໃນ​ກອງ​ປະຊຸມ​ຄັ້ງ​ນີ້ ແລະ ມື້ນີ້​ເອງ​ກໍ​ໄດ້​ມີ​ການ​ນຳ​ສະເໜີ​ຮ່າງ​ນະໂຍບາຍ​ທີ່​ດິນ​ແຫ່ງ​ຊາດ​ໂດຍ ​ດຣ. ອາຄົມ ຕຸ​ນາ​ລົມ ລັດຖະມົນຕີ​ຊ່ວຍ​ວ່າການ​ກະຊວງ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ.

ຈາກ​ນັ້ນ ຕາງໜ້າ​ຄະນະ​ປະຈຳ​ສະພາ​ແຫ່ງ​ຊາດ ປະທານ​ກຳມາ​ທິ​ການ​ເສດຖະກິດ ແຜນການ ແລະ ການ​ເງິນ ຂຶ້ນ​ປະກອບ​ຄຳ​ເຫັນ​ຕໍ່​ຮ່າງ​ນະໂຍບາຍ​ດັ່ງກ່າວ ຕໍ່​ຈາກ​ນັ້ນ​ທັງ​ພາກ​ເຊົ້າ ແລະ ພາກ​ບ່າຍ​ຄະນະ​ຜູ້​ແທນ​ທີ່​ເຂົ້າ​ຮ່ວມ​ກອງ​ປະຊຸມ ຕ່າງ​ກໍ​ໄດ້​ຜັດປ່ຽນ​ກັນ​ຂຶ້ນ​ປະກອບ​ຄຳ​ເຫັນ ໂດຍ​ເລັ່ງ​ໃສ່ 9 ນະໂຍບາຍ​ທີ່​ດິນ​ທີ່​ກຳນົດ​ໄວ້​ໃນ​ຂໍ້ III ຂອງ​ຮ່າງ​ນະໂຍບາຍ​ທີ່​ດິນ​ແຫ່ງ​ຊາດ ເປັນຕົ້ນ ນະໂຍບາຍ​ກ່ຽວ​ກັບ​ສິດ​ໃນ​ການ​ຄອບ​ຄອງ​ທີ່​ດິນ ການ​ຈັດ​ສັນ ແລະ ວາງ​ແຜນການ​ນຳ​ໃຊ້​ນະໂຍບາຍ​ການ​ຄຸ້ມ​ຄອງ ການ​ທົດ​ແທນ​ຄ່າ​ເສຍ​ຫາຍ​ຈາກ​ການ​ເວນ​ຄືນ​ທີ່​ດິນ ລວມ​ທັງ​ການ​ບໍລິຫານ​ທີ່​ດິນ ນະໂຍບາຍ​ການ​ຮັບ​ຮູ້​ສິດ​ນຳ​ໃຊ້​ທີ່​ດິນ​ຂອງ​ຄົນ​ບໍ່​ມີ​ສັນຊາດ​ຄົນ​ຕ່າງ​ ດ້າວ ຄົນ​ເຊື້ອ​ຊາດ​ລາວ ແລະ ນັກ​ລົງທຶນ​ຕ່າງປະເທດ ຍຸດ​ທະ​ສາດ​ການ​ຫັນ​ທີ່​ດິນ​ເປັນ​ທຶນ​ການ​ດັດສົມ​ອັດຕາ​ເນື້ອທີ່​ການ​ນຳ​ໃຊ້ ​ທີ່​ດິນ ແລະ ນະໂຍບາຍ​ກ່ຽວ​ກັບ​ການ​ຕິດຕາມ​ກວດກາ ແລະ ແກ້​ໄຂ​ຂໍ້​ຂັດ​ແຍ່ງ​ກ່ຽວ​ກັບ​ທີ່​ດິນ.

ທັງ 9 ນະໂຍບາຍ​ທີ່​ດິນ​ທີ່​ກ່າວ​ມາ​ນັ້ນ ລ້ວນ​ແຕ່​ເປັນ​ທິດ​ທາງ​ກຸນແຈ​ສຳຄັນ ເພື່ອ​ກ້າວ​ສູ່​ການ​ສ້າງ​ປັບປຸງ​ກົດໝາຍ ນິຕິ​ກຳ​ຕ່າງໆ​ທີ່​ກ່ຽວຂ້ອງ​ກັບ​ທີ່​ດິນ ໃຫ້​ມີ​ຄວາມ​ລະອຽດ​ຄົບ​ຖ້ວນ​ຈະແຈ້ງ​ຂຶ້ນ​ຕື່ມ ເພື່ອ​ຫຼຸດຜ່ອນ​ຊ່ອງ​ຫວ່າງ​ຂອງ​ກົດໝາຍ ແລະ ແກ້​ໄຂ​ບັນຫາ​ຕ່າງໆ​ທີ່​ເກີດ​ຂຶ້ນ​ໃນ​ສັງຄົມ.

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: