ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ປະທານ ສພຊ ຕ້ອນຮັບ ອາດີດທະຫານ ອາສາສະໝັກ ຫວຽດນາມ ຊ່ວຍເຫລືອລາວ

(ສພຊ) ວັນພຸດທີ 27 ທັນວາ ທີ່ໂຮງແຮມລາວພລາຊາ, ສະຫາຍ ນາງ ປານີ ຢາທໍ່ຕູ້ ກໍາມະການກົມການເມືອງ ສູນກາງພັກ, ປະທານສະພາ ແຫ່ງຊາດ (ສພຊ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງສະຫາຍ ພົຈວ. ຮີ່ງດັກເຮືອງ, ຫົວໜ້າຄະນະປະສານງານອະດີດຊ່ຽວຊານ ທະຫານອາສາ ສະໝັກຫວຽດນາມຊ່ວຍເຫລືອລາວ ພ້ອມດ້ວຍຄະນະ ໃນໂອກາດທີ່ ເດີນມາຢ້ຽມຢາມ ສປປລາວ ລະຫວ່າງວັນທີ 25-29 ທັນວາ 2017

ສະຫາຍ ພົຈວ. ຮີ່ງດັກເຮືອງ ໄດ້ກ່າວສະແດງຄວາມຂອບໃຈຕໍ່ສະຫາຍ ນາງ ປານີ ຢາທໍ່ຕູ້ ທີ່ໄດ້ເສຍສະຫລະເວລາອັນມີຄຸ່ນຄ່າໃຫ້ການຕ້ອນຮັບອັນອົບອຸ່ນ ແລະ ໃນນາມທີ່ໄດ້ເປັນທະຫານ ອາສາສະໝັກໃນເມື່ອກ່ອນນັ້ນ ແມ່ນກຽດອັນສະຫງ່າງາມທີ່ພັກ-ລັດຖະບານ, ແນວໂຮມ ແລະ ປະຊາຊົນຊາວ ຫວຽດນາມໄດ້ມອບສິດໜ້າທີ່ນັ້ນໃຫ້.

ໃນໂອກາດນີ້, ສະຫາຍ ນາງ ປານີ ຢາທໍ່ຕູ້ ໄດ້ກ່າວສະແດງຄວາມຍິນດີຕ້ອນຮັບອັນອົບອຸ່ນຕໍ່ສະຫາຍ ພົຈວ. ຮີ່ງດັກເຮືອງ ທັງຕີລາຄາສູງຕໍ່ການເດີນທາງມາຢ້ຽມຢາມ ສປປລາວ ເຊິ່ງເປັນການປະກອບສ່ວນ ເຂົ້າໃນການເສີມຂະຫຍາຍສາຍພົວພັນ ຄວາມສາມັກຄີພິເສດ ແລະ ການຮ່ວມມືຮອບດ້ານລາວ-ຫວຽດນາມທີ່ເປັນມູນເຊື້ອ ໃຫ້ນັບມື້ນັບແຕກດອກອອກຜົນຍິ່ງໆຂຶ້ນ; ພ້ອມນັ້ນ, ຍັງສະແດງຄວາມຂອບໃຈ ຕໍ່ສະຫາຍ ທີ່ໄດ້ມີນໍ້າໃຈເສຍສະຫລະ ເປັນທະຫານອາສາສະໝັກຫວຽດນາມຊ່ວຍເຫລືອລາວ ແລະ ສະເໜີຢາກໃຫ້ຊາວໜຸ່ມລາວຜູ້ສືບທອດ ໄດ້ໄປຮຽນຮູ້ຊີວິດການເປັນຢູ່ ແລະ ຖອດຖອນບົດຮຽນປະສົບການໃນການດໍາລົງຊີວິດຂອງສະຫາຍ ພົຈວ. ຮີ່ງດັກເຮືອງ ທີ່ເປັນທະຫານອາສາສະໝັກ ຊ່ວຍລາວໃນໄລຍະຕໍ່ສູ້ກູ້ຊາດຂອງ ສປປລາວ ໃນເມື່ອກ່ອນ.

ໃນໂອກາດປີໃໝ່ສາກົນ 2018 ທີ່ຈະມາເຖິງນີ້ ປະທານ ສພຊ ຍັງອວຍພອນໄຊອັນປະເສີດ ມາຍັງສະຫາຍອະດີດທະຫານອາສາສະມັກຫວຽດນາມຊ່ວຍລາວ, ພັກ-ລັດ ຖະບານ ແລະ ພໍ່ແມ່ປະຊາຊົນຫວຽດນາມ ຂໍໃຫ້ມີຄວາມສຸກສຸຂະພາບແຂງແຮງມີຜົນສໍາເລັດໃນໜ້າທີ່ວຽກງານ.

(ສອນສັກ ວັນວິໄຊ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: