ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສະມາຊິກສະພາແຫ່ງຊາດ

ອີເມລ ພິມ PDF

ທີ່ຕັ້ງຂອງສະມາຊິກສະພາແຫ່ງຊາດ

ສະ​ມາ​ຊິກ​ສະ​ພາ​ແຫ່ງ​ຊາດ ເປັນ​ຕົວ​ແທນ​ແຫ່ງ​ມານະ​ຈິດ, ສິດ, ຜົນປະໂຫຍດ ແລະ ຄວາມມຸ່ງ​ມາດ​ປາດ​ຖະ​ໜາ​ຂອງ​ປະ​ຊາ​ຊົນບັນດາ​ເຜົ່າ ຊຶ່ງ​ແມ່ນ​ພົນ​ລະ​ເມືອງ​ລາວເປັນ​ຜູ້​ເລືອກ​ຕັ້ງ​ ແລະ ຢູ່ ໃຕ້ ການກວດກາຂອງປະຊາຊົນ, ປະຕິບັດ ສິດ ແລະ ໜ້າທີ່ ຕາມທີ່ໄດ້ກຳນົດໄວ້ ໃນມາດຕາ 20 ຂອງ​ກົດໝາຍ​ສະບັບ​ນີ້.

 

ສິດ ແລະ ໜ້າ​ທີ່​ຂອງ​ສະມາຊິກ​ສະພາ​ແຫ່ງ​ຊາດ

ສະ​ມາ​ຊິກ​ສະ​ພ​າ​ແຫ່ງ​ຊາດ ມີ​ ສິດ ແລະ ​ຫນ້າ​ທີ່​ ດັ່ງນີ້:

1.    ຄົ້ົ້ນ​ຄວ້າ, ​ເຊື່ອມຊືມ ແລະ ​ເປັນ​ແບບຢ່າງ​ໃນ​ການຈັດຕັ້ງ​ປະ​ຕິ​ບັດ​ແນວ​ທາງ, ​ນະ​ໂຍ​ບາຍ​ຂອງພັກ, ລັດຖະ ທຳ​ມະນູນ, ​ກົດໝາຍ​ຂອງ​ລັດ, ມະ​ຕິ​ຂອງກອງ​ປະ​ຊຸມ​ສະ​ພາ​ແຫ່ງ​ຊາດ ແລະມະຕິຕົກລົງຂອງຄະນະປະຈຳ ສະພາແຫ່ງຊາດ, ເຄົາລົບ​ສິດ ​ແລະ ​ຜົນ​ປະ​ໂຫຍ​ດອັນ​ຊອບ​ທຳ​ຂອງ​ປະຊາຊົນ;

2.    ໂຄ​ສະ​ນາ, ​ເຜີຍ​ແຜ່​, ປຸກ​ລະ​ດົມ ປະ​ຊາ​ຊົນ​ບັນ​ດາ​ເຜົ່າ​ ​ແລະ ຊັ້ນ​ຄົນ​ ​ໃຫ້​ເຊຶ່ອມຊືມ ​ແລະ ເຂົ້ົ້າຮ່ວມໃນ​ການ​ປະ​ຕິບັດແນວ​ທາງ​, ນະ​ໂຍ​ບາຍ​ຂອງ​ພັກ, ລະ​ບຽບ​ກົດ​ໝາຍ​ຂອງ​ລັດ ແລະ​ ມະຕິຂອງກອງປະຊຸມ​ສະ​ພາ​ແຫ່ງ​ຊາດ, ມະຕິຕົກລົງຂອງຄະນະປະຈຳສະພາແຫ່ງ ຊາດ,  ແຜນພັດທະນາ​ເສດຖະກິດ​-ສັງຄົມ ​ແລະ​ ແຜນ​ງົບປະມານ​ແຫ່ງ​ລັດ, ​ໃຫ້​ຮູ້ ​ແລະ ​ເຂົ້າ​ໃຈສິດ ​ແລະ ໜ້າ​ທີ່​ຂອງ​ສະມາຊິກ​ສະພາ​ແຫ່ງ​ຊາດ, ​ເຂົ້ົ້າ​ຮ່ວມ ໃນ​ການ​ຄຸ້​ມ​ຄອງ​ລັດ, ຄຸ້ມ​ຄອງ​ເສດ​ຖະ​ກິດ-​​​​ສັງ​ຄົມ;

3.    ລາຍ​ງານ​ການ​ເຄື່ອນ​ໄຫວ​ວຽກ​ງານ​ຕໍ່​ປະ​ຊາ​ຊົນ ໃນເຂດເລືອກຕັ້ງຂອງຕົນຢ່າງ​ໜ້ອຍ​ ປີ​ລະ​ສອງ​ເທື່ອ ​ແລະ ​ດຳ​​ເນີນ​ຊີວິດ​ການ​ເມືອງ ​ໃນຄະນະ​ສະມາຊິກ​ສະພາ​​ແຫ່ງ​ຊາດປະຈຳ​ເຂດ​ເລືອກ​ຕັ້ງຂອງ​ຕົນ​ ຢ່າງ​ເປັນ​ປົກກະຕິ;

4.    ເຂົ້າຮ່ວມແຕ່ຫົວທີ ກັບ​ອົງການ​ປົກຄອງ​ທ້ອງ​ຖິ່ນ ​ເປັນ​ຕົ້ນ​ ຫ້ອງ​ວ່າການ ​ແລະ​ ພະ​ແນ​ກ ການ​ອ້ອມ ​ຂ້າງ​ແຂວງ, ນະຄອນ​ ໃນ​ການຄົ້ນຄວ້າ, ປະກອບຄຳເຫັນ​ໃສ່ ແຜນພັດທະນາ ເສດຖະກິດ-ສັງຄົມ, ​ແຜນງົບປະ ມານ​ແຫ່ງລັດຂອງ​ທ້ອງ​ຖິ່ນ ​ແລະ ບັນຫາ​ສຳຄັນ​ອື່ນ ໃນເຂດເລືອກຕັ້ງຂອງຕົນ;

5.    ເຂົ້ົ້າ​ຮ່ວມກອງ​ປະ​ຊຸມ​ສະ​ພາ​ແຫ່ງ​ຊາດ ຢ່າງ​ເປັນ​ປົກກະຕິ, ຄົ້ນຄວ້າ, ກະກຽມເນື້ອ​ໃນ ​ການປະກອບຄຳເຫັນ​ໃນ​ກອງ​ປະຊຸມ ແລະ ລົງຄະແນນສຽງ ດ້ວຍຄວາມຮັບຜິດຊອບສູງ.

ໃນ​ກໍ​ລະ​ນີ​ທີ່​ບໍ່​ສາມາດເຂົ້າຮ່ວມ​ກອງ​ປະ​ຊຸມ​ໄດ້ ຍ້ອນ​ສາ​ເຫດຈຳ​ເປັນ​ໃດ​ໜຶ່ງ  ສະ​ມາ​ຊິກ​ສະ​ພາ​ແຫ່ງ​ ຊາດ ຕ້ອງໄດ້​ຮັບອະນຸຍາດຢ່າງເປັນ​ລາຍ​ລັກ​ອັກສອນ ຈາກ​ປະທານຄະ​ນະ​ປະ​ຈຳ​ສະ​ພາ​​ແຫ່ງ​ຊາດ;

6.    ຊັກຖາມ ປະທານປະເທດ, ປະທານສະພາແຫ່ງຊາດ, ຄະນະ​ປະຈຳ​ສະພາ​ແຫ່ງ​ຊາດ,  ນາຍົກລັດຖະມົນຕີ, ຄະນະລັດຖະບານ, ປະທານສານປະຊາຊົນສູງສຸດ, ຫົວໜ້າອົງການ ໄອຍະການປະຊາຊົນສູງສຸດ, ປະທານ​ອົງການ​ກວດ​ສອບ​ແຫ່ງ​ລັດ ໃນກອງປະຊຸມສະ ພາແຫ່ງຊາດ; ຊັກຖາມເຈົ້າແຂວງ, ເຈົ້າຄອງນະຄອນ ແລະ ຫົວໜ້າພະ​ແນ​ກການຕ່າງໆ ຂອງແຂວງ, ນະຄອນ ​ແລະ ບຸກຄົນ​ອື່ນ​ທີ່​ກ່ຽວຂ້ອງ;

7.    ໃຫ້ຄຳແນະນຳແກ່ພົນລະເມືອງ ກ່ຽວກັບການຍື່ນຄຳ​ຮ້ອງທຸກ; ປະກອບຄຳຄິດຄຳເຫັນ​ໃຫ້ ແກ່ຄະນະສະມາ ຊິກສະພາແຫ່ງຊາດປະຈຳເຂດເລືອກຕັ້ງ ກ່ຽວ​ກັບ​ການ​ພິຈາລະນາ​ຄຳ​ຮ້ອງ​ຂໍ​ຄວາມ​ເປັນ​ທຳ ເພື່ອ​ໃຫ້​ຄະນະ ດັ່ງກ່າວ ພິຈາລະນາຕາມພາລະບົດບາດຂອງຕົນ;

8.    ພົບປະ, ໃກ້​ຊິດ​ຕິດ​ແທດ​ກັບປະ​ຊາຊົນ, ​ຊອກຮູ້ ແລະ ນຳ​ເອົາ​ຄວາມຄິດ​ຄວາມເຫັນ, ​ຄວາມ​ມຸ່ງ​ມາດ​ປາ​ດຖະ​ໜາ ແລະ​ ຄຳສະເໜີຂອງ​ປະ​ຊາ​ຊົນ ເພື່ອສະເໜີ​ຕໍ່ສະພາແຫ່ງ ຊາດ ແລະ ພາກສ່ວນອື່ນ ທີ່ກ່ຽວຂ້ອງ ພິຈາລະນາ, ແກ້ໄຂ;

9.    ເຂົ້ົ້າ​ຮ່ວມ​ກອງ​ປະ​ຊຸມ, ການ​ເຄື່ອນ​ໄຫວ ແລະ ​ພິ​ທີທີ່​​ສຳ​ຄັນ​ຕ່າງໆ​ ຂອງ​ອົງ​ການ​ຈັດຕັ້ງ ພັກ, ລັດ, ​ແນວ​ລາວ​ສ້າງ​ຊາດ, ອົງ​ການ​ຈັດ​ຕັ້ງ​ມະ​ຫາ​ຊົນ ​ແລະ ​ອົງການ​ຈັດ​ຕັ້ງ​ສັງຄົມ​ຕ່າງໆ ໃນ​ເຂດ​ເລືອກ​ຕັ້ງ​ຂອງ​ຕົນ ​ໂດຍ​ໜ້າ​ທີ່ ​ແລະ ຕາມການເຊີນ;

10.  ໄດ້ຮັບຂໍ້ມູນ, ຂ່າວສານຕ່າງໆ ທີ່ຈຳເປັນໃນການປະຕິບັດຫນ້າທີ່ຂອງຕົນ;

11.  ສະຫລຸບ, ລາຍ​ງານ​ການ​ເຄື່ອນ​ໄຫວ​​ວຽກ​ງານ​ຂອງ​ຕົນ​ໃນແຕ່ລະໄລຍະ ຢ່າງ​ເປັນ​ລາຍ​ລັກ​ອັກສອນ ໃຫ້​​ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງ ແລະ ກຳ​ມາ​ທິ​ການທີ່​ຕົນ​ສັງ​ກັດ ຊາບ​​;

12.  ປະ​ຕິ​ບັດ​ສິດ ແລະ​ ໜ້າ​ທີ່​ອື່ນ ຕາມ​ທີ່​ໄດ້​ກຳນົດ​ໄວ້​ໃນກົດໝາຍ ແລະ ລະ​ບຽບພາຍ​ໃນ​ ຂອງ​ສະ​ພາ​ແຫ່ງ​     ຊ​າດ.

 

(ກຳນົດໄວ້ໃນກົດໝາຍວ່າດວ້ຍສະພາແຫ່ງຊາດ)

 

 

ມາດຖານຂອງສະມາຊິກສະພາແຫ່ງຊາດ

ຜູ້​ສະ​ໝັກ​ຮັບ​ເລືອກ​ຕັ້ງ​ ເປັນ​ສະ​ມາ​ຊິກ​ສະ​ພາ​ແຫ່ງ​ຊາດ ຕ້ອງ​ມີມາດ​ຕະຖານ​ຄົບ​ຖ້ວນ ດັ່ງນີ້:

1.    ​​​​​ຄົນ​ລາວ​ທີ່​​​​ສັນ​ຊາດ​ລາວ ແຕ່ອາຍຸ ຊາວເອັດປີຂຶ້ນໄປ;

2.    ມີ​ນ້ຳ​ໃຈ​ຮັກ​ຊາດ, ຮັກ​ລະ​ບອບ​ປະ​ຊາ​ທິ​ປະ​ໄຕ​ປະ​ຊາ​ຊົນ, ມີ​ຄວາມ​ຈົງ​ຮັກ​ພັກ​ດີ​ຕໍ່​ແນວ​ທາງ​ປ່ຽນ​ແປງ​ໃຫມ່​ຂອງ​ພັກ, ຕັ້ງ​ຕໍ່​ບໍ​ລິ​ສຸດ​ຕໍ່​ປະ​ເທດ​ຊາດ ແລະ​ ຮັບ​ໃຊ້​ຜົນ​ປະ​ໂຫຍດ​ຂອງ​ປະ​ຊາ​ຊົນ​ຢ່າງ​ແທ້ຈິງ, ມີ​ຫລັກ​ໜັ້ນ​ມິດ-​ສັດ​ຕູ​ຢ່າງ​ຈະ​ແຈ້ງ ແລະ​ ເດັດ​ຂາດ;

3.    ກຳ​ແໜ້ນ​ແນວ​ທາງ, ແຜນ​ນະ​ໂຍ​ບາຍ​ຂອງ​ພັກ ແລະ​ ລະ​ບຽບ​ກົດ​ຫມາຍ​ຂອງ​ລັດ, ຮູ້​ໂຄ​ສະ​ນາ​ປຸກ​ລະ​ດົມ​ຊວນ​ເຊື່ອ ແລະ ​ສຶກ​ສາ​ອົບ​ຮົມ​ປະ​ຊາ​ຊົນ ໃຫ້​ມີຄວາມຕື່ນ​ຕົວ​ເຂົ້າ​ຮ່ວມ​ໃນ ການຈັດ​ຕັ້ງ​ປະ​ຕິ​ບັດ​ຕົວ​ຈິງ;

4.    ມີ​ທັດ​ສະ​ນະ​ມະ​ຫາ​ຊົນ​ຢ່າງ​ຖືກ​ຕ້ອງ, ເປັນ​ສັນ​ຍາ​ລັກ​ແຫ່ງ​ຄວາມ​ສາ​ມັກ​ຄີ​ປະ​ຊາ​ຊົນ​ບັນ​ດາ​ເຜົ່າ, ມີ​ແບບ​ແຜນ​ເຮັດ​ວຽກ​ທີ່​ຕິດ​ພັນ​ກັບ​ຮາກ​ຖານ, ໃກ້​ຊິດ​ຕິດ​ແທດ​ກັບ​ປະ​ຊາ​ຊົນ ແລະ ​ໄດ້​ຮັບ​ຄວາມ​ໄວ້​ເນື້ອ​ເຊື່ອ​ໃຈ​ຈາກ​ປະ​ຊາ​ຊົນ;

5.    ມີ​ລະ​ດັບ​ຄວາມ​ຮູ້, ຄວາມ​ສາ​ມາດ​​ອັນ​ແນ່ນອນ ເພື່ອ​ສາ​ມາດ​ຄົ້ນ​ຄວ້າ ແລະ​ປະ​ກອບ​ຄວາມ​ເຫັນ​ເຂົ້າ​ໃນ​ການ​ປະ​ຕິ​ບັດສິດ ແລະ​ ຫນ້າ​ທີ່​ຂອງ​ສະ​ມາ​ຊິກ​ສະ​ພາ​ແຫ່ງ​ຊາດ;

6.    ມີ​ສຸ​ຂະ​ພາບ​ດີ ເພື່ອ​ຮັບ​ປະ​ກັນ​ການ​ປະ​ຕິ​ບັດ​ຫນ້າ​ທີ່​ວຽກ​ງານ ທີ່​​​​​​​​​​ມອບ​ຫມາຍ​ຢ່າງ​ເປັນ​ປົກ​ກະ​ຕ​ິ.

 

ຫລັກການເລືອກຕັ້ງສະມາຊິກສະພາແຫ່ງຊາດ

ການ​ເລືອກ​ຕັ້ງ​ສະ​ມາ​ຊິກ​ສະ​ພາ​ແຫ່ງ​ຊາດ ຢູ່ ສາ​ທາ​ລະ​ນະລັດ ປະ​ຊາ​ທິ​ປະ​ໄຕ  ປະ​ຊາ​ຊົນ​ລາວ ແມ່ນ ປະ​ຕິບັດຕາມຫລັກ​ການພື້ນຖານ ດັ່ງ​ນີ້:

1.   ຫລັກການທົ່ວໄປ;

2.   ຫລັກການສະເໝີພາບ;

3.   ຫລັກການໂດຍກົງ;

4.   ຫລັກການລົງຄະແນນສຽງປິດລັບ.

 

(ກຳນົດໄວ້ໃນກົດໝາຍວ່າດວ້ຍການເລືອກຕັ້ງສະມາຊິກສະພາແຫ່ງຊາດ)

 


ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: