ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ຮັບຮອງເອົາກົດໝາຍວ່າດ້ວຍປະກັນສັງຄົມ

ກອງ​ປະຊຸມ​ສະໄໝ​ສາມັນ​ເທື່ອ​ທີ 5 ຂອງ​ສະພາ​ແຫ່ງ​ຊາດ ຊຸດ​ທີ VII ດຳເນີນ​ມາ​ເຖິງ​ວັນ​ທີ 22 ກໍລະກົດ 2013 ຢູ່​ສະພາ​ແຫ່ງ​ຊາດ ເຊິ່ງ​ເປັນ​ມື້​ທີ 11 ຂອງ​ກອງ​ປະຊຸມ​ດັ່ງກ່າວ ໂດຍ​ເປັນ​ປະທານ​ຂອງ​ທ່ານ ສົມ​ພັນ ແພງ​ຄຳ​ມີ ຮອງ​ປະທານ​ສະພາ​ແຫ່ງ​ຊາດ ມີ​ສະມາຊິກ​ສະພາ​ແຫ່ງ​ຊາດ (​ສສຊ) ປະຈຳ​ເຂດ​ເລືອກ​ຕັ້ງ​ຕ່າງໆ​ເຂົ້າ​ຮ່ວມ.

ສຳລັບ​ມື້​ທີ 11 ນີ້ ໄດ້​ມີ​ການ​ສະເໜີ​ຮ່າງ​ກົດໝາຍ​ວ່າ​ດ້ວຍ​ການ​ປະກັນ​ສັງຄົມ ໂດຍ​ທ່ານ ບຸນ​ຄົງ ຫຼ້າ​ສຸ​ກັນ ລັດຖະມົນຕີ​ຊ່ວຍ​ວ່າການ​ກະຊວງ​ແຮງ​ງານ ແລະ ສະຫວັດດີ​ການ-ສັງຄົມ ວ່າ: ຮ່າງ​ກົດໝາຍ​ວ່າ​ດ້ວຍ​ການ​ປະກັນ​ສັງຄົມ ປະກອບ​ມີ 10 ພາກ 2 ໝວດ 94 ມາດຕາ ເຊິ່ງ​ໄດ້​ມີ​ຈຸດປະສົງ​ຂອງ​ກົດໝາຍ​ສະບັບ​ນີ້ ໄດ້​ກຳນົດ​ຫຼັກການ ລະບຽບ​ການ ແລະ ມາດ​ຕະການ​ກ່ຽວ​ກັບ​ການຈັດຕັ້ງ​ການເຄື່ອນໄຫວ ການ​ຄຸ້ມ​ຄອງ ແລະ ກວດກາ​ວຽກ​ງານ​ປະກັນ​ສັງຄົມ​ໃຫ້​ເປັນ​ລະບົບ​ເຂັ້ມແຂງ ແລະ ມີ​ປະສິດທິພາບ ເພື່ອ​ປົກ​ປ້ອງ​ສິດ ແລະ ຜົນ​ປະໂຫຍດ​ຂອງ​ຊາວ​ຜູ້​ອອກແຮງ​ງານ​ດ້ວຍ​ການ​ສະໜອງ ການ​ອຸດ​ໜູນ​ປະກັນ​ສັງຄົມ ແນໃສ່​ຄ້ຳປະກັນ​ການ​ດຳລົງ​ຊີວິດ​ຂັ້ນ​ພື້ນຖານ ແລະ ປະກອບສ່ວນ​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມ​ຂອງ​ຊາດ.

ພາຍຫຼັງ​ການ​ສະເໜີ​ຮ່າງ​ກົດໝາຍ​ດັ່ງກ່າວ​ແລ້ວ ປະທານ​ກອງ​ປະຊຸມ​ກໍ​ໄດ້​ໃຫ້​ຄຳ​ຖາມ​ເຈາະ​ຈີ້ມ ແລະ ໃຫ້​ທິດ​ຊີ້​ນຳ​ໃນ​ການ​ປະກອບ​ຄຳ​ເຫັນ ອະນຸ​ກຳມະການ​ກົດໝາຍ​ໃຫ້​ຄຳ​ຊີ້​ແຈງ ຈາກ​ນັ້ນ ​ສສຊ ກໍ​ໄດ້​ຜັດປ່ຽນ​ກັນ​ຂຶ້ນ​ປະກອບ​ຄຳ​ເຫັນ​ໃສ່​ຮ່າງ​ກົດໝາຍ​ດັ່ງກ່າວ ໂດຍ​ສ່ວນ​ໃຫຍ່​ແລ້ວ ​ສສຊ ແມ່ນ​ໄດ້​ສະເໜີ​ໃຫ້​ມີ​ການ​ປັບປຸງ​ແກ້​ໄຂ​ເນື້ອ​ໃນ​ຂອງ​ບາງ​ມາດຕາ ທີ່​ເຫັນ​ວ່າ​ບໍ່​ມີ​ຄວາມ​ສອດຄ່ອງ ເປັນຕົ້ນ​ແມ່ນ ຄວນ​ກຳນົດ​ໃຫ້​ຈະແຈ້ງ​ປະເພດ​ການ​ອຸດ​ໜູນ ເປົ້າ​ໝາຍ ຫຼື ຜູ້​ທີ່​ຈະ​ໄດ້​ຮັບ​ນະໂຍບາຍ​ປະກັນ​ສັງຄົມ ລະດັບ​ການ​ປິ່ນປົວ ແລະ ມູນ​ຄ່າ ຕ້ອງ​ໃຫ້​ສົມ​ເຫດ​ສົມ​ຜົນ ກຳນົດ​ໃຫ້​ຈະແຈ້ງ​ການ​ໃຊ້​ຄຳ​ສັບ​ກ່ຽວ​ກັບ​ການ​ປະກັນ​ສັງຄົມ ກັບ​ການ​ປະກັນ​ສຸຂະພາບ ແລະ ບັນຫາ​ສຳຄັນ​ອື່ນໆ​ອີກ ແນໃສ່​ເພື່ອ​ເຮັດ​ໃຫ້​ຮ່າງ​ກົດໝາຍ​ວ່າ​ດ້ວຍ​ການ​ປະກັນ​ສັງຄົມ ມີ​ເນື້ອ​ໃນ​ຄົບ​ຖ້ວນ​ສົມບູນ​ດ້ານ​ເນື້ອ​ໃນ ສາມາດ​ຄຸ້ມ​ຄອງ ແລະ ຮັບປະກັນ​ໄດ້ຜົນ​ປະໂຫຍດ​ຂອງ​ຊາວ​ຜູ້​ອອກແຮງ​ງານ ຄ້ຳປະກັນ​ການ​ດຳລົງ​ຊີວິດ​ຂັ້ນ​ພື້ນຖານ ແລະ ປະກອບສ່ວນ​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມ​ຂອງ​ຊາດ​ຢ່າງ​ແທ້​ຈິງ ຕອນ​ທ້າຍ​ກອງ​ປະຊຸມ​ກໍ​ໄດ້​ເຫັນ​ດີ​ຮັບຮອງ​ເອົາ​ກົດໝາຍ​ສະບັບ​ດັ່ງກ່າວ ດ້ວຍ​ຄະແນນ​ສຽງ​ສ່ວນ​ໃຫຍ່.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: